Узбекистон республикаси согликни саклаш вазирлиги тиббий таълимни ривожлантириш маркази андижон давлат тиббиёт институти

Моховнинг синфларга булиниши (Гавана, 1948 й.)
1.Лепроматоз ёки ёмонсифатли, огир типи.
2.Туберкулоид ёки яхши сифатли, енгил типи.
3.Аникланмаган ёки нохарактерли, дифференцияланмаган типи.

МОХОВНИНГ ЛЕПРОМАТОЗ ТИПИ

Моховнинг лепроматоз типида бошланишида терида чегараланмаган, оз билинадиган сафсар ёки олча тусли кизгиш доглар пайдо булади. Бу доглар жойлашган жойларда сезувчанлик (огрик сезиш, хароратни сезиш, тактил) аввалида бузилмайди.
Аста-секин доглар каттиклаша бошлайди. Тез-тез кучли инфильтратлар пайдо булади. Жараёнга терининг узидан ташкари тери ости ёг клетчаткаси хам жалб этилади, тугунлар (лепрома) пайдо булади. Бундай инфильтратлар ва тугунлар купрок оёк-кулларни ёзилувчи юзасида, юзда, пешона сохасида, кош усти ёйлар, лунж, бурун сохаларида жойлашадилар. Юз мимикаси бузилади, юзи дахшатли куринишга (арслонтумшуги) эга булиб хунуклашади.
Кош усти ёй инфильтрацияси кошлар ёнбош томонидан сочнинг тушиб кетишига олиб келади. Инфильтрацияланган жойлар юздан ва оёк-кул ёзилувчи юзасидан ташкари, баданннинг бошка айрим аъзоларида хам булиши мумкин. Доглар ва инфильтратлардан ташкари, баданнинг бошка айрим жойларида хам ички аъзоларда хам булиши мумкин. Доглар ва инфильтратлардан ташкари катта кичиклиги гугурт бошчасидан то нухотгача булган, яримшарсимон ёки ясси шаклда, каттик консистенцияли, кунгир-кизги ёки нафармон рангли, кейинчалик гемморогик компонент кушилиши натижасида зангли тус олшиши мумкин булган (лепромалар) булиши мумкин. Кулок супраси юмшок кисми, оёк-кулларнинг дистал кисмларида лепромалар кизгиш-кукиш рангли булади. Думбокчалар сатхи ялтиллайди, силлик, купинча мой суркалган куринишга (ёгли) эга булади. Лепромалар ярага айланиши мумкин.
Пайдо булаётган яралар каттик, гохо буртиксимон кутарилган юлик-узик чеккалар билан, конли сарик суюкликда лепроз бациллалари куп микдорда булиши билан характерланади. Бразилия лепрологлари (Бакелли, Ромберг) маълумотларига караганда лепроматоз типида жарохатланган тукиманинг 1 смЗ да 1 миллионга якин бацилла булар экан. Яралар аста-секин янги битаётган тукима билан тулиб чандик пайдо булади. Тугунлар ва чукур инфильтратлар хам купинча яралар хосил килади, камрок холларда яраланмасдан суриладилар (бу холда юзаки чандикчалар колади). Яраланган тугунчалар ва чукур инфильтрат урнида яралар пайдо булади: бунда жараёнга мушаклар ва суяклар хам тортилиши мумкин. Бу холларда бугимлар, майда суяклар емирилиб уларнинг тушиб кетиши (мутиляция) ва кейинчалик, кескин деформацияга хам бесунакайликка олиб келиши мумкин. Хаммадан куп жараёнга бурун шиллик кавати, айникса тусикнинг тогайли кисми тортилади. Худди шунинг учун касаллик бошидаёк шу ердан олинган кириндида Ганзен таёкчаси топилади.
Бурун тусиги шиллик кавати жарохати эритема, инфильтрация, бурундан чикиндилар чикиши, калоклар калашиб кетиши билан характерланади. Бу эса сурункали лепроз ринити куринишини келтириб чикаради. Лепроз инфильтратининг кейинги ривожланиши натижасида бурун тусигининг тогайли кисми сохасида яралар, емирилишлар булиши мумкин: бу холларда бурун шаклининг характерли узгариши пайдо булади – бурун учи тепага караб кутарилган булиб колади.
Диффуз инфильтратлар ва лепромалар тилда, каттик ва юмшок танглайда жойланиши мумкин, хикилдок шиллик кавати, овоз бойламчаларига таркалиши мумкин. Натижада овоз хириллаб бутунлай йуколиб кетишига олиб келиши мумкин, бу холларда у хикилдок усти ва овоз бойламчалари шиллик каватларидаги чандикли узгаришлар натижасида булади.
Лепромтоз туридаги мохов беморларда конъюктивит, ирит, эписклерит ва кератит кузатилиши мумкин. Лепроз кератитидан келиб чикадиган инфильтрация, хираланиш, яраланиш, чандикланиш натижаси даволанилмаса куриш кобилияти йуколиши мумкин.
