Uliwma pedagogika

maqsetke qaratilg`anliq, ta`rbiyanin` turmis ha`m miynet a`meliyati penen baylanislilig`i, 

jeke adamdi kollektiv arqali, kollektivte ha`m kollektiv ushin ta`rbiyalaw, 

ta`rbiyalaniwshig`a qoyilatug`in talaplardin` birligi ha`m onin` jeke basin hu`rmetlew, 

ta`rbiyaliq ta`sirlerdin` izbe-izligi, sistemalig`i ha`m de birligi, unamli qa`siyetlerge 

su`yenip ta`rbiyalaw, ta`rbiyaliq protsesstin` oqiushilardin` jas ha`m individual

o`zgesheliklerine sa`ykes keliwi, oqiwshilarg`a jeke qatnas jasawdi tu`sinemiz.
.Ha`zir ja`miyetimizde milliy ideyaliliq ha`m ta`rbiya protsesinin` bir maqsetke 


umtiliwshilig`i ta`rbiya protsesinde ayriqsha orindi iyeleydi. Bul printsiptin` jolindag`i barliq
ta`rbiyaliq isler - bayramlar, gu`rrin` ha`m basqalari ideyaliq jaqtan bag`darlang`an boliwi kerek,
al barliq ta`rbiya qurallari ha`r ta`repleme rawajlang`an, ja`miyet turmisina aktiv qatnasiwshi
jeke adamdi qa`liplestiriw isine juwap beriwi kerek. Bul printsip stixiyaliqqa, ta`rbiyadag`i o`zi
bolarmanliqqa qarsi, ha`r bir ta`rbiyashidan aniq perspektivalardi, olardi analizlewdi ha`m
maqsetke erisiw ushin ne islew kerekligin oylap qoyiwdi talap etedi. 


Milliy bir maqsetke bag`darlang`anliq printsipi tek g`ana ta`rbiyashinin` xizmetin
belgileydi. Al bul ta`rbiyaliq protsesstin` tikkeley qatnasiwshilari balalar, ta`rbiyalaniwshilar 
bolg`anliqtan, uliwma maqsetke erisiw jolina balalardin` o`zlerinde qatnastiradi ha`m milliy
ideyaliliq printsipin a`melge asiradi. Degen menen ayirim jag`daylarda ta`rbiyaliq isler 
planlastirilg`anda ko`binese ju`zeki formag`a iye boladi. Ma`selen ko`rkem ha`weskerlikke
tayarlaw ko`binese birinshi orindi aliw ushin boladi da, baladag`i estetikaliq sezimlerdi 
rawajlandiriwg`a qaratilmaydi. Bunday qatnasiqlar balalarda du`n`yag`a qizig`iwshiliqti
oyatpaydi, belgilengen maqsetke eristirmeydi. Sonin ushinda xizmettin` barliq tu`rlerin balalardi 
ta`rbiyalaw qurali dep tu`sinip, olarg`a aniq milliy bag`dar beriwimiz kerek.