Yil uchun Davlat statistika ishlari dasturining yanvar- dekabr oylarida bajarilishi to‘g‘risida ma’lumot
ta va Twitter sahifasida 250 ta
Download 297.72 Kb. Pdf ko'rish
|
yanvar-dekabr-dastur-ijrosi
|
595 ta va Twitter sahifasida 250 ta yangiliklar e’lon qilindi.
Shuningdek, 400 dan ortiq infografika roliklari hamda statistika faoliyatiga oid lavhalar “O‘zbekiston 24”, “O‘zbekiston”, “O‘zreport” telekanallarida doimiy tarzda efirga uzatilib kelinmoqda. Davlat statistika qo‘mitasi rasmiy veb-saytining “Rasmiy statistika” bo‘limida makroiqtisodiy ko‘rsatkichlar, milliy hisoblar, narx va indekslar, sanoat, qishloq 2 xo‘jaligi, aholi turmush darajasi va boshqa qator statistika yo‘nalishlari bo‘yicha 330 ta statistika ma’lumotlari to‘plamlari e’lon qilindi. “Xalq so‘zi”, “Narodnoye slovo”, “Yangi O‘zbekiston”, “Pravda Vostoka”, “Iqtisodiy gazeta”, “Birja”, “Ishonch”, “Oila davrasida” va boshqa nashrlarda statistik ko‘rsatkichlar aks etgan 70 dan ortiq materiallar chop etildi. Xalqaro statistika amaliyoti tavsiyalarini inobatga olgan holda, statistika sohasining turli yo‘nalishlari bo‘yicha 2021- yil yanvar-dekabr oylarida 38 ta yangi uslubiy qo‘llanmalar ishlab chiqildi hamda 7 ta uslubiy qo‘llanmalarga o‘zgartirish va qo‘shimchalar kiritildi. Respondentlar uchun qulaylik yaratish maqsadida ilg‘or axborot texnologiyalaridan foydalangan holda statistika hisobotlarini topshirish tizimi takomillashtirilib, eStat-4.0 axborot tizimi ishga tushirildi va natijada oylik va choraklik hisobotlarni onlayn rejimda qabul qilish yo‘lga qo‘yildi. Aholini ro‘yxatga olishga tayyorgarlik ko‘rish va uni o‘tkazish jarayonlarini avtomatlashtirish doirasida aholini ro‘yxatga olishning birlamchi ma’lumotlarini kiritish va qayta ishlash bo‘yicha axborot tizimi ishlab chiqildi. Davlat statistika qo‘mitasi ma’lumotlar bazasiga ulangan API tizimilarini ishlash jarayoni to‘liq monitoringdan o‘tkazildi va dasturiy kodlari takomillashtirildi. O’zbekiston Respublikasida makroiqtisodiy ko‘rsatkichlar, jumladan, yalpi ichki mahsulotni hisoblash metodologiyasini takomillashtirish va “Milliy hisoblar tizimi – 2008” xalqaro standartiga moslashtirish bo‘yicha 2021- yil yanvar-dekabr oylarida quyidagi ishlar amalga oshirilgan: “Milliy hisoblar va tarmoqlar statistikasi ko‘rsatkichlarini diskret davrlar asosida hisoblash amaliyotini joriy etish bo‘yicha Harakatlar rejasi” ishlab chiqilgan hamda Davlat statistika qo‘mitasining 2021- yil 8- fevraldagi 2-son qarori bilan tasdiqlangan; xalqaro tajribani o‘rgangan holda, “Iqtisodiy statistika ko‘rsatkichlarini diskret choraklar asosida shakllantirish tartibi” ishlab chiqilgan va Davlat statistika qo‘mitasining 2021- yil 31- martdagi 9-sonli qarori bilan tasdiqlangan; 2021- yil 15-17- fevral kunlari Davlat statistika qo‘mitasida Osiyo taraqqiyot bankining “Milliy hisoblar tizimining alohida ko‘rsatkichlar mavzusida”gi bilimlarni oshirish va qo‘llab-quvvatlash bo‘yicha texnik ko‘mak missiyasi onlayn tarzda bo‘lib o‘tgan; O‘zbekiston Respublikasi milliy hisoblar tizimida tabiiy resurslar ko‘rsatkichlarini aks ettirishni takomillashtirish maqsadida 2021- yil 1-5 mart kunlari Davlat statistika qo‘mitasi xodimlari uchun Milliy hisoblarda tabiiy resurslar ko‘rsatkichlari tahlili bo‘yicha XVJning masofaviy tarzda missiyasi o‘tkazilgan; 3 2021- yil 1-19- mart kunlari Davlat statistika qo‘mitasi vakillari ishtirokida Xalqaro valyuta jamg‘armasining (XVJ) “Statistika bo‘yicha ko‘p maqsadli diagnostika missiyasi” o‘tkazilgan. Xususan, missiya doirasida XVJ ekspertlari bilan YaIM hisob-kitoblarini takomillashtirish bo‘yicha muhokamalar o‘tkazilgan va kelgusidagi hamkorlik yo‘nalishlari belgilab olingan; 2021- yil 17-28 may kunlari XVJning Choraklik milliy hisoblar statistikasini rivojlantirish bo‘yicha texnik ko‘mak missiyasi tashkil etilgan. Missiya davomida O’zbekistonda iqtisodiy statistika ko‘rsatkichlarini diