Uliwma pedagogika

Ta`rbiyaliq ta`sirlerdin` izbe-izligi, sistemalilig`i xa`mde birligi. Biz balag`a turaqli
xa`m sistemali, izbe-iz xa`m u`zliksiz ta`rbiya bergende g`ana o`z maqsetimizge erise alamiz. 
Milliy ta`rbiya qiyin xa`m uzaq dawam etetug`in protsess. Sonliqtan ol qisqa waqitta
sheshilmeydi. Og`an uzaq waqitlar sistemali tu`rde miynet etiwge tuwra keledi. Sistemaliliq 
xa`m izbe-izlik printsipin paydalaniw ta`rbiya tarawi boyinsha aling`an bilim uqipliliq xa`m
ko`nlikpelerdi bekkemlew xa`m qollaniwdi, aldin`g`i da`sturlerdi saqlawdi talap etedi. Bul iste 
klassta xa`m mektepte o`tkeriletug`in ta`rbiyaliq jumislarda, balalar ta`repinen o`zlestirilgen
bilim, uqipliliq ko`nlikpelerge olardin` a`detlerine, turmis ta`jiriybelerine su`yengen xalda 
qollanilsa jaqsi na`tiyjeler beredi. Sistemaliliq xa`m izbe-izlik printsipi birlikti talap etedi.
Uzaq dawam etken ta`rbiya praktikasi buni xa`r ta`repleme da`lillep berdi. Sebebi bul birliktin` 
bolmawi na`tiyjesinde ayirim adamlar xa`m sho`lkemlerdin` ta`rbiyaliq isin buzip jiberedi,
balalardin` ekileniwshiligine, olardin` minez qulqinda unamsiz qa`siyetlerdin` boliwina jol 
qoyadi.

Unamli qa`siyetlerge su`yenip ta`rbiyalaw. Bul printsip tiykarinan ta`rbiyashinin`
balalarg`a jasag`an qatnasin ko`rsetedi. Pedagogikaliq jaqtan balanin` unamli qa`siyetlerine 
su`yeniw olardi miynet, a`dep-ikramliliq, estetikaliq jaqtan ta`rbiyalawg`a ja`rdem etedi. Al
ta`rbiyaliq protsess tek g`ana ta`rbiyalaniwshi minez qulqindag`i kemshiliklerdi saplastiriwg`a 
bag`darlang`an bolsa, onda bul pedagogikaliq jaqtan maqsetke muwapik emes bolg`an bolar edi.
Bunday jag`daylarda ta`rbiyashi menen ta`rbiyalaniwshi ortasinda qiyin qatnas payda bolip, olar 
bir-birin jek ko`retug`in, bir-birine qarama-qarsi, o`shpenli bolip ketedi. Ta`rbiyalaniwshi minez-
qulqindag`i unamsiz qa`siyetlerdi saplastiriwimiz biz pedagoglar ushin za`rur, biraq bul iste bas 
bag`dardi bir maqsetke bag`darlang`an jeke adam boyindag`i unamli qesiyetlerdi
qa`liplestiriwge, do`geregindegi adamlar menen adamgershilik penen qatnas jasawg`a qaratiw 
kerek. Unamli qa`siyetlerge su`yenip ta`rbiyalaw printsipi ta`rbiyaliq protsesste en` baslawshi
zvenolardi tan`lap aliw menen baylanisadi. Bul metod ta`rbiyashinin` balalar menen islesiw 
xizmetin, bul iste ta`rbiya metodlarin duris tan`lawin unamsiz xa`m unamli qa`siyetlerdi tez
ajiratip aliwin, oqiwshilarda unamli qa`siyetke bolg`an su`ysiniwdi xa`m unamsiz qa`siyetlerge
shidamawshiliqti ta`rbiyalaw jollarin belgilep beredi.