Узбекистон республикаси согликни саклаш вазирлиги тиббий таълимни ривожлантириш маркази андижон давлат тиббиёт институти

Илонсимон ихтиоз ихтиознинг анча билинган шаклидир. Бунда оёк-кулларнинг ёйилувчи сохаларида ва гавдада катта улчовдаги (диаметри 1 см гача) тангачалар кулранг-сарик калконча куринишида булади, гохо уларнинг ранги туклашади. Бу ангача-калконча терига махкам ёпишиб илон тангасига ухшаб кетади. Кафт ва товонда тери калинлашган. Бошда кепаксимон кепакланиш. Сочлар ва тирноклар одатда меъёрда, гохо онихографоз кузатилади.
Касаллик энг огир шакли ichthyosishystrix, бунда тери жайра игнасига ухшайди. Мугуз тангачалар аста-секин калинлашиб тиканга ухшаб кетади. Булар корамтир рангда булади. Сочлар ингичкалашади. Тирноклар калинлашади ва куш тирнокларига ухшаб кетади.Аник билинган ихтиоз хар хил мажрухликлар, жисмоний ва рухий етишмовчилик билан кузатилади. Беморларда айрим холларда дерматитлар, пиодермиялар, нейродермит, экзема гохо псориаз кузатилиши мумкин.
Тугма ихтиоз. Оддий ихтиозга караганда камрок учрайди. Касаллик она корнидаёк бошланади ва бола огир мажрухлик аломатлари билан тугилади. Купинча болалар ривожланишининг огир етишмовчиликлари булган ички аъзолар ривожланишидаги етишмовчиликлар сабабли хаётининг дастлабки кунларидаёк улиб коладилар. Бундай болаларда кулок, ковок, лаб булмаслиги мумкин, улар урнида мугуз бурмалар мавжуд булади. Болалар эма олмайдилар. Уларнинг оёк-куллари хайвон оёкларига, тирноклари куш тирнокларига ухшаб коладилар.Узгаришлар камрок булган болалар яшаб кетишлари мумкин. Бундай болаларда тери диффуз кизариши аник билинган гиперкератоз булади. Мугуз калашмалар терини коплаб тошбака косасига ухшаб колади.
Гохо болалар «куйлакда» – кобик билан тугилиши мумкин, унда мумга шимитилган когозга ухшаб колади. Кобик ёрилгандан сунг куринишда меёърдаги тери куринади. Кейинчалик бундай болаларда оддий ихтиоз ёки ихтиоз шаклидаги эритродермия ривожланади.
Юкорида тасвирланган ихтиоз шаклида ихтиознинг уткир шакли тасвирланди. Тугма ихтиоз - огиррок шакли булса, ихтиоз шаклидаги эритродермия енгилрок шаклидир. Касалликнинг бир шакли иккинчисига утиши мумкин. Ихтиоз шаклидаги эритродермиянинг-фигурали эритрокератодермия шакли хам мавжуд. Ихтиознинг клиник куриниши аникдир, диагностикаси кийин эмас. Тугма ихтиоз кам учрайди, оддий ихтиоз ва ихтиоз шаклидаги эритродермия купрок учрайди. Брокнинг тугма ихтиозсимон эритродермияси 1902 йили тасвирланган булиб аутосом-рецессив касаллик булиб хисобланади. Кейинчалик бу касалликнинг иккинчи аутосом-доминанти типи билан ирсий тури ажратилган (бунда пуфаклар пайдо булади). Шу сабабли биринчи вариантини- ихтиозсимон эритродермиянинг курук типи, иккинчи варианти эса эритродермиянинг буллезли шакли деб тасвирлаганлар. Хозирги даврда ихтиоз шаклидаги эритродермиянинг курук типини купинча муаллифлар ламелляр ихтиоз, буллезли шаклини эса эпидермолитик ихтиоз деб атайдилар. Кейинчалик эса эритродермиянинг икки шаклини огир ва енгил шаклларга булишади.