Воситалари

Мулкни давлат тасарруфидан чиқариш ва хусусийлаштириш кўрсаткичлари

Кўрсаткичлар	2007й	2008й	2009й	2010й
Сотилган давлат объектлари сони	408	308	135	96
Шундан;
Биржа савдоларида сотилган	129	94	46	32
Биржадан ташқари савдоларда	279	214	89	64
Инвестицион мажбуриятлар асосида
Давлат комиссияси қарори билан корхона ва объектларнинг сотилган давлат активлари сони	28	14	70	60
Киритиладиган инвестиция мажбуриятлари ҳажми
млн. АҚШ доллари	244,5	29,94		63,52
млрд. Сўм	21,5	10,84	22,25	17,73
Аукцион ва конкурс савдоларида сотилган объектлар	185	122	213	123
Олинган инвестиция мажбуриятлар ҳажми
млн. АҚШ доллари	33,5	4,72	177,66	23,5
млрд. Сўм	14,7	10,57	91,29	29,4
Ноль қийматда сотилган объектлар сони	15	50	68	41
Олинган инвестиция мажбуриятлари ҳажми
млн. АҚШ доллари	28,8	17,59	14,5	9,1
млрд. Сўм	7,6	15,62	16,8	11,3
Жами сотилган давлат активлари ҳажми
млн. АҚШ доллари	309,5	69,24	62,24	64,52
млрд. Сўм	57,1	69,29	35,7	40,28
Шу жумладан,
Олинган инвестиция мажбуриятлари ҳажми
млн. АҚШ доллари	198,7	54,82	32,63	63,5
млрд. Сўм	35,2	34,24	15,64	21,26

Мулкни давлат тасарруфидан чиқариш ва хусусийлаштириш жараёнида 2007–2010 йилларда 474 та шартнома бўйича инвестиция мажбуриятлари бажарилди. Уларнинг умумий қиймати 129,37 млн. АҚШ доллари ва 106,53 млрд. сўмни ташкил этди.
Ўзбекистон Республикаси Президентининг 28.04.2015 йилдаги ПҚ-2340сонли “Иқтисодиётда хусусий мулк улуши ва аҳамиятини кўпайтириш бўйича чоралар тўғрисида”ги қарори қабул қилинди. Иқтисодиётда давлат иштироки даражасини баҳолашдан ўтказиш асосида Ўзбекистон Республикаси Давлат рақобат қўмитаси томонидан 2015–2016 йилларда давлат мулкини хусусийлаштириш Дастури тайёрланди. Мазкур қарор қуйидагиларни назарда тутади:

• 
  68 та акциядорлик жамиятларидаги давлат улушлари ва хўжалик бошқаруви органларининг улушларини стратегик хорижий инвесторларга сотиш;
  
• 
  343 та хўжалик жамиятлари ва давлат корхоналаридаги давлат активлари ва хўжалик бошқаруви органларининг улушларини оммавий савдоларда хусусий мулкка сотиш;
  
• 
  463 та давлат мулки объектларини, шу жумладан қурилиши тугалланмаган объектларни “нол” харид қийматида сотиш;
  
• 
  350 та фойдаланилмаётган давлат мулки объектларини оммавий савдоларда хусусий мулкка сотиш;
  
• 
  257 та ишламаётган ташкилотларни тугатиш ёки банкрот қилиш таомиллари бўйича ташаббус кўрсатиш;
  
• 
  352 та фойдаланилмаётган ва қурилиши тугалланмаган давлат мулки объектларини бузиш.
  

Мамлакатимизда 2010–2014 йилларда 644 та давлат объектлари хусусийлаштирилган бўлиб, хусусийлаштиришдан тушган маблағлар 226430 миллион сўмни ташкил этган. 2015–2016 йилларда эса жами 1457 та давлат объекти хусусийлаштирилди, хусусийлаштиришдан тушган маблағлар эса
268061,8 миллион сўмни ташкил этган (қаранг:4.3.2-жадвал).
4.3.2-жадвал.
Корхона ва объектларни хусусийлаштириш ва давлат тасарруфидан чиқаришнинг бориши (2010–2016 йиллар)

	2010й.	2011й.	2012й.	2013й.	2014й	2015й	2016й.
Хусусийлаш тирилган корхона ва объектлар сони	96	95	83	82	288	848	609
Хусусийлаш тиришдан тушган пул маблағлари, млн сўм	23028,6	39217,8	32052,8	44149,2	87982,1	103243,8	164818,0

2017 йилда эса 542 та давлат корхонаси ва объектлари хусусийлаштирилди ва давлат тасарруфидан чиқарилди.
Хусусийлаштирилган объектларнинг 341 таси (62,9 фоиз) маҳаллий давлат ҳокимияти органларига, Соғлиқни сақлаш вазирлигига – 66 таси (12,2 фоиз), Халқ таълими вазирлигига – 58 таси (10,7 фоиз), Олий ва ўрта махсус таълим вазирлигига – 16 таси (3 фоиз), Қишлоқ ва сув хўжалиги вазирлигига – 11 таси (2 фоиз), Навоий тоғ кон металлургия комбинати давлат корхонасига – 10 таси (1,8 фоиз) тегишлидир.Хусусийлаштиришдан тушган маблағлар 228,3 миллиард сўмни ташкил этди^.
Ўзбекистон Республикаси Вазирлар Маҳкамасининг 2009 йил 8 апрелдаги “Давлат мулкини ижарага бериш тартибини такомиллаштириш чора-тадбирлари тўғрисида”ги 102-сонли Қарорига биноан, Давлат мулкини ижарага бериш марказлари ташкил этилди. Ушбу марказларнинг асосий вазифалари қуйидагилардан иборат қилиб белгиланган:

• 
  давлат мулкини ижарага беришни ташкил этиш ва ижарага бериш;
  
• 
  ижарага берилаётган давлат мулки ҳамда уни ижарага беришдан тушадиган маблағларни ҳисобга олиш ва маниторинги олиб бориш;
  
• 
  ижарага бериладиган давлат мулки бўйича маълумотлар базасини шакллантириш ва юритиш;
  
• 
  ижара объектларидан мақсадли фойдаланиш ва уларнинг сақланишини, шунингдек, ижара тўлови ўз вақтида ва тўлиқ тўланишини назорат қилиш;
  
• 
  ижарага бериладиган давлат мулкини ҳар чораклик асосда хатловдан ўтказиш;
  
• 
  фойдаланилмаётган давлат мулки ижарага берилиши тўғрисидаги эълонлар ва ижарага берилаётган давлат мулки рўйхатини республика ва вилоят даврий нашрларида ҳамда Ўзбекистон Республикаси Давлат мулки қўмитаси, монополиядан чиқариш, рақобатни ривожлантириш давлат қўмитаси ва Савдо-саноат палатасининг веб-сайтларида ҳар чоракда эълон қилиш.