Вазиятли кейс кейс №1

Вазиятга қаранг: 
Бахмал тумани ―Новза‖ маҳалласи ―Маҳаллада тадбиркорликни 
ривожлантириш, 
аҳоли 
бандлигига 
кўмаклашиш 
ва 
камбағалликни 
қисқартириш масалалари‖ бўйича ҳоким ѐрдамчиси Ш.Шокиров ҳузурига 
маҳалланинг ишсиз фуқароси З.Хидиров шикоят билан келди. Унинг оиласида 
3 нафар 18 ѐшга тўлмаган фарзандлари бор. Ўзи ва хотини ишсиз. Суҳбат 
давомида маълум бўлдики, меҳнатга лаѐқатли бўлсада, иш излаб меҳнат 
органларига мурожаат қилмаган ҳамда меҳнат органларида ҳисобда турмайди. 
Ўзини ўзи банд қилган шахслар рўйхатига киритилмаган ѐки ҳақ тўланадиган 
жамоат ишлари иштирокчиси ҳисобланмайди. У болалар нафақаси олиш учун 
ѐзган аризасига, унинг оиласи кам таъминланган оила деб эътироф 
этилганлиги, бироқ нафақа тайинланиш рад этилгани тўғрисида хабар келган. 
Хабарда ушбу кам таъминланган кам таъминланган деб эътироф этилганлиги 
тўғрисидаги маълумотномани Ягона интерактив давлат хизматлари порталидан 
рўйхат ўтган ҳолда олиши мумкинлиги билдирилган. 
Юқоридаги ҳолатни ечими юзасидан фикрларингизни билдиринг: 
1. Фуқаро З.Хидировнинг оиласи кам таъминланган оила деб эътироф 
этилган бўлса, унинг 3 нафар 18 ѐшга тўлмаган фарзандлари бўлса-да, нега 
болалар нафақаси сўраб муражаат қилган аризасига рад жавоби келган?
2. Кам таъминланган оила деб топилган маълумотнома фуқаро З.Хидиров 
учун қандай имтиѐз беради?
3. Ушбу маълумотнома қанча муддатга амал қилади? 
 Ечими:
1. Ўзбекистон Республикаси Вазирлар Маҳкамасининг 2021 йил 21 
октябрда ―Аҳолини ижтимоий ҳимоя қилиш тизимини янада такомиллаштириш 
чора-тадбирлари тўғрисида‖ги 654-сон қарори билан тасдиқланган ―Кам 
таъминланган оилаларни «Ижтимоий ҳимоя ягона реестри» ахборот тизими 

---

орқали аниқлаш, уларга кам таъминланган оилалар болалари учун нафақа ва 
моддий ѐрдам тайинлаш ва тўлаш тартиби тўғрисида Низом‖нинг 20-бандининг 
к) қисмига кўра расмий даромад манбаларига эга бўлмаган ва охирги олти ой 
мобайнида иш излаб меҳнат органларига мурожаат қилмаган ҳамда меҳнат 
органларида ҳисобда турмаган, ўзини ўзи банд қилган шахслар рўйхатига 
киритилмаган ѐки ҳақ тўланадиган жамоат ишлари иштирокчиси 
ҳисобланмаган меҳнатга лаѐқатли оила аъзоси мавжуд бўлганда болалар 
нафақаси ѐки моддий ѐрдамни тайинлаш рад этилади.
Фуқаро З.Хидиров иш излаб меҳнат органларига мурожаат қилганида ѐки 
ишсиз деб меҳнат органларида ҳисобда турганида унинг фарзандаларига 
болалар нафақаси тайинланган бўларди. Бу ҳолат, фуқаро лоқайдлиги,
меҳнатга лаѐқатли бўла туриб, иш изламаганлиги билан изоҳланади. 
2. «Ягона реестр» АТ орқали кам таъминланган деб эътироф этилган 
оилалар (шахслар) қўшимча ҳужжатлар ва маълумотномаларни тақдим 
этмасдан, қонунчилик ҳужжатларида ушбу тоифадаги оилалар (шахслар)га 
белгиланган тартибда бепул ѐки имтиѐзли шартларда кўрсатиладиган 
ижтимоий хизматлар ва ѐрдамлардан фойдаланишга ҳақлидир. Бунда 
қонунчилик ҳужжатларида белгиланган хизматлардан фойдаланиш ва 
имтиѐзларни олиш учун «Ягона реестр» АТ орқали кам таъминланган деб 
эътироф этилган оила (шахс)га Ўзбекистон Республикаси Ягона интерактив 
давлат хизматлари портали орқали 3 дақиқа ичида маълумотнома тақдим 
этилади. 
Ўзбекистон Республикаси Президентининг 2020 йил 4 августдаги ПҚ-
4797-сон қарорининг 3-иловасида келтирилган «Ижтимоий ҳимоя ягона 
реестри» ахборот тизимида кам таъминланган оила сифатида рўйхатга олинган 
оилаларга бепул ѐки имтиѐзли шартларда кўрсатиладиган ижтимоий хизматлар 
ва ѐрдамлар қуйидагилардан иборат: 
Давлат мактабгача таълим муассасаларида ота-оналар тўловидан 
озод этиш. 
Мактабгача таълим муассасаларида ўрнатилган миқдорларда ота-
оналар тўловини тўлаш. 
Умумий ўрта таълим мактабларида дарсликлар ижара тўловларидан 
озод этиш. 
Умумий ўрта таълим мактаблари ўқувчилари учун қишки кийим-
бош бериш. 
Айрим фанларни ўқитишга ихтисослаштирилган умумий ўрта 
мактаблар ўқувчиларини овқатланиш харажатларидан озод этиш. 
Санъат мактаблари, мусиқа мактаблари, «Баркамол авлод» 
марказлари ва бошқа мактабдан ташқари таълим муассасаларида ўқиш 
харажатларидан озод этиш. 
Кам таъминланган оилаларнинг ногирон аъзоларини протез — 
ортопедия буюмлари билан таъминлаш. 

---

Ихтисослаштирилган тиббиѐт муассасаларида бепул махсус 
(амбулатор ѐки кундузги) тиббий ѐрдам кўрсатиш бўйича йўлланма (ордер) 
олиш ва бошқалар. 
3. ―Кам таъминланган оилаларни «Ижтимоий ҳимоя ягона реестри» 
ахборот тизими орқали аниқлаш, уларга кам таъминланган оилалар болалари 
учун нафақа ва моддий ѐрдам тайинлаш ва тўлаш тартиби тўғрисида 
Низом‖нинг 9-бандига мувофиқ, ушбу маълумотнома оила (шахс) «Ягона 
реестр» АТ орқали кам таъминланган деб эътироф этилган ойдан бошлаб ўн 
икки ой давомида амал қилади.