34.Hujjatlarga yozuvlar qilish va ularni rasmiylashtirishda qo'yiladigan talablar
35.Buxgalteriya hisobi ob'ektlari, tamoyillari
30-savol javobi
36.Schyotlarning iqtisodiy mazmuni, tarkibi va tayinlanishi bo'yicha turkumlanishi.
37.Baho va baholash tushunchalari, uning turlari.
Баҳолаш – бу Бизнесда бухгалтерия ҳисоби объектлари қийматини пулда ифодалаш усули.
Корхоналарда Бизнесда бухгалтерия ҳисоби объектларини баҳолашда унинг ҳақиқий қиймат, режали ёки меъёрий қиймат, номинал қиймат, дисконтланган қиймат, бошланғич қиймат, қолдиқ қиймат, соф сотиш қиймати каби турлари қўлланилади.
Ҳақиқий қиймат – бу корхона активлари ва улар манбаларининг ҳисобот даври охиридаги ҳужжатли асосда шакллантирилган қиймати. Ҳақиқий қиймат сифатида бошланғич қиймат, қолдиқ қиймат, соф сотиш қиймати асос қилиб олинади.
Бошланғич қиймат – бу активларни сотиб олиш, қуриш, ишлаб чиқариш ва бошқа йўллар билан келиб тушган вақтида шаклланган қиймати. У ўз ичига активларни сотиб олишга, қуришга ва ишлаб чиқаришга кетган барча харажатларни олади. Бепул келиб тушган активларнинг бошланғич қиймати комиссия томонидан эксперт йўли билан топилади. Бу қийматни, бошқачасига, тарихий қиймат деб ҳам атайдилар.
Қолдиқ қиймат – бу активларнинг бошланғич қийматидан фойдаланиш даврида жамланган эскириш суммасини чегиришдан кейин қолган қиймати.
Соф сотиш қиймати - бу активнинг сифати, ҳолати, шунингдек бозордаги талаб ва таклифдан келиб чиқган ҳолда шаклланган қиймати. Ушбу қиймат юқорида келтирилган қиймат турларидан кам ҳам, кўп ҳам бўлиши мумкин. Ушбу қийматни, бошқачасига, бозор қиймати ҳам деб атайдилар.
Режа ёки меъёрий қиймат- бу активларнинг режа ёки меъёрий калкуляция асосида шакллантирилган қиймати.
Номинал қиймат – қимматли қоғозларнинг олдиндан белгиланган ва босма усулда улар устида ёзиб қўйилган қиймати.
Дисконтланган қиймат - бу активлар ва мажбуриятларнинг келгуси қиймати бўлиб, у жорий қийматни пулнинг келгусидаги вақтинчалик қиймати коэффициентига кўпайтириш йўли билан топилади
Do'stlaringiz bilan baham: |
