УҳН ўқув қўлланма Вазирликка

Fanni o’qitishdan maqsad – harbiy qasamyodga sodiq qolish, halol, 
intizomli, jasur bo‘lish, harbiy burchni ijro etish chog‘ida oqilona tashabbuslar 
ko‘rsatish, harbiy qismning jangovar shon-shuhratini va o‘z harbiy unvonining 
obro‘sini e’zozlash kabi O‘zbekiston Respublikasi Qurolli Kuchlari harbiy 
xizmatchisi uchun zarur bo‘lgan sifatlarni talabalarda shakllantirish. 
Fanning vazifasi – talabalarga O‘zbekiston Respublikasi Qurolli Kuchlari 
Umumharbiy nizomlari bilan belgilangan harbiy xizmatchilarning huquqlari va 
majburiyatlarini va ular o‘rtasidagi o‘zaro munosabatlarni, ichki tartib qoidalarini, 
harbiy intizomning mohiyatini, rag’batlantirish va intizomiy ta’zirlarning 
ko‘rinishlarini, shuningdek, garnizon va qorovullik xizmatlarini tashkil qilishni 
o‘rganishdan iborat. 
Fanni o‘zlashtirishga qo‘yiladigan talablar: 
- harbiy sohadagi davlat siyosatining asosiy yo‘nalishlarini, O‘zbekiston 
Respublikasi Qurolli Kuchlari Umumharbiy nizomlarining qonuniy asoslari va 

---

5
ularning talablarini, Qurolli Kuchlar Umumharbiy nizomlarining asosiy bo‘limlari 
va ularning mazmunini, harbiy xizmatni tashkil etish va harbiy intizomni 
mustahkamlash bo‘yicha qo‘yilayotgan zamonaviy talablarni, harbiy xizmatchi 
shaxsi omillari va uning shakllanish taraqqiyotini bilishi kerak; 
- harbiy xizmatchilarning va guruh komandirining majburiyatlarini bajarish 
chog‘ida O‘zbekiston Respublikasi Qurolli Kuchlari Umumharbiy nizomlari 
talablarini qo‘llash;
- ichki hamda garnizon va qorovullik xizmatlarini tashkillash va o‘tashda 
Umumharbiy nizomlar qoidalariga qat’iy rioya etish, bo‘linmada yuksaq harbiy 
intizom va jangovar shaylikni ta’minlash, harbiy ta’limni tashkil etishning asosiy 
shakllarini amaliyotda qo‘llash, aniq vaziyatlar uchun ularning qulay variantlarini 
tanlash, harbiy xizmat, ta’lim va tarbiya natijalarini tahlil etish, harbiy xizmatchilar 
va harbiy jamoani o‘rganish ko‘nikmalariga ega bo‘lishi kerak; 
- boshqaruv xujjatlari bilan ishlash, zarur yo‘riqnomalar tuzish, ta’limning 
axborot texnologiyalaridan foydalana olish, bo‘linmada yuksaq harbiy intizom va 
ichki tartibni saqlash, bo‘ysunuvchilarni harbiy va ma’naviy tarbiyasi bo‘yicha 
guruh komandirining ma’naviy-axloqiy, tarbiyaviy ishlarini samarali olib borish, 
jasur, Vataniga, harbiy qasamyodiga sodiq, erkin fikrli, har tomonlama barkamol 
shaxsni shakllantirishni rejalashtirish va amalga oshirish; 
- bo‘ysunuvchilarning xulqi va xizmat faoliyatini rag‘batlantirish va o‘quv-
tarbiya jarayonini tashkil etish va amalga oshirish malakalariga ega bo‘lishi kerak.