Лимфа тугунлари (айникса сон ва чов, камрок буйин, энса, жаг ости, култик ости) урмон ёнгоги катталигигача катталашади, каттик эластик консистенцияга эга булади, огримайди, харакат килади. Ангина холларида асаб системаси жарохатланиши мумкин. Пайдо буладиган узгаришларни шартли равишда иккига булиш мумкин: биринчидан марказий асаб системасининг умумий узгаришларига невроздан психозларгача; иккинчидан невритлар ва полиневритлар ривожланадиган периферик асаб системасининг жарохатлари. Жарохатланган асаб стволлари йугонлашади ва тегишли сохаларда пайпаслаб куриш мумкин. Марказий ва аввало периферик асаб системаси жарохатлари натижасида сезувчанликда, трофик ва харакат узгаришлари ривожланади.
Сезувчанликдаги узгаришлар лепроматоз моховида туберкулоид типига караганда кечрок пайдо булади. Сезувчи асаб охирлари бирламчи пайдо буладиган хужайра инфильтратлари сикиши натижасида иккиламчи булиб жарохатланадилар. Аввало кучли, жуда кийнайдиган невралгиялар булади, кейинчалик терининг тегишли участкаларида гиперестезия, парестезия, сезувчанлик бузилиши китиклашга ноадекват реакция (совукни иссик деб ва тескариси, шартсиз китикловчига реакция кечикади). Кейинчалик гиперстезия, анестезия, анальгезия билан алмашадилар. Бадан ва кул-оёк айрим кисмларидан термик анестезия ва анльгезиянинг булиши беморлар хис эта олмайдиган куйишларга олиб келади. Куйган жойлардаги терида кейинчалик чандикли узгаришлар колади. Тактил сезгирликнинг лепроматоз типидаги бузилиш кам учрайди ва факат касалликнинг кейинги даврида булади.
Беморлардаги трофик узгаришлар пигментациянинг бузилишига, баъзан огир асоратлар кафт, товонларни тушиб кетишига олиб келади. Бунда сезиларли трофик узгаришлар натижасида (инфильтратив процесслар натижасида эмас) кафт ва товон суяк скелетининг аста-секин катламларга булиниши содир булади. Кафт ёки товон юмшок булиб «тюлень» ёки «бака» панжасини эслатади. Ёг ва тер безларининг функцияси бузилиши трофик узгаришларга богликдир. Улар гиперфункцияси кейинчалик гипофункция билан алмашади: тери курук, гадир-будир, ёрилиб кетади. Бундай беморларда Минор синамаси манфий булиб колади (йоднинг спиртли эритмаси суркалган жойга крахмал сепилса ва бемор иссик курук хаволи камерага жойлаштирилса тер безлари функцияси йуклиги сабабли кукармайди).
Периферик асаб системасининг жарохатланиши туфайли харакат тартибсизликлари келиб чикади. Кафт, товон ва болдир ёзувчи мушаклари хар хил атрофияга дучор булганлиги сабабли букувчилар тонуси ортик булади.
Бармоклар бир хил булмаган даражада букилиб (тирноксимон панжа ва от товони) ярим букланган вазиятни кабул килади. Кул юзасидаги майда мушаклар атрофияси сабабли суяклараро ораликларнинг пасайиши булади. Тенор ва гипетенор мушакларининг атрофияси сабабли кул яссиланиб маймун панжасини эслатади.
Кузнинг юмалок мушаклари атрофияси ковокларни тулик булмаган ёпилишига олиб келади (лагофтальм). Бу беморлар ковокларини узича ёпа олмайдилар. Юз нерви жарохатланиши сабабли мимика мушаклари атрофияга учраб, юз гамгин, маскага ухшаш куринишга эга булади («мукаддас Антоний маскаси»).
Мохов касалларда марказий асаб системаси функционал узгаришлари билан бир вактда юкорида тасвирланган, сезувчанлик, харакат ва трофик узгаришларнинг хар хил даражада куриниши мумкин. Лепроматоз типидаги мохов маскаларида хар хил ички аъзолар жарохатланиши мумкин. Аввало упка, жигар, талок катталашади ва каттик булиб колади. Бирок бу узгаришлардаги клиник куриниш факатгина моховга хос эмас. Касаллик типини тери сатхи ва шиллик каватларидаги специфик узгаришлар клиникаси асосида, бурун тусиги шиллик кавати кириндиси, скарификат, жарохатланган жой терисидан, камрок холларда шиммаган лимфа тугунидан олинган биопсиянинг бактериоскопик текшириш маълумотларига асосоланади.
Моховда асаб системаси ва ички аъзолар жарохатланиши билн бир каторда айрим ички секреция безлари функцияси бузилади, бу эртарок кексайиш, аёлларда эртарок климакс, жинсий функциянинг пасайиши, эркакларда импотенциягача булади. Айрим мохов касалларида икки томонлама орхит ва эпидидимит булганлиги сабабли, кейинчалик йулларнинг бекилиш жараёни ривожланиб азоспермия булади. Бу холларда аёл бепуштлиги эрида сперматозоидлар йуклигига боглик.