Watan, seniñ aspaniñ biyik!

Watan, seniñ aspaniñ biyik!.

Qarliģashlar qanati qiyiq.

Erjetpek bar Watandi sùyip.
Sarwi tallar shaqasin iyip.
Tawlanadi quyash nuriñda.
Watan seniñ aspaniñ biyik.

Balentlerde janar juldiziñ.

Miynet etken qol bolar uzin.
Nani shiyrin,tatimli duziñ
Qashan ko'rsem jariqdur jùziñ.
Watan, seniñ aspanin' biyik!.

Nawpir suwli da'rya tasqanda.

Diyxan jerge tuqim shashqanda.
Baģlar tungish gùlller ashqanda.
Jil quslari diydarlasqanda
Watan, seniñ aspaniñ biyik!.

O'ziñ meniñ qolimda barim.

Anam kibi isiq diydariñ
U'lken ju'rek qiziwli qanim.
Kòrmey qalsam siz saģinģanim.
Watan, seniñ aspaniñ biyik!.

M.Berdiev.✍

.

"QARAQALPAQ"

SHıǵısta oyanıp dáw uǵlan Turan,

Urpaǵınan Ájiniyazlar taraǵan,
Jeti ıqlım háwes penen qaraǵan,
Berdaqlar dóregen jurt Qaraqalpaq.

Aydos babalardan miyras bul mákan,

Alakóz erligin biler keń jáhán,
Ullılıq darıǵan bul sonday Watan,
Turım biyler shıqqan jurt Qaraqalpaq.

Batır hám biylerdiń altın topıraǵı,

Shayır, jırawlardıń bizler urpaǵı,
Biz sonday xalıqpız uzaqtan kózge,
Biyikten kóringen Qara qalpaǵı*.

Shańaraǵı biyik Qara úylerdiń*,

Biz áwladı jurt basqarǵan biylerdiń,
Tumaris, Gúlayım batır gúllerdiń,
Alpamıs at shapqan jurt Qaraqalpaq.

Bunda Allayardıń erlik dańqı bar,

Bul jurttiñ tarıyxı ullı xalqı bar,
Xalqınıń milliylik,dástúr-saltı bar,
Babalardan miyras jurt Qaraqalpaq.

Sóz marjanın tergen Ibrayım ótti,

Tólepbergenler tur jarıtıp kókti,
Sonday tulǵalardan bizlerge jetti,
Búgin dúnya bilgen jurt Qaraqalpaq.

Qumar analardıń aq sútin iship,

Jasar tarıyxımız ásirler keship,
Bul bizge amanat, alladan nesip,
Ullılardan ullı jurt Qaraqalpaq.

*Qara qalpaq: bas kiyim mánisinde;

"Qara úy: awızeki sóylewde qarúy dep aytıladı;

Avtor: Durdana Seytnazarova