Фаннинг ўқув режасидаги фанлар билан ўзаро боғлиқлиги ва услубий жихатдан узвий кетма –кетлиги
Бизнесни режалаштириш” фани асосий тармоқ фани ҳисобланиб, 7-семестрда ўқитилади. Дастурни амалга ошириш ўқув режасида режалаштирилган математик ва табий (эхтимоллар назарияси ва математик статистика, иқтисодий математик усуллар ва моделлар, информатика ва ахборот технологиялари), умумкасбий (маркетинг, менежмент, статистика, кичик бизнесни бошқариш, молия ва бошқарув ҳисоби, хорижий инвестициялар) ва ихтисослик фанлари (корхона иқтисодиёти, халқаро бизнес, бизнес асослари) фанларидан етарли билим ва кўникмаларга эга бўлишни талаб этади.
Фаннннг ишлаб чиқаришдаги ўрни
Ҳозирги кунда кичик бизнес корхоналари ва хусусий тадбиркорлар, ишбилармонлар, инвесторлар ва ҳалқаро хамда миллий молия-кредит институтлари мамлакатимизда амалга оширилаётган иқтисодий ислоҳотларга ишончлари ортди. Мамлакатимиз Президенти И.Каримов иқтисодий ислоҳотларни чуқурлаштиришнинг энг муҳим, устивор йўналишларини белгилаб берганлар. Устивор йўналишлардан бири-кичик бизнес ва хусусий тадбиркорликни янада ҳам ривожлантириш, уларга ҳар томонлама кўмаклашиш. Мазкур устивор масаланинг амалга оширилиши – ҳар бир хўжалик субъектни ўзи учун бизнес-режа тузиш ёки инвестицион лойиҳани ўзлаштириш, улардан оқилона ва самарали фойдаланишни таъминлашдан иборат. Бундай вазифаларни амалга ошириш учун барча хўжалик субъектлардан бизнес-режалар тузиш учун мазкур фанни ўзлаштириш талаб этилади. Шунинг учун ушбу фан асосий ихтисослик фани ҳисобланади.
Фанни ўқитишда янги педогогик ва ахборот технологиялари
Талабаларнинг бизнес асослари фанини ўзлаштиришлари учун ўқитишнинг илғор ва замонавий усулларидан фойдаланиш, янги информацион-педогогик технологияларни татбиқ этиш муҳим аҳамиятга эгадир.
Фанни ўқитишда дарслик, ўқув ва услубий қўлланмалар, маъруза матнлари, шунингдек «инсерт», «блиц сўров», «ақлий ҳужум», «гуруҳ бўлиб ишлаш» каби педагогик технологиялардан фойдаланилади.
Do'stlaringiz bilan baham: |
