Wo`zbekstan Respublikası Xalı`q Bilimlendiriw Ministrligi

Jumıstıń maqset hám wazıypaları: Jumıstı orınlawdıń maqseti – oqıw jobasında «Adam hám onıń salamatlıǵı» sabaqlıǵında kózde tutılǵan « Qan aylaniw sisteması» temasın oqıtıwdı interaktiv usıllardan paydalanǵan halda sabaqlardı shólkemlestiriwdi metodikalıq sistemasın jaratıw hám ámeliyatta qollaw ushın islenbeler jaratıw. Bunda qan tamır sisteması temasın oqıtıwda interaktiv usıllardan paydalanıw ushın metodikalıq usınıslar islep shıǵıw hám olardan paydalanıw usılları kórsetip ótiwden maqset etkenbiz.
Biz pitkeriw jumısımız aldına tómendegi wazıypalardı qoydıq:

• 
  Qan-tamır sisteması temasın oqıtıwda paydalanılatuǵın usıllar boyınsha ádebiyatlardı analizlew hám ulıwmaslastırılǵan juwmaqlar shıǵarıw;
  
• 
  Qan-tamır sisteması temasın oqıtıwdaǵı innovaciyalar menen tanısıw;
  
• 
  Adam anatomiyası páni boyınsha teoriyalıq materialardı toplaw;
  
• 
  Adam anatomiyası páninen interaktiv usıllarǵa tiykarlanǵan dástúriy emes sabaq islenbeler jaratıw;
  
• 
  İslep shıǵılǵan sabaq islenbelerdi ámeliyatqa engiziw
  
• 
  Alıp barılǵan tájriybelerdi analizlew hám bilimlendiriw ushın nátiyje bergen variantlardı usınıwdan ibarat.
  

İzertlew ob`ekti hám predmeti: Jumıstıń izertlew obekti ulıwmá bilim beriw mekteplerinde júrek qan-tamır sisteması xızmet qıldı. İzertlew páni adam hám onıń den-sawlıǵı, ulıwma biologiya.
İzertlewdiń ámeliy áhmiyeti: Biologiya táliminde júrek qan-tamırsistemasın oqıtıwda dástúriy emes sabaqlar járdeminde bilim beriwdiń interaktiv usıllarınan paydalanıp bilimler beriw ústinde teoriyalıq maǵlıwmatlar keń hám hár tárepleme ortaǵa taslandı, bul maǵlıwmatlardan házirgi oqıtıw sistemamızǵa usınıldı. Jumıs materiallarınan biologiyalıq tálim qánigelikleri oqıtıwshıları, asisstent oqıtıwshıları teoriyalıq material sıpatında paydalanıwı múmkin. Bul jumıstan ulıwma mekteptiń adam hám onıń salamatlıǵı páni oqıtıwshıları, biologiya tálim baǵdarı talabaları adam anatomiyası hám fiziologiyası pánin ózlestiriwde material sıpatında hám qánigelik ámeliyatı dawamında ámeliy jaqtan paydalanıwları múmkin. Jumıs ámeliy jaqtan – adam hám onıń den-sawlıǵı sabaqlarında sınawlardan ótkerilgen, jumıstı keń kólemde en jaydırıw oqıtıwdaǵı mashqalalardı unamlı sheshiwge járdem berse kerek.