Umum ta’lim maktablari kutubxonalari ishini to‘g‘ri tashkil etishda malakali mutaxassislar bilan ta’minlanishi, kutubxona xodimlariga qo‘yiladigan kasbiy talablar. Kutubxona xodimlarining tashkilotchilik qobiliyatlari

Kutubxonachining vazifalari va unga qo‘yilgan talablar: 
- maktab kutubxonachisi ta’lim sohasidagi metodik ishlar talablarini yaxshi 
biladigan bo‘lishi, kutubxonachilik ishidan tajriba orttirgan, shuningdek, turli 
axborot va menejmentdan yaxshi xabardor bo‘lishi; 
- adabiyotlarni menejmentlik bo‘yicha o‘rganuvchi hamda kompyuterda ish 
yuritishni bilishi; 
- kutubxona mudiri byudjet buyurtmalarini asosli ravishda tuza bilishi va 
ajratilgan moliyaviy mablag‘larning sarflanishi to‘g‘risida hisobot berishga tayyor 
bo‘lishi;
• maktab o‘quv dasturi talabiga javob beruvchi axborot manbalarini tanlashni 
ta’min etuvchi rejani yozma ravishda bayon eta bilishi;
• maktabda axborot xizmatini rivojlantira bilishi;
• o‘qituvchi va o‘quvchilarning axborotga va adabiyotlarga bo‘lgan ehtiyoji 
hamda qiziqishini o‘rganish va baholay bilishi;
• axborot xizmatining muqobil tizimini rejalashtirishi;
• o‘quvchi va o‘qituvchilarga yordam tariqasida adabiyotlar hamda axborot 
manbalari va bibliografiyasi bo‘yicha yo‘l-yo‘riq ko‘rsatishi;
• o‘zlashtirilgan axborotlarni saqlashda ilg‘or texnologiya yutuqlaridan 
foydalana bilish;
• axborotlarni izlash jarayonida o‘quvchilar ehtiyojini o‘rganishni tahlil qilish 
ko‘nikmasini o‘stirish;
• adabiyot, risola, maqola, illyustratsiya, fotonusxa kabi materiallar asosida 
jamg‘armani boyita bilish;
• maktabdan tashqari axborot manbalaridan birgalikda foydalanish imkonini 
beruvchi axborot tarmog‘i bilan kutubxonani bog‘lash.
Viloyat axborot-kutubxona markazlarida «kutubxonachilar maktabi» tashkil 
etilsa, foydadan holi bo‘lmasa kerak. Kutubxonachilar maktabi tarkibiga rahbarlar 

---

emas, balki mahoratli kutubxonachilar, albatta, bunda yoshlar ham nazardan chetda 
qolmaslik kerak, nafaqaga chiqib ketgan soha xodimlari va sohadan dars beradigan 
o‘qituvchilar birlashtirilib, ustoz-shogird an’anasi yo‘lga qo‘yilsa yosh 
mutaxassislarni tarbiyalash osonroq kechadi. 
Matbuot va axborot xizmatini yo‘lga qo‘yish, o‘quvchi–yoshlarning 
axborotlar olishga bo‘lgan ehtiyojini qondirish, yoshlar orasida kitobxonlik va 
ijodkorlik madaniyatini oshirish, ijodkor va o‘quvchi o‘rtasidagi muloqotni yanada 
yaxshilash, bolalar adabiyotini rivojlantirishga mamlakatimiz rahbariyati 
tomonidan berilayotgan e’tiborni keng jamoatchilikka yetkazish, pedagog 
xodimlarning OAV va vaqtli matbuot nashrlarida chiqishlarini tartibga solish va 
monitoringini olib borish, ijodkor o‘quvchi-yoshlarni qo‘llab quvvatlash, ularning 
ijod mahsullarini matbuot nashrlarida chop etilishiga ko‘maklashish kabi vazifalar 
bajariladi.