Xalqaro valyuta-kredit va moliya bozorlari

XALQARO VALYUTA-KREDIT VA MOLIYA BOZORLARI

32.1. Jahon moliya bozorining mohiyati va funksiyalari

Keng ma’noda jahon moliya bozori — mamlakatlar o‘rtasida kapital resurslarini

jamlash va taqsimlashni ta’minlab beruvchi bozor munosabatlari yig‘indisi. Umuman,

bu tushuncha xalqaro moliyaviy shartnomalarning mazmunini tashkil qiluvchi

ishtirokchilar manfaatlarining o‘zaro ta’sirini anglatadi.

Tor ma’noda jahon moliya bozori — bu fond bozori, ya’ni qimmatbaho qog‘ozlar

bilan operatsiyalar amalga oshiriladigan bozordir.

Jahon moliya bozorini turli mezonlar bo‘yicha tasniflash mumkin. Jahon moliya

bozori unda amalga oshiriladigan operatsiyalar obyektiga ko‘ra quyidagi segmentlarga

ajratiladi:

• valyuta bozori;

• ssuda kapitallari bozori;

• fond va sug‘urta bozori;

• oltin bozori.

32.1.1-jadval