ЎҚув дастури билим соҳаси : 300000 – Ижтимоий фанлар, иқтисод ва ҳуқуқ Таълим соҳаси

Бизнес-режанинг самарадорлигини баҳолаш
Вақт бўйича пул қиймати. Инфляцияни баҳолаш. Бизнес-режани амалга ошириш учун инвестициялар самарадорлигини баҳолаш кўрсаткичлари ва уларни ҳисоблаш услубияти. Реал инвестициялар самарадорлигини баҳолаш. Бизнес-режа йўналишини ва масштабини аниқлаш. Лойиҳани амалга ошириш графигини ишлаб чиқиш. Материалларни танлаш ва илова тузиш. Бизнес-режа-резюме, қисқача мазмунини тузиш. Бизнес-режа анатациясини ва титуль варағини тузиш. Бизнес-режа тартиби ва схемасини ҳамда иловасини ўрганиш. Бизнес-режанинг ва умумий таҳлилни хусусиятларини аниқлаш. Бизнес-режани стандарт талабларга мослиги. Ишлаб чиқиш ва тадқиқот учун ҳаражатлар. Ўзбекистон Республикаси Инвестиция дастурига киритилган лойиҳаларни тайёрлаш ва уларнинг амалга оширилиши устидан давлат мониторинги тўғрисидаги Низом ва унинг умумий қоидалари.


Амалий машғулотларни ташкил этиш бўйича кўрсатмалар ва тавсиялар

Мустақил таълим сифатида:истеъмолчилар эҳтиёжларини қондириш, маркетингни бошқариш жараёни, маркетинг тадқиқотлари тизими, истеъмолчилар хулқ­атворини корхоналар нуқтаи назаридан ўрганиш, бозорни сегментларга ажратиш, мақсадли сегментларни танлаш ва шу асосда махсулотни шу сегментларда жойлаштириш, янги товарларни ишлаб чиқишда алоҳида ёндашиш ва махсулот хаёт циклининг муаммоларини чуқур тахлил қилиш ҳамда махсулотларга бахоларни ўрнатиш ва баҳо сиёсатидаги муаммолларни ўрганиш кабилар киради.

Амалий машғулотларнинг тахминий тавсия этиладиган мавзулари:

1. 
   «Бизнесни режалаштириш» фанини предмети, объекти ва вазифалари.
   
2. 
   Бизнес-режа ва Ўзбекистон Республикасида тадбиркорлик ва бизнесни қўллаб-қувватлаш инфратузилмаси.
   
3. 
   Бизнес-режа ва Ўзбекистон Республикасида бизнесни ривожлантиришга таъсир кўрсатаётган халқаро институт ва ташкилотлар фаолияти.
   
4. 
   Бизнес, инвестицион – лойиҳа ва унинг классификацияси. Асосий субъектлари.
   
5. 
   Бизнес-режа типологияси. Бизнес-режага қўйиладиган асосий талаблар.
   
6. 
   Корхона бизнес-режаси. Асосий бўлимларини мазмуни. Тузилиши.
   
7. 
   Бизнес-лойиҳа ва бизнес-режа ишлаб чиқишдаги асосий босқичлар ва муаммолар. Назорат.
   
8. 
   Лойиҳа ва бизнес-режа ишлаб чиқувчи корхона баёни.
   
9. 
   Корхона маҳсулоти ёки корхона хизматлари баёни.
   
10. 
    Маркетинг режаси- бизнес-режанинг бўлими сифатида.
    
11. 
    Ташкилий ишлар режасини ишлаб чиқиш.
    
12. 
    Хўжалик юритишнинг ҳуқуқий ёки юридик режасини тузиш
    
13. 
    Ишлаб чиқариш режаси.
    
14. 
    Корхона (фирма) ни молиявий соғломлаштириш режаси.
    
15. 
    Бизнес-лойиҳа ва бизнес-режа аудити ва улар асосида инвестициялаш учун қарор қабул қилиш.
    
16. 
    Бизнес-лойиҳа, бизнес режа презентацияси.