Ватанга муҳаббат, ватанпарварликнинг асл кўринишидир

1-Ўқувчи: Ватан - бу бизнинг ота – боболаримиз, буюк аждодларимиз яшаган юрт.


2- Ўқувчи:: Ватан – бу биз туғилиб ўсган, киндик қонимиз тўкилган замин.


1- Ўқувчи: : Ватан – бу бизнинг қувончимиз ва қайғумизнинг гувоҳи бўлган диёр.


2- Ўқувчи:: Ватан – бу бизнинг кейинги авлодлармиз яшайдиган юрт.
1-бошловчи: Ватанга муҳаббат, ватанпарварликнинг асл кўринишидир. Ватанга муносиб фарзанд бўлиш, қадрдон тупроқ билан чамбарчас боғлиқ эканлигимизни теран

идрок этиш, унга чин фарзандаларча муносабатда бўлиш, ундан бир ҳисса нарса олинса, юз ҳисса қилиб қайтариш Ватанни англаш ва ардоқлашнинг бир кўринишидир.

1-ўқувчи: 2-ўқувчи:
Ўғлониман Турон юртнинг, Тинчлик учун жонимни бериб,
Озод, обод бўстон юртнинг, Ўз постимда мардона туриб,
Ўзи беклар зурриётининг, Ватанимга хизмат қиламан!
Ватанимга хизмат қиламан! Соҳибқирон Амир Темурдай
Жаҳонгашта Мирзо Бобурдай,
Халқ йўлида оғишмай бирдай,
Ватанимга хизмат қиламан.


1-бошловчи: Ватан деб Широқ, Тўмарис, Спитамен, Муқанна, Жалолиддин Мангуберди, Темур Малик... Шох Ферузлар ўз жонларини фидо қилганлар.
2-бошловчи:
Ватан – ҳаёт берган отам, ҳам онам,
Ватан – юрагимда якка ягонам,
Аждодим мероси – Ўзбекистоним,
Авлодим қуёши - Ўзбекистоним.


1-бошловчи: Юртимиз мустақиллигини кўролмайдиган айрим ватанфурашлар 1999 йил 16 феврал куни Ватанимиз пойтахти Тошкентда ўз террорчилик ҳаракатларини амалга ошириб, қанчадан-қанча бегуноҳ одамларнинг умрига завол бўлдилар.
2-бошловчи: Яхшиямки, бахтимизга, Ватан ҳимоячилар, посбонлари, мард ва жасур ўғлонлари, ҳуқуқни муҳофаза қилувчи, ички ишлар ходимлари бор экан.
1-бошловчи: Ватан ҳимоячиларининг саъй-ҳаракатлари, ватанларига бўлган меҳру муҳаббатлари, садоқатлари эвазига юрт тинчлиги асраб қолинди.
2-бошловчи: Ўзбекистон Республикасини ҳимоя қилиш ҳар бир фуқаронинг бурчидир. Фуқаролар қонунда белгиланган тартибда ҳарбий ёки муқобил хизматни ўташга мажбурдир.
(Ҳарбий аскарлардан бирига сўз берилади).
(Ўқувчилар ватан, ватанпарварлик ҳақида шеър, қўшиқлар ижро этишади).
1-бошловчи: Ҳурматли меҳмонлар, азиз устозлар ва тенгдошлар, шу азиз Ватан деб шаҳид кетган марҳум ота-боболаримиз, акаларимиз хотираси учун сукут сақлашингизни сўраймиз.
1-ўқувчи: Адолат қуролу ҳушёрлик шиор,
Пўлатдай мустаҳкам иймонларимиз.
Юрт учун, халқ учун ичганимиз қасам,
Бағри кенг элимнинг виждонларимиз.
(Ўқувчилар жўр бўлишади).
2-ўқувчи: Бизда бор – ҳалоллик мардлик-матонат,
Қалбларда мужассам ирода, бардош.
Сезгирмиз, чақонмиз сен учун – Ватан,
Ғанимга шафқатсиз, дўстларга йўлдош.


1-бошловчи: Азиз меҳмонлар, қадрли устозлар ва тенгдошлар, шунинг билан Ватан ҳимоячилари кунига бағишлаб ўтказилган тантанали кечамизни якунлаймиз.