Ўқув фанидан 4-маъруза Эҳтимоллар назарияси ва математик статистикадан

• МИРЗО УЛУҒБЕК НОМИДАГИ ЎЗБЕКИСТОН МИЛЛИЙ УНИВЕРСИТЕТИ
• ГЕОГРАФИЯ ВА ТАБИИЙ РЕСУРСЛАР ФАКУЛЬТЕТИ ҚУРУҚЛИК ГИДРОЛОГИЯСИ КАФЕДРАСИ
• 5140700- Гидрометеорология йўналиши
• ГИДРОМЕТЕОРОЛОГИЯДА СТАТИСТИК УСУЛЛАР
• ўқув фанидан
• 4-маъруза
• Эҳтимоллар назарияси ва математик статистикадан
• бошланғич маълумотлар
• Маърузачи:
• PhD Ғ. Умирзоқов
• Тошкент-2020

Режа:

• 1. Эҳтимоллар назариясининг асосий тушунчалари: ҳодиса ва эҳтимол
• 2. Тасодифий ҳодисалар устида амаллар
• 3. Тасодифий ҳодисаларнинг турлари
• 4. Назорат саволлари
• 5. Видеоролик

1. ЭҲТИМОЛЛАР НАЗАРИЯСИНИНГ АСОСИЙ ТУШУНЧАЛАРИ: ҲОДИСА ВА ЭҲТИМОЛ

• Эҳтимоллар назариясида ҳодиса тушунчаси бошланғич тушунчалардан биридир. Рўй беради ёки рўй бермайди деб гапириш мумкин бўлган ҳар қандай воқеа ҳодиса дейилади.
• Барча ҳодисаларни муқаррар, мумкин бўлмаган ва тасодифий ҳодисаларга ажратиш мумкин.
• Муқаррар ҳодиса деб маълум шарт-шароит бажарилганда албатта рўй берадиган ҳодисага айтилади. Масалан, шошқол тошни (ўйин соққасини) ташлаганда олти очкодан кўп тушмаслигини ҳодиса деб олсак, бу ҳодиса албатта рўй беради, яъни у муқаррар ҳодиса бўлади.
• Мумкин бўлмаган ҳодиса деб маълум шарт-шароит бажарилганда мутлақо рўй бермайдиган ҳодисага айтилади. Масалан, шошқол тошни ташлаганда 7 очко тушишини ҳодиса деб қарасак, албатта, бу ҳодиса рўй бериши мумкин бўлмаган ҳодиса бўлади.
• Тасодифий ҳодиса деб маълум шарт-шароит бажарилганда рўй бериши ҳам, рўй бермаслиги ҳам мумкин бўлган ҳодисага айтилади. Масалан, шошқол тошни ташлаганда жуфт (ёки тоқ) тушишлигидан иборат бўлган ҳодиса тасодифий ҳодиса бўлади.

1. ЭҲТИМОЛЛАР НАЗАРИЯСИНИНГ АСОСИЙ ТУШУНЧАЛАРИ: ҲОДИСА ВА ЭҲТИМОЛ