Xorijda qishloq turizmini rivojlantirish tajribasi. Mundarija

3. Qishloq turizmini rivojlantirishda strategik rejani ishlab chiqish yo‘llari
Qishloq turizmini rivojlantirishda jahonning ko‘plab davlatlari Yevropa modelidan, dasturlaridan, strategik rejalaridan nusxa olmoqdalar. Chunki, hozirda qishloq turizmi asosan Yevropa davlatlarida mukammal, barqaror rivojlanmoqda. Bunday yutuqlarning bosh sababi shundaki, Yevropa davlatlari qishloq turizmini rivojlantirishda o‘zaro hamkorlikni, hamdo‘stlikni yaxshi yo‘lga qo‘yganlar. Yevropa hamkorligi natijasida 1990-yilda qishloq turizmini rivojlantirish maqsadida «UmumYevropa «Lider» dasturini» ishlab chiqdilar. Dasturning loyihalari «Yevropa Ittifoqi» fondidan loyihalashtiradi. Dastur loyihalari bo‘yicha Yevropadagi davlatlarning 2000 ta mintaqasida qishloq turizmi maqsadli strategik reja bo‘yicha rivojlanmoqda. Hozirga kelib ma’lumki, Yevropa davlatlari qishloq turizmini rivojlantirish va undan daromadlar olish bo‘yicha jahondagi mamlakatlar ichida yetakchi o‘rinlarni egallab kelmoqdalar.
1-jadval
Yevropa davlatlarining qishloq turizmini rivojlantirish bo‘yicha dasturlari

Mahalliy	Qishloq turizmini rivojlantirishga asoslar	Asosiy vazifalar	Asosiy instrumentlar	Moliyalashtirish manbaalari	Qishloq turizmining ahamiyati
Buyuk Britaniya	1.Kelgusida qishloq xo‘jalik yerlarining olib qo‘yilishi xavfi; 2.Qishloq joylarida qadim madaniyat yodgorliklarning borligi	1.Fermerlik turizmini rivojlantiris; 2.Qishloq turizmini rivojlantirisda notekislikni yo‘qotish	Qishloq turizmini rivojlantirish dasturini kreditlash, dotatsiyalash turistik tashkilotlarning fermer manfaatlarini himoya qilish	Davlat va xususiy investorlar	Agrar ixtisoslashtirishning alternativ yo‘nalishi