«veterinariya sanitariya ekspertizasi» kafedrasi “tasdiqlayman”

246

IV	Fan bo‘yicha o‘tkaziladigan attestatsiyalar uchun savollar:	260
4.1	1 OB uchun og‘zaki savollar (120 ta)	261
4.2	2 OB uchun og‘zaki savollar (120 ta)	265
4.3	YaB uchun og‘zaki savollar (300 ta)	269
4.4	1 OB uchun yozma ish savollari (150 ta)	279
4.5	2 OBuchun yozma ish savollari (150 ta)	284
4.6	YaB uchun yozma ish savollari (500 ta)	289
4.7	1 OB uchun test savollari (200 ta)	305
4.8	2 OB uchun test savollari (200 ta)	330
4.9	YaB uchun test savollari (500 ta)	355
V	Fan bo‘yicha baholash me’zonlari	415
VI	Fan bo‘yicha tarqatma materiallar	416
VII	O‘UMning elektron varyanti	422

1. 
   Fanning o‘quv dasturi
   

2. 
   Fanning ishchi o‘quv dasturi
   

III. FANNING ASOSIY O‘QUV MATERIALLARI:


3.1. Ma’ruza mashg‘ulotlari uchun o‘quv materiallari


1-Mavzu Fanga kirish, sut hosil bo‘lsih va sut berish refleksi

Reja:

1. 
   Sut ekskreti.
   
2. 
   Sutning hosil bo‘lishi
   
3. 
   Sigirlarning sut ishlab chiqarishi
   

Sut emizuvchi hayvonlarning sut bezining ekskreti-sut deb yuritiladi. Sutni to‘g‘ridan-to‘g‘ri ishlatilishining asosiy maqsadi shundan iboratki, ya’ni, yangi tug‘ilgan, kuchsiz hayot organizmini saqlash. Sutning tarkibida organizm uchun kerakli bo‘lgan barcha moddalar yengil hazm bo‘lish shaklida mavjud bo‘lib, bu moddalar yosh hayvonlarning organizmi uchun ozuqa va rivojlanishida katta ahamiyatga ega bo‘lib, hamda barcha yoshdagi odam organizmi uchun kerakli mahsulotdir. Sutning tarkibida oqsillar, yog‘lar, vitaminlar, shakar, fermentlar, mineral tuzlar, organizmning tirikligi uchun kerakli bo‘lgan mikroelementlarning to‘plami va boshqa murakkab moddalar mavjud. Shuning uchun ham sutning o‘zi va undan olinadigan mahsulotlar yog‘, pishloq, tvorog va boshqalari odamning organizmi uchun sifatli oziq-ovqat hisoblanadi. Sut va sut mahsulotlari aholining kundalik ovqatidir, shuning uchun ularning xavfsizligi ayniqsa muhimdir. Sanitariya-gigiena qoidalariga rioya qilish
sut olish, hayvonlarni sifatli ozuqa bilan boqish, to‘g‘ri ishlov berish va saqlash sharoitlari
mahsulot sifatning ishonchli kafolati hisoblanadi.
Sut - urg‘ochi sutemizuvchi hayvonning sut bezlaridan ajraluvchi noshaffof oq suyuqlikdir. Aynan sut chiqara olish qobiliyati sut emizuvchilar sinfini shunday nomlashga sabab bo‘lgan. Sut go‘dak hayvonlarning ularning oshqozon-ichak tizimi boshqa ovqatga ko‘nikkuncha iste’mol qilishi uchun asosiy taomidir. Sutdagi qimmatli oziqlar bilan birgalikda antitanalar ham go‘dakka o‘tib, uning immunitetini yaxshilaydi.
Sut yana odam va sutemizuvchi hayvonlarning laktatsiya davrida sut bezlarida ishlab chiqariladigan suyuklik; fiziologik jihatdan yangi tugʻilgan naslni oziqlantirishga moʻljallangan murakkab kimyoviy tarkibga va barcha oziq moddalarga ega. Tarkibida suv, oqsil, yogʻ, mineral moddalar, vitaminlar, fermentlar, gormonlar va boshqa moddalar bor. S. tarkibida organizmning normal oʻsishi va rivojlanishi uchun zarur koʻpgina oziq moddalarning maqbul nisbatlarda boʻlishi uni qimmatli oziqovqat mahsulotiga aylantiradi.
Qishloq xoʻjaligi hayvonlari suti — qimmatli oziqovqat mahsuloti. Chorva hayvonlari Sdan sariyogʻ, sir, kazein, qatiq va boshqa mahsulotlar ishlab chiqariladi. Sigir suti koʻp isteʼmol qilinadi. Qoʻy, echki, biya, tuya, buyvol, qoʻtos, shimol bugʻusi va boshqa hayvonlar Sdan ham foydalaniladi; hayvonlar S.ning tarkibi ularning turi, yoshi, ozikdanishi va saqlanish sharoitiga, laktatsiya davriga, yil mavsumiga qarab oʻzgarib turadi.
S oqsillari, asosan, kazein, albumin va globulindan iborat. Shirdon fermenti va kuchsiz kislotalar taʼsirida kezeinning ivish xususiyatidan tvorog , pishloq, kazein ishlab chiqarish.da foydalaniladi. Albumin yosh organizmning oʻsish jarayonlarini taʼminlashda, globulin immun tanachalarning paydo boʻlishida muhim rol oʻynaydi. Oqsillar tavsifiga koʻra S. kazeinli (juft tuyoklilar — sigir, echki, qoʻy) va albuminli (bir tuyoqli — biya, bugʻu, eshshak) S.ga boʻlinadi. Kazeinli S. oqsilida kamida 75% kazein, albuminli S.da 50—65% albumin boʻladi. Biologik xususiyatlariga ko‘ra albuminli S kazeinli S.ga qaraganda foydaliroq hisoblanadi. S oqsilida hayotiy zarur barcha aminokislotalar, shu jumladan almashtirib boʻlmaydigan aminokislotalarning toʻliq majmui bor; ayniqsa, S.da lizin, metionin va triptofan maqbul nisbatlarda mavjud; oltingugurtli aminokislotalar metionin va sistinga boy. S oqsillarini organizm yaxshi oʻzlashtiradi. S. yogʻi kimyoviy tarkibiga koʻra glitseridlar aralashmasidan iborat, sovutilgan S.da diam. 0,1 dan 20 mkm (1 ml da 3 mlrd. ga yaqin) yogʻ donachalari (suspenziya), yangi sogʻilgan va isitilgan S.da tomchi (emulsiya) shaklida boʻladi. Sovugan S.da yuzaga koʻtarilgan yogʻ donachalari qaymoqni hosil qiladi. S tarkibidagi laktoza — disaharid, sof oq kristal kukun, turli bijgʻish jarayonlariga oson kirishadi. S.da mineral moddalar organik va noorganik kislotalarning tuzlari shaklida mavjud. S.dagi mineral moddalar: mikroelementlar — kalsiy, fosfor, natriy, kaliy, oltingugut, xlor, magniy va boshqa (100 g S.da aksariyat kalsiy — 115–130 mg%, fosfor —95–105 mg%), mikroelementlar — ruh mis, marganets, molibden, temir, kumush va boshqa bor. S.da (ayniqsa, yezda) vitaminlarning koʻp turi uchraydi; S. tarkibiga fermentlar (ulardan eng muhimlari — laktaza, peroksidaza, lipaza, amilaza, fosfataza, katalaza), gormonlar (oksitotsin, prolaktin, tiroksin, follikulin, adrenalin, insulin va boshqalar), kasalliklarga qarshi immunitet paydo boʻlishiga yordam beruvchi immun tanachalar (antitoksinlar, agglyutininlar, opsoninlar va boshqalar), gazlar (SO2, O2, N2, NH3) kiradi (jadvalga q.). S.li bijgʻishni keltirib chiqaradigan bakteriyalar S.ning normal mikroflorasini hosil qiladi. Yangi sogʻilgan S. tarkibida antibakterial moddalar (lakteninlar) boʻlgani uchun u bakteritsid xususiyatga ega. Yangi sogʻilgan S. bakteriyaga chidamliligini 2—3 soat saklaydi, shuning uchun sogilgandan keyin S.ni darhol 10° dan past haroratgacha sovutiladi, 4—6° da S.ni ikki sutka saklash mumkin.
S. zavodlarda pasterlanadi va qaynatiladi. Pasterlangan S. qaymogʻi olinmagan, yogʻliligi standart normaga yetkazilgan, vitaminlashtirilgan boʻladi.
Oʻzbekistondagi S. z-dlarida Sdan separatsiya usulida qaymoq, sariyogʻ olinadi, pasterlangan va qaynatilgan ichimlik S, sut kukuni, quyiltirilgan (konservalangan), vitaminlar kushilgan S.lar va boshqa mahsulotlar ishlab chiqariladi.