Shartnomaga oʻzgartirish kiritish qoidalarini tahlil qiling. (15 ball)
“Construction & Design” MCHJga oʻz huquqini sud orqali himoya qilish imkoniyati mavjudligini baholang. (15 ball)
KAZUS № 13
“Ajax Construction” MCHJ (bundan keyin matnda “Pudratchi” deb nomlanadi), “Olmos Hotel” MCH (bundan keyin matnda “Buyurtmachi” deb nomlanadi) bilan mehmonxona binosini qurish boʻyicha shartnoma imzoladi. Shartnoma bahosi 10 mlrd soʻm boʻlib, unga koʻra Pudratchi Buyurtmachiga Toshkent shahri, Chilonzor tumanida joylashgan hududda besh qavatli bino qurish majburiyatini oldi. Shartnoma muddati 6 oy etib belgilanib, toʻlovlar qurilish toʻliq bajarilgandan soʻng bajarilgan ishlarning hajmidan kelib chiqib tayyorlangan “Forma 5” hujjatlariga asoslanib toʻlanishi belgilandi.
Qurilish ishlari boshlanib, “Pudratchi” tomonidan yer qazish ishlari boshlangandan soʻng, yer ostida katta xarsang tosh borligi, mazkur xarsang toshni olish qoʻshimcha mablagʻ va vaqt talab qilishi ayon boʻldi. “Pudratchi” darhol “Buyurtmachi”ga qoʻngʻiroq qilib shartnomaga qoʻshimcha oʻzgartirish kiritish kerakligini bildirdi.
“Buyurtmachi esa, hozirda xizmat safarida ekanligini, “Pudratchi”dan ishni toʻxtatmasligini, barcha sarf-xarajaatlarni toʻliq toʻlashini bildirdi. “Buyurtmachi”ning javobiga asosan “Pudratchi” xarsang toshni bir oy davomida qiyinchilik bilan olib tashladi.
Shu sababli qurilish shartnomada belgilangan muddatdan bir oy oʻtib tugatildi. “Pudratchi” bajarilgan ishlarni hisoblab qurilish hujjatlari (Forma 5)ni ikki tomonlama tasdiqlash uchun “Buyurtmachi”ga taqdim qildi. Biroq, “Buyurtmachi” “Forma 5” dagi bajarilgan ishlar summasi shartnoma summasidan 150 mln ortiqcha hisoblanganligini, ishlar muddatida topshirilmaganligini vaj qilib hujjatlarni imzolashdan bosh tortdi.
Mazkur holatdan norozi boʻlgan “Pudratchi” sizdan huquqiy yordam soʻrab murojaat qilmoqda.
Kazus doirasida pudrat shartnomasi tomonlarining huquq va majburiyatlarini huquqiy tahlil qiling. (20 ball)
Do'stlaringiz bilan baham: |
