Ushbu maqolada biz uyda tashkil qilish mumkin bo`lgan ishlab chiqarishlarni ko`rib chiqamiz

Qo`lda tayyorlangan suvenirlar
Taxminiy xarajatlar: 600–5 mln. so`mdan boshlab.
Bunda ikki yo`nalishda: qo`l ishlari yoki biznes mahsulotlari yo`nalishlarida ishlashingiz mumkin. Ikkinchi holatda turli yuzalarga (futbolka, ruchka) tushirilgan reklama mahsuloti haqida gap ketyapti. Birinchi yo`nalish ko`proq mavsumiy xarakterga ega bo`ladi. Bunda matolar, biser, taxta va boshqa materiallar kerak bo`lishi mumkin. Lekin reklama suvenirlari bilan ishlashda prosussional asbob-uskunalarni sotib olishingiz kerak bo`ladi. Bunda hammasi qaysi yo`nalishni tanlashingizga bog`liq. Siz, masalan:

• 
  Keramika mahsulotlar (dekol yoki shelkografiya);
  
• 
  plastiklar;
  
• 
  matolar (kashta, termik rasmni tushirish);
  
• 
  metallar (lazer yordamida gravirovka) bilan ishlashingiz mumkin.
  

Bunda turli stanoklar, presslar, printerlar kerak bo`lishi mumkin. Bunday asboblarni Xitoydan sotib olgan ma`qulroq.
Dekupaj
Taxminiy xarajatlar: 1,3–1,5 mln. so`mdan boshlab.
Bu texnik yordamida mebel, salfetkalar, dasturxonlar va boshqalarni bezash mumkin. Bu ish bilan istagan kishi shug`ullanishi mumkin. Faqat bosib o`tirib, ishlash kerak bo`ladi. Vaqti kelib ko`nikmalar paydo bo`ladi sifat osha boshlaydi. Ana shunda sotish uchun dekupaj bilan shug`ullanish mumkin. Ishlash uchun kley, mo`yqalam, gubka, bo`yoqlar, gruntovka, qum qog`oz, dekupaj uchun maxsus vosita, turli materiallar (yog`och, karton, shisha va boshqalar) hamda bezak materiallari kerak bo`ladi. Mahsulotni dastlab tanish-bilishlaringizga taklif qilishingiz mumkin. Internet orqali sotish ham mumkin. Oldiniga faqat o`zingizning shahringizdan boshlashingiz mumkin va keyinchalik ishni kengaytirishingiz mumkin bo`ladi.
Sovg`a magnitlar
Taxminiy xarajatlar: 700–900mingso`mdan boshlab.
Ko`pchilikka mahsulot bahosi tufayli bu biznes jiddiymasdek tuyuladi. Aslida unda yaxshigin adaromad olish mumkin. Mahsulotning originalligi va estetik did bilan qilinganligi muhim faktor hisoblanadi. Birdaniga bir nechta yo`nalishlarda ish boshlash mumkin:

• 
  yozuvli magnitlar;
  
• 
  kulgili va quvnoq mahsulotlar;
  
• 
  bolalar uchun o`qituvchi mahsulotlar yig`masi;
  
• 
  magnitli kalendarlar;
  
• 
  ma`lum bayramga mo`ljallangan magnitlar.
  

Bunday ishlab chiqarishni tashkil qilish uchun ko`p narsa kerak emas. Birinchidan asosiy konstruksiya mahkamlanadigan magnitlar kerak bo`ladi. Yuzani esa istagan narsadan tayyorlashingiz mumkin: yog`ochdan, plastikdan, shishadan, gravirovka qilingan, polimer loydan tayyorlashingiz mumkin.