Y3000 ta buxgalteriya O‘tkazmasi hisobvaraqlar rejasi bo‘yicha bog‘lanishlar* Muqaddima I bob. Buxgalteriya hisobi hisobvaraqlar rejasining umumiy tavsifi

Pul ekvivalentlarini hisobga oluvchi
schyotlarning (5600) bog‘lanishi

5610 "Pul ekvivalentlari (turlari bo‘yicha)" schyotining korxona kassasidagi pul ekvivalentlari (pochta markalari, chiptalar va boshqalarning nominal qiymati bo‘yicha) mavjudligi va harakati to‘g‘risidagi axborotni umumlashtirish uchun mo‘ljallangan.

Mazkur schyotning debetida, pul mablag‘larini hisobga oluvchi schyotlar bilan bog‘langan holda, pul ekvivalentlarining xarid qilinishi, krediti bo‘yicha - xarajatlarni hisobga oluvchi schyotlar bilan bog‘langan holda, ularning sarf-xarajat qilinishi aks ettiriladi.

T/r	Xo‘jalik operatsiyasining mazmuni	Bog‘lanuvchi schyotlar		Yozuvlarni tasdiqlovchi hujjatlar
		debet	kredit
1	Pul ekvivalentlari naqd pulga xarid qilingan	5610	5010	Schyot, chek, chiqim kassa orderi
2	Pul ekvivalentlari valyuta kassasi orqali naqd pulga xarid qilingan	5610	5020	Schyot, chek, chiqim kassa orderi
3	Pul ekvivalentlari hisobdor shaxslar orqali xarid qilingan:			Bo‘nak hisoboti
	- ularga bo‘nak berilgan bo‘lsa	5610	4220, 4230
	- ularga bo‘nak berilmagan bo‘lsa	5610	6970
4	Pul ekvivalentlari pul mablag‘larini hisob-kitob schyotidan o‘tkazish yo‘li bilan xarid qilingan	5610	5110	Hisobvaraq-faktura yoki yukxat, bank ko‘chirmasi
5	Pul ekvivalentlari pul mablag‘larini valyuta schyotidan o‘tkazish yo‘li bilan xarid qilingan	5610	5210, 5220	Hisobvaraq-faktura yoki yukxat, valyuta schyotidan bank ko‘chirmasi
6	Pul ekvivalentlari mol yetkazib beruvchilardan xarid qilingan	5610	6010	Hisobvaraq-fakturalar, yukxatlar
7	Pul ekvivalentlari turli shaxslardan xarid qilingan	5610	6990	Hisobvaraq-fakturalar, yukxatlar
8	Pul ekvivalentlari asosiy ishlab chiqarishga sarf-xarajat qilingan	2010	5610	Yukxatlar, talabnomalar
9	Pul ekvivalentlari yordamchi ishlab chiqarishga sarf-xarajat qilingan	2310	5610	Yukxatlar, talabnomalar
10	Pul ekvivalentlari sotish bo‘yicha xarajatlarga sarf-xarajat qilingan	9410	5610	Yukxatlar, talabnomalar
11	Pul ekvivalentlari ma’muriy xarajatlarga sarf-xarajat qilingan	9420	5610	Yukxatlar, talabnomalar
12	Inventarlash natijasida pul ekvivalentlari kamomadi aniqlangan	5910	5610	Inventarlash dalolatnomasi
13	Pul ekvivalentlari kamomadi aybdor shaxslar zimmasiga yuklangan	4730	5910	Inventarlash dalolatnomasi
14	Aybdor shaxslar aniqlanmagan taqdirda, pul ekvivalentlari kamomadi zararga hisobdan chiqarilgan	9430	5910	Inventarlash dalolatnomasi
15	Pul ekvivalentlari mehnatga haq to‘lash hisobiga berilgan	6710	5610	Hisob-kitob to‘lov hujjatlari

Yo‘ldagi pul mablag‘lari (o‘tkazmalari)ni
hisobga oluvchi schyotlarning (5700) bog‘lanishi

5710 "Yo‘ldagi pul mablag‘lari (o‘tkazmalari)" schyotida yo‘ldagi O‘zbekistonning milliy valyutasidagi va chet el valyutasidagi pul mablag‘lari, ya’ni kredit tashkilotlarining kassalariga, jamg‘arma kassalarga yoki pochta bo‘limlarining kassalariga korxonaning hisob-kitob schyotiga yoki boshqa schyotiga o‘tkazish uchun kiritilgan, biroq hali maqsadi bo‘yicha ularga tushmagan pul summalarining (asosan mahsulotlar va tovarlar sotilishidan, xizmatlar ko‘rsatilishidan, ishlarni bajarishdan naqd pul tushumi va pul o‘tkazmalari) harakati to‘g‘risidagi axborot umumlashtiriladi.

Ushbu schyot bo‘yicha summalarni hisobga olish uchun kredit tashkilotining, jamg‘arma kassasining, pochta bo‘limining kvitansiyalari, inkassatorlarga tushum topshirilganligi to‘g‘risida ilova hujjatlarining nusxalari, banklarning ko‘chirmalari va memorial orderlari asos bo‘lib hisoblanadi.
Mazkur schyot debetida kassadagi va boshqa pul mablag‘larini hisobga oluvchi schyotlar bilan bog‘langan holda pul o‘tkazmalari, kreditida - yo‘ldagi pullarning hisob-kitob, valyuta va boshqa schyotlarga kiritilishi aks ettiriladi.