Қурилиш баҳосини шартномавий жорий нархларда аниқлаш

Сп – ишлаб чиқаришга оид бошқа харажатлар;
Пп – пудратчининг бошқа харажатлари.
4.17. Таваккалчилик коэффициенти навбатдаги йилда қурилишдаги нархлар ўсишини прогнозлаш индексидан келиб чиққан ҳолда белгиланади.
Таваккалчилик коэффициенти ҳар бир алоҳида объект қурилишининг баҳосини шакллантирувчи компонентлар нархларининг ўсишини прогнозлаштирилган индексидан келиб чиққан ҳолда ҳисобланиб аниқланади.
4.18. Объектнинг дастлабки нархини аниқлашда, таввакалчилик коэффициенти Ўзбекистон Республикаси Иқтисодиёт вазирлиги маълумотларига асосан “қурилиш” соҳаси бўйича прогнозлаштирилаётган инфляция кўрсаткичи даражасида қабул қилиниши мумкин.
4.19. Қурилиш нархининг иккинчи (ва кейинги) йил учун ўзгариш коэффициенти Кр, Вазирлар Маҳкамасининг 11.06.2003й. 261-сонли қарорининг 2-иловасига мувофиқ, буюртмачи ва пудратчи томонидан биргаликда (танлов савдоларини (тендер) ўтказган ташкилот билан келгусида келишиш шарти билан) Давархитектқурилиш қўмитасининг 16.04.2004й. 24-сонли буйруғи билан тасдиқланган “Иккинчи ва кейинги йиллар учун шартномавий нархларни аниқлаш бўйича услубий тавсиялар”да белгиланган тартибда, нархларни шакллантирувчи қуйидаги компонентлар нархларининг ўзгаришига асосланган ҳолда белгиланади:
- меҳнат харажатлари (иш ҳақининг минимал миқдорини ўзгариши);
- электр энергияси ("Ўзбекэнерго” ДАК);
- ёнилғи-мойлаш материаллари ("Ўзбекнефтгаз" МХК);
- металл ("Ўзметкомбинат" АИК);
- цемент (цемент заводлари);
- қум (завод-карьеры);
- йиғма темирбетон маҳсулотлар (ишлаб чиқарувчи заводлар);
- тахта-ёғоч материаллар (биржа нархлари);
- ғишт (ишлаб чиқарувчи заводлар) ва бошқалар.
Бунда ҳар бир аниқ белгиланган объект учун компонентлар ва асосий қурилиш материалларининг номенклатураси пудрат шартномаси тузилиш санаси учун объект қурилишининг камида 70% ни ташкил этувчи нархларни шакллантирувчи компонентларни ҳисобга олган ҳолда танланади.
Масалан, қувурларни ётиқизиш бўйича чизиқли иншоотлар учун:
- меҳнат харажатлари;
- қурилиш машиналари ва механизмларини эксплуатацияси учун сарфланадиган харажатлар;
- қувурларнинг нархи;
- изоляция материалларининг нархи.
4.20. Танловга тақдим этиладиган ишларнинг дастлабки нархи объект қурилишининг жорий нархлардаги умумий баҳосидан “буюртмачининг бошқа харажатлари”ни чиқариб ташлаш йўли билан аниқланади.
4.21. Объектларни фойдаланишга тўлиқ тайёр ҳолатда (“под ключ”) қуришда, танлов шартларига боғлиқ равишда, “буюртмачининг бошқа харажатлари”да ҳисобга олинган ишларнинг бир қисми томонларнинг келишувига кўра пудрачига берилиши мумкин ва аксинча, пудратчи харажатларининг бир қисмини буюртмачи ўз зиммасига олиши мумкин.
5-боб. ТАНЛОВ САВДОЛАРИДА ҚАТНАШИШИ УЧУН ПУДРАТЧИ ТАШКИЛОТЛАРИ ТОМОНИДАН ҚУРИЛИШ БАҲОСИНИ ЖОРИЙ НАРХЛАРДА АНИҚЛАШ ТАРТИБИ (ТАКЛИФ ЭТИЛГАН НАРХ - ОФЕРТА)


5.1. Ушбу бобда танлов савдоларида қатнашиши учун пудратчи ташкилот томонидан объект қурилишининг жорий нархлардаги баҳосини (келгусида – таклиф этилган нарх) аниқлаш бўйича асосий принциплар ва хусусиятлар келтирилган.