Uliwma pedagogika

Araliqtan baqlaw (AB) xa`r bir oqiw pa`ni boyinsha ma`mleketlik bilimlendiriw
standartinda (MBS) ko`zde tutilg`an, oqiwshilardin` o`zlestiriwi lazim bolg`an tiykarg`i bilim, 
eplilik, ko`nlikpeler (BEK) Elementleri sani aniq belgilengen ma`jbu`riy standartli baqlaw
jumislari(MSBJ) arqali a`melge asiriladi. Xa`r bir ma`jbu`riy standartli baqlaw jumisi (MSBJ) 
oqiwshilar biliminin` sapasin, pa`nnin` bo`limi yaki temalarinin` o`zlestiriliwi da`rejesin
baxalawdi maqset etedi. Ma`jbu`riy standart baqlaw jumis-larinin` sani xa`m tu`rleri xa`r bir 
oqiw pa`ninin` o`zine ta`n ayirmashilig`ina, oqiwshilardin` jas xa`m psixologiyaliq
o`zgesheligine qaray belgilenedi. MSJB sani oqiw bag`dar-lamasi talabina, pa`nnin` mazmunina
baylanisli boladi xa`m ol respublika bilimlendiriw orayi janinda sho`lkem-lestirilgen
do`retiwshilik toparlari ta`repinen tayarlanadi. 

---

Ku`ndelik baqlaw (KB) araliq baqlawlar arasinda o`tkeri-letug`in ku`ndelikli soraw bolip,
ol oqiwshilardin` bilim-lerindegi bosliqlardin` payda boliwinin` aldin aliw, oqiw-g`a iskerligin 
arttiriw maqsetinde qollaniladi. Oqiwshilardag`i bilim, eplilik, ko`nlikpelerdi (BEK) durislaw,
bekkemlew, so`ylew, yadlaw xa`m erkin pikirlewdi rawajlan-diriw, o`zligin ju`zege shig`ariw 
ku`ndelikli baqlaw pro-tsesinde a`melge asiriladi. Mug`allim xa`r bir oqiwshinin` ku`ndelik
baqlawdan o`tiwin ta`miyinlewi lazim. 


Do`retiwshilik iskerligin baqlaw (DIB). Do`retiwshilik jumislari oqiwshilardin` tilegi
xa`m qa`lewine qaray sho`l-kemlestiriledi. Do`retiwshilik jumislar xa`m tapsirmalar mug`allim 
ta`repinen belgilenedi. Ol da`stu`riy tu`rde (olim-piada, ko`rik-tan`law, sport jarislari, referat
jaqlaw, model` xa`m maket jasaw, tematikaliq basqatirmalar du`ziw, do`re-tiwshilik a`debiy 
jumislar, ko`rkem xa`m texnikaliq do`retiw-shilik, t.b.) xa`m da`stu`riy emes tu`rde (bir tema
boyinsha ili-miy jumis, ko`rgizbeli qurallar, a`sbap-u`skeneler, oqiw-video-fil`mler jaratiw t.b.) 
uyimlastirip xa`r sherekte bir ma`rte o`tkeriledi.