Wo`zbekstan Respublikası Xalı`q Bilimlendiriw Ministrligi

VI. Taza temani bekkemlew hám juwmaqlaw
«KiShi TOPARLarda iSleW» QOLLANIW USILI
Kishi toparlarda islew oqiwshilardıń sabaqta aktivligin támiyinleydi, hár biri ushın tartısta qatnasıw huqıqın beredi, bir-birinen auditoriyada úyreniwge imkaniyat tuwıladı, basqalar pikirin qádirlewge úyretedi.
1. İskerlikti tańlaw. Temaǵa tiyisli mashqala sonday tańlanadı: nátiyjede oqiwshilar onı úyreniw (orınlaw) ushın dóretiwshilik aktivlik kórsetiwleri zárúr boladı hám tapsırmalar belgilenip alınadı.
2. Zárúriy tiykar jaratıw. Oqiwshilar kishi topar ishinde qatnasıwları ushın tańlanǵan iskerlik boyınsha ayırım bilim, kónlikpe hám malakalardı aldın iyelegen bolıwları kerek.
3. Toparlar qáliplestiriw. Ádette hár bir toparda 3-5 talaba boladı, (iqtimal, kem yaki kóp bolıwı mumkin). Eger toparda islew ol yaki bul jazba jumıs talap etse, jaqsısı 2-3 kishi topar dúzilgeni maqul. Auditoriyanı toparlarǵa ajıratıw, qálewi boyınsha yaki esap boyınsha ámelge asırıladı. Hár bir topar aldına mashqalalı vaziyati (situatsiya) qoyıladı:
4. Anıq jol-joba kórsetiw: Oqiwshilarǵa iskerlikti orınlaw boyınsha anıq hám kólemi jaǵınan kóp bolmaǵan túsinikler beriledi. Oqıtıwshı toparlardıń islew tezligi tezligi turlishe bolıwın esapqa alıp, waqıt shegarasın belgileydi. Toparlar kerekli materiallar hám axborotlar menen támiyinlenedi. Oqiwshilar toparda jumıs baslawı ushın tapsırmanı anıq túsinip alǵanı tekserip kóriledi.
5. Qollap-quwatlaw hám baǵdarlaw: Oqıtıwshı zárúryat tuwılsa toparlar qasına gezekpe-gezek kelip tuwrı baǵdarda islep atırǵanlıǵın baqlap baradı yamasa olarǵa járdem beredi, toparlarǵa tásir ótkizilmeydi.
6. Talıqlaw hám bahalaw: Toparlarda jumıstı juwmaqlaw, olar nátiyjeleri boyınsha axborot beredi. Bunıń ushın hár bir topar óz sardarın belgileydi. Zárúryat tuwılsa, iskerlik nátiyjeleri boyınshi bildirilgen pikirler oqıtıwshı tárepinen jazılıp barıladı. Eń tiykarǵısı topardıń óz sheshiminiń tiykarlı ekenlgin anıqlap alıw esaplanadı. Eger waqıt jeterli bolsa, ol yamasa bul pikirdi argumentlewde toparlar bir-birine soraw beriwleri mumkin. Kishi toparlarda islew nátiyjeleri oqıtıwshı tárepinen bahalanadı. Bunda iskerlikti tuwrı hám anıq orınlaw, waqıt sarplanıwı tiykarǵı mezon esaplanadı.