Watan, seniñ aspaniñ biyik!

Watandı màrtler qorģaydı.

Tınısh otırģan elge,

Urıs ashtı fashistler,
Keltirdi eldi ģàzepke,
Qural aldı qolģa màrtler.

Watan ushın "Alģa" desip,

Shiyrin jannan keshti olar,
"Hàmme nàrse front ushın!"
Úles qostı tıldaģılar.

Jas jas hàm ģarrı iske qayım,

Hayal-qızlar boldı tayın,
Jeñis ushın űles qosıp,
Màrtlik isledi hàr dayım.

Jetim qalıp balalar,

Kőz jas tókti analar,
Nàlet aytıp urısqa,
Ğarģıs ayttı adamlar.

Bir mıñ tórt júz on segiz kűn,

Tınbay sawash boldı elde,
Tıldan kelgen saģınısh xatı,
Kūsh berdi jawıngerge.

9-may Jeñis kūni,

Xalıq àrmanı orınlandı,
Birlesken gūreste jeñer dep,
Jeñis toyı toylandı.

Jeñis qımbatqa tūsti,

Eliw millyon jannan keshti,
Ana baladan,bala atadan,
Ayrılıp,ayralıq azabın shekti.

Sonıñ ushın hàr bir adam,

Tınıshlıqtı qorģayıq,
Watan ushın gūresken,
Veterandı sıylayıq.

El-xalqına eń hūrmetli,

E ń qàdirli sıylı adam,
Orden-medallarģa tolı óńiri,
Veteranlar izzettesiz siz mudam.

Babalar màrtligi màńgi jasaydı,

Onı umıtpaydı keleshek àwlad,
Ūlgi alamız màrtlik islerińizden,
Sonlıqtan da: ,,Minnetdarmız biz sizden".

Eldi qorģaw-eń àdiwli is,

Tınıshlıq ushın salamız kūsh,
Babalar isine sadıq bolıp,
Ana watandı qorģaymız biz.

muģàllimi Xudiyarova

Qızlargūl.
Azamat Nuratdinov


"Watannıñ màrt jigitleri"
14-yanvar "Watan qorģawshılar kùni" ne arnalģan

Tuwģan ana watanģa

Xızmet etiw burshımız
Sırttan kelgen jawlarģa
Watan ushın saqshımız.

Tınıshlıģın eldiñ saqlar

Isenimdi bàrha aqlar
Shegaranı jawdan baģar
Watannıñ màrt jigitleri.

Kerek bolsa ayamay jandı

Bòlisip jep jartı nandı
Àjel kelse tik baradı
Watannıñ màrt jigitleri.

Eldi qorģap sharshamañız

Bolģay sòzim sizge mañız
Watan saqshıları bizge
Jeñilmeytuģın dàwdey añız.

Jigitler barar àskerlikke

Jùrer olar bir qàlipte.
Bayramıñız bolsın qutlı
Àrmiyamız bolsın kùshli.

Jarekeev Quwat

Qanlıkòl rayonı. Nawrız APJ.
Qaraqalpaq til hàm àdebiyatı oqıtıwshısı.

Kanalimizdi gu'zetiwdi dawam etin'ler...

Azamat Nuratdinov

Менин әкем.

(Уллы Уатандарлық урыс қатнасыýшысы әкем мархум Бабаназаров Менлибайға бағышлайман.)

Ел басына қайгылы кун туýғанда
Фашистлер бастырып елди куýғанда
Халқымыз қайғыға батып турғанда
Саýашқа атланған бул мениң әкем.

Уатан ушын жауға қарсы урысқан

Хеш қорқпаған, ар намысқа тырысқан
Пулеметчик болып қайтпай атысқан
Мениң қахарманым бул мениң әкем.

Душпан менен болған қырғын атыспа

Ерлик көрсеткени ушын атыста
Белоруссия жерлеринде батыста
"За отвагу" медалы берилген әкем.

Тағы бирде қырғын саýаш болғанда

Шеп билегин душпан оғы жулғанда
Жәрдем болмай жалғыз өзи қалғанда
Мәртлерше шыдаған қахарман әкем.

Урыс тамам, жеңис туýын тиккенде

Жаýыз фашистлердиң белин буккенде
Халкымыз жеңисти узақ куткенде
Өз улесин коскан бул мениң әкем.

Урыстан кейинги аýыр ýақытта

Елге қайтып келип, туýған аýылда
Абадан, парахат елди салыýда
Қызғын мийнет еткен бул мениң әкем.

Төрт перзентти тарбиялап өсирип

Балалықтан мийнет пенен писирип
Мехир берип, бир уядан ушырып
Мапелеп өсирген, бул мениң әкем.

Ғамхор әкем кайтыс болып кетседе

Арадан отыз жыл ýакыт өтседе
Өзиме аталык маýрит жетседе
Мениң ушын манги әкемсең, әкем.

✍Бабаназаров Муратбай.

09.05.2021-ж.