X seytkamalov, U. Jaksimova

 
Yusup Qutlımuratov - Filosofiya ilimleriniń doktorı (PhD) 
Zulfiya Ktaybekova - Filosofiya ilimleriniń doktorı (PhD) 
 
 
 
 
 
 
 
Oqıw-metodikalıq qollanba Muhammed al-Xorezmiy atındaǵı TITU Nókis 
filialı Ózbek tili hám shet tilleri kafedrasınıń (2022-jıl 23-fevral 7-sanlı 
bayanlama)májilisinde dodalanıp, Filial Keńesinde (7-sanlı bayanlama) 
maqullanǵan hám baspadan shıǵarıwǵa ruxsat etilgen.

---

KIRISIW 
Ózbekstan Respublikası joqarı hám orta arnawlı bilimlendiriw ministrliginiń 
2005-jıl 21-fevraldaǵı «Studentler ózbetinshe jumısın shólkemlestiriw 
haqqında»ǵı 34-sanlı buyrıǵı menen tastıyıqlanǵan «Studentler ózbetinshe jumısın
shólkemlestiriw, qadaǵalaw hám bahalaw tártibi haqqında»ǵı Úlgi nızamda
studentler ózbetinshe jumısınıń maqseti hám wazıypaları, ózbetinshe jumıslardı 
shólkemlestiriw formaları, ózbetinshe jumıslardıń informaciyalıq támiynatı, 
ózbetinshe jumıslardı qadaǵalaw hám bahalaw kriteriyaları kórsetip berilgen. 
Ózbetinshe jumıslardıń ajıralmaytuǵın bólegi bul ózbetinshe tálim alıw. 
Studentlerdiń ózbetinshe tálim alıwı olardı óz bilimlerin keńeytiw, tereńlestiriw, 
ámeldegi ilimiy tájiriybe hám kónlikpelerdi jetilistiriw hám de olardıń jańaların 
ózlestiriwge bolǵan umtılısında kórinedi. 
Ózbetinshe tálimniń tiykarǵı maqseti- studentlerdi dóretiwshilik izertlew,
ózi ústinde islew, hár tárepleme izertlew júrgiziwdiń mánisin ańlawǵa tartıw 
bolıp tabıladı. Ózbetinshe jumıslardı orınlaw arqalı biliwge bolǵan qızıǵıwshılıq 
keń hám turaqlı tús aladı. Biliw iskerligine qaratılǵan bilim, kitap oqıwǵa 
qızıǵıwshılıq rawajlanadı, pikirdi jámlew ilimiy tájiriybesi, logikalıq eslep 
qalıwdıń túrli usıllarınan paydalanıw qáliplesedi. Aqılıy iskerlik aktiv, erkin 
hám dóretiwshilik xarakterge iye boladı. 
Ózbetinshe tálim studentlerdiń jeke hám kásiplik sıpatların qáliplestiriwde óz 
ústinde islew ústinligi bolıp tabıladı. Ózbetinshe tálimniń tiykarǵı metodı 
ádebiyatlar ústinde individual islew. Bul metod informaciyalar aǵımında eń zárúr 
informaciyanı tabıw, oǵan túsindirme beriw, bul informaciyadan óziniń kásiplik 
iskerliginde paydalanıw mamanlıǵın qáliplestiredi.