Variant topshiriq

31. 
    VARIANT
    

1. 
   TOPSHIRIQ
   

1. 
   To‘g‘ri burchakli uchburchaklar uchun Pifagor teoremasini keltiring.
   
2. 
   Geometrik masalalar yechish metodlari haqida nimani bilasiz?
   
3. 
   Geometrik masalalarning turlari, hisoblashga oid masalalar.
   
4. 
   Geometrik masalalarning turlari, isbotlashga doir masalalar.
   
5. 
   Ko‘pyoqlilar. Ko‘pyoqlilar haqida Eyler teoremasi.
   

JAVOBLARI:
1.Pifagor teoremasi.To'g'ri burchakli uchburchak gipotenuzasining kvadrati uning katetlari kvadratlarining yig'indisiga teng.Bu teorema to'g'ri burchakli uchburchakka oid bo'lib, uchburchak tomonlariga teng kvadratlarning yuzlari orasidagi munosabatni ko'rsatadi. Pifagor bu teoremaning nazariy isbotini keltirgan. Pifagor teoremasi bilan aniqlangan geometrik munosabatning xususiy hollari Pifagordan oldin ham turli xalqlarda ma'lum edi, ammo teoremaning bu umumiy shakli Pifagor maktabiga nisbatan beriladi.
Katetlari a va b, gipotenuzasi c bo'lgan to'g'ri burchakli ABC uchbur­chak berilgan bo'lsin, u holda Pifagor teoremasi
c²=a² + b² (1)
formula bilan ifodalanadi, bunda a², b², c² — tomonlari a, b, c bo'lgan kvadratlarning yuzlariga teng. Shuning uchun bu tenglik tomoni gipotenu-zaning uzunligiga teng kvadratning yuzi tomonlari katetlarga teng kvadrat­larning yuzlari yig'indisiga teng ekanini ko'rsatadi (117- rasm).

Agar a, b va c butun musbat sonlar uchun a² + b² = c² tenglik baja-rilsa, bu sonlar Pifagor sonlari yoki Pifagor uchliklari deb ataladi. Agar to'g'ri burchakli uchburchak katetlari va gipotenuzasining uzunliklari butun sonlar bilan ifodalansa, bu sonlar Pifagor uchligini hosil qiladi. Bunday uchlikka 3, 4 va 5 sonlari misol bo'la oladi. Haqiqatan, 3² + 4² = 5². Tomonlari 3, 4 va 5 ga teng bo'lgan to'g'ri burchakli uchburchak yasash-dan Misrda yer ustida to'g'ri burchak yasash uchun foydalanilgan. Shuning uchun bunday uchburchak «misr uchburchagi» deb ataladi.
2. Planimetriya so’zi lotincha “plnum-tekislik va metreo-o’lchayman” dan olingan bo’lib Yevklid geometriyasining sohasi hisoblanadi. Planimetriya ikki o’lchamli ya’ni, bir tekislikka joylasha oladigan shakllarni organadi. Planimetriyada nuqta, to’g’ri chiziq, ko’pburchaklar, aylana kabi geometric tushunchalar va ular orasidagi munosabatlar ko’riladi.
Planimetriyaning mantiqiy tuzilishi:
Geometrik shakllarni bir-biridan farqlash uchun ularning xususiyatlari tavsiflanadi, ya'ni ularga ta'rif beriladi. Lekin hamma shakllarga ham ta'rif berib bo’lmaydi. Ularning dastlaki bir nechtasini ta'rifsiz qabul qilishga majburmiz. Ularni ta'riflanmaydigan, boshlang’ich (asosiy) geometrik shakl- lar deb olamiz.
Geometriyaning mantiqan qurilishi quyidagi tartibda amalga oshiriladi:
1. Avval asosiy (boshlang’ch) geometrik shakllar ta'rifsiz qabul qilinadi;
2. Asosiy geometric shakllarning asosiy xossalari isbotsiz qabul qilinadi;
3. Boshqa geometrik shakllar asosiy shakllar va ularaing xossalariga tayanib ta'riflanadi hamda ularaing xossalari ungacha ma'lum xossalarga tayanib isbotlanadi.
Fanning bunday tuzilishi aksiomatik tuzulish deb nomlanadi. Aksioma deb to’g’riligi isbotsiz qabul qilinadigan xossaga aytiladi.
Shu choqqacha biz o’rgangan planimetriyaning asosiy shakllari bu nuqta va to’g’ri chiziq edi. Ularni ta'rifsiz qabul qildik. Kesma, nur, uchburchak va boshqa geometrik shakllarga esa ta'rif berdik. Shuningdek, quyidagi xossalarni (tasdiqlarni) isbotsiz aksioma sifatida qabul qildik:
I. Tegishlilik aksiomalari guruhi
1.1. Tekislikda qanday to'g'ri chiziq olinmasin, unda bu to 'g 'ri chiziqqa tegishli bo'Igan nuqtalar ham, tegishli bo'Imagan nuqtalar ham mavjud.
1.2. Har qanday ikki nuqtadan faqat bitta to'g 'ri chiziq o'tadi.
II. Tartib aksiomalari gurahi
2.1. Bir to'g'ri chiziqda olingan istalgan uchta nuqtaning faqat bittasi qolgan ikkitasining orasida yotadi.
2.2. Har bir to’g’ri chiziq tekislikni ikki bo’lakka: ikkita yarimtekislikka ajratadi.
III. o’lchash aksiomalari guruhi
3.1. Har qanday kesma noldan farqli tayin uzunlikka ega bo’lib, u musbat son bilan ifodalanadi. Kesma uzunligi uning ixtiyoriy nuqtasi ajratgan bo 'laklari uzunliklari yig’indisiga teng.
3.2. Har qanday burchak tayin gradus o'lchoviga ega bo'lib, uning qiymati musbatson bilan ifodalanadi. Yoyiq burchakning gradus o’lchovi 180° ga teng. Burchakning gradus o'lchovi burchak tomonlari orasidan o 'tuvchi ixtiyoriy nur ajratgan burchaklar gradus o'lchovlarining yig’indisiga teng.
IV. Teng shaklni qo’yish aksiomalari guruhi
4.1. Ixtiyoriy nurga uning uchidan boshlab, berilgan kesmaga teng yagona kesmani qo 'yish mumkin.
4.2. Ixtiyoriy nurdan tayin yarimtekislikka berilgan, yoyiq bo'lmagan bur- chakka teng yagona burchakni qo 'yish mumkin.
4.3. Har qanday uchburchak uchun unga teng uchburchak mavjud va uni nurdan tayin yarimtekislikka yagona tarzda qo 'yish mumkin.
V. Parallellik aksiomasi
4.1. Tekislikda to’g’ri chiziqdan tashqarida olingan nuqtadan bu to’g’ri chiziqqa faqat bitta parallel to 'g 'ri chiziq o 'tkazish mumkin.
Biror tasdiqning to’g’riligini mantiqiy mulohazalar yordamida keltirib chiqarish isbot deb ataladi.
To’g’riligi isbotlash yo’li bilan asoslanadigan tasdiq esa teorema deb ataladi. Teorema, odatda, shart va xulosa qismlardan iborat bo’ladi. Teoremaning birinchi - shart qismida nimalar berilgani bayon qilinadi. Ikkinchi – xulosa qismida esa nimani isbotlash lozimligi ifodalanadi.
Teoremani isbotlash — uning shartidan foydalanib, bungacha isbotlangan va qabul qilingan xossalarga tayanib, mulohaza yuritib, xulosa qismida ifodalangan jumlaning to’g’riligini keltirib chiqarishdir. Teoremaning shart va xulosa qismlarini aniqlashtirib olish — teoremani oydinlashtiradi, uni tushunish va Evklid isbotlash jarayonini yengillashtiradi.
Yuqorida ta'kidlaganimizdek, geometriyaning eng ajoyib xususiyati bu avval o’rganilgan, to’g’riligi isbotlangan xossalardan mantiqiy fikrlash, mushohada yuritish orqali yangi xossalarni keltirib chiqarish mumkin. Bunday ajoyib imkoniyatdan foydalanib, qolgan xossalar teoremalar yoki masalalar ko’rinishida ifodalangan va aksiomalar hamda bu paytgacha to’g’riligi isbotlangan xossalarga asoslanib, mantiqiy mulohazalar yuritish orqali isbotlangan. Shu zayilda matematik yoki geometrik masalalar vujudga kelgan.
Matematik masalada nimalardir (shartlar) berilgan boladi. Ulardan foydalanib, nimanidir toppish (hisoblash) yoki isbotlash, yoki yasash talab qilinadi. Qo’yilgan talabni bajarish masalani yechishni bildiradi.
Geometrik masalalar qo’yilgan talabga ko’ra hisoblashga, isbotlashga, tadqiq qilishga va yasashga doir masalalarga bo’linadi.
Matematik masalani yechish uchun quruq nazariyani bilish yetarli emas. Masala yechish ko’nikmasiga va tajribasiga ham ega bo’lish talab qilinadi. Bunday ko’nikmaga o’z navbatida sodda masalalardan boshlab, borgan sari murakkabroq masalalarni yechish orqali erishiladi. Shuningdek, masalalarni yechishning turli xil usullari ham bor boiib, ularni faqat ko’p masalalar yechish orqali o’zlashtirish mumkin. Har bir usul muayyan turkumga tegishli masalalarni yechish uchun qo’llaniladi. Qancha ko’p usullar o’zlashtirilsa, shuncha masala yechish ko’nikmalari shakllanadi.