Urganch davlat universiteti tabiiy fanlar fakulteti geografiya yo’nalishi 171-guruh talabasi ahmedova yulduzning o’zbekiston geografiyasi fanidan kurs ishi

II-bob bo’yicha xulosa

Viloyat miqyosida ekoturizmni rivojlantirish uchun albatta ekoturistik rayonlashtirish ishlarini olib borishga to’g’ri keladi. Zero viloyat miqyosida muayyan ekotizimlarda ekoturlarni o’tkazish ham ijtimoiy ham iqtisodiy jihatdan samarali bo’la olmaydi. Ekoturistik rayon - ekotizimzlarni turistik ko’rsatkichi qarab hududiy qismlashtirish va ularni nomlash. Ekoturistik chora-tadbirlarni qo’llashda geografik tadqiqotlar predmeti - hududiy bir butunlik, unda tarixan qaror topgan va roivojlangan holda ekotizimlarni birlashtirish (davriylik), ya’ni ekoturizmni boshqa turistik turlari bilan qo’shib olib borish imkoniyatini inobatga olish (komplekslik) prinsiplari o’rganildi.

Ishlab chiqilgan 12 ta ekoturistik marshrutlarni ajratilgan ekoturistik rayonlar bo’yicha o’tkazish ekoturizmni hududiy tashkil etish, davriy moslashtirish va uni yakka yoki qaysi bir turistik marshurt turlari bilan kompleks olib borishning optimallashtiradi. Ekoturlarni tashkil etish, olib borish va hisobini yuritishda, boshqa turistik marshrutlardan farqli ravishda, sayyohlik ob’ektlarining jozibadorligi, betakrorligi, imkoniyatliligi, mazmundorligi, alternativligi, majmualiligi, axborotlanganligi bilan bir qatorda uning xavfsizligini inobatga olish birlamchi ahamiyat kasb etadi. Bu esa O’zbekiston Respublikasining 2017- 2021 yillarga mo’ljallangan Harakatlar strategiyasining 5.1-bandi 6-xatboshida aks ettirilgan «Favqulodda vaziyatlarni oldini olish va bartaraf etish tizimini takomillashtirish» vazifasiga mos tushadi.

Ekoturistik infratuzilmani yaratishda uch bosqichli turistik markazlarni ma’muriy birliklar doirasida yaratish; ekoturizm moslashtirilgan kichik aholi punktlarida barpo etish; nozik ekotizimlarda tajriba va sinov ishlarini o’tkazishni taklif qilindi. Viloyat bo’yicha 17 ta yo’nalishdagi tavsiya etilgan chora-tadbirlar ekoturlarning hududiylik, davriylik va majmualilik jihatlarini inobatga olgan tarzda ishlab chilishi maqsadga muvofiqligi ilmiy asoslandi.