X seytkamalov, U. Jaksimova

REFERAT  
Studentke qıyınshılıq dárejesi onıń jeke múmkinshilikleri, qábileti hám bilim 
dárejesine muwapıq bolǵan qandayda bir tema boyınsha referat tayarlaw 
tapsırıladı. Bunda student tiykarǵı ádebiyatlardan tısqarı qoshımsha ádebiyatlardan 
(monografiyalar, ilimiy metodikalıq maqalalar, internetten alınǵan maǵlıwmatlar, 
elektron kitapxana materialları h.t.b.) paydalanıp, materiallar jıynaydı, analizleydi, 
sistemaǵa saladı hám tema boyınsha múmkinshilik dárejesinde tolıq, keń 
maǵlıwmat jıynawǵa háreket etedi. Zárúr jaǵdaylarda oqıtıwshıdan máslahát hám 
kórsetpeler aladı. Juwmaqlanǵan referat kafedrada ekspertler qatnasıwında 
qorǵaladı. Referat jazıw student ushın qızıǵıwshılıq payda etken maǵlıwmatlardı 
logikalıq túrde úyreniw múmkinshiligin ańlatadı. 
Referat bul tema boyınsha monografiyalar, jurnallar hám maqalalardaǵı 
maǵlıwmatlardı logikalıq jaqtan úyreniw hám talqılaw arqalı jazılatuǵın ilimiy 
tekst. Referat (latın tilinen alınǵan, “Referre” - esabat beriw) - studentti qızıqtırǵan 
hám dáwirdiń aktual mashqalasına aynalǵan temadaǵı iri dóretpe yamasa 
ádebiyatlar kompleksiniǹ analizine arnalǵan kishi bir ilimiy jumısqa aytıladı.
Referattıǹ maqseti studentlerdiń belgili bir tema yamasa mashqala boyınsha 
ilimiy hám ilimiy-metodikalıq 
ádebiyatlardı 
úyreniwde, 
analiz
etiwde 
ámeliy kónlikpelerin kórsetiw bolıp tabıladı. Bunda student ilimiy basshısı menen 
birge, óziniń qızıqqan aktual temalardan birin referat jumısı ushın tańlap aladı. 
Referattıǹ teması ulıwma dizimnen saylanadı yamasa oqıtıwshı menen 
kelisken 
halda alınadı.Tema student ushın qızıqlı bolıwı kerek. Juwmaq ústinde islewde eń 
keminde 4-5 derekten paydalanıw usınıs etiledi.
Referattıǹ dúzilisi: 
1. Kirisiwde jumıstıń maqseti hám wazıypaları, temalardı tańlaw tiykarları jáne 
onıń aktuallıǵı sáwlelenedi hám 1-2 betten ibarat boladı. 
2. Tiykarǵı bólimde mashqala boyınsha ádebiyatlardı analizlew tiykarında 
avtordıń kózqarasları beriledi hám ortasha esapta 12-15 betten ibarat boladı. 
3. Juwmaq bóliminde- juwmaqlar hám usınıslar qáliplestiriledi. Juwmaq qısqa, 
anıq bolıwı kerek, juwmaqlar tiykarǵı bólimniń mazmunınan kelip shıǵıp,1-3 
betten ibarat boladı. 
4. Paydalanılǵan ádebiyatlar dizimi. 
Referattıǹ ishinde diagramma, anketa hám basqa kórinistegi qosımshalar 
bolıwı múmkin. Referattıǹ kórinisinde sızılmalar hám kesteler bolǵanı maqul.

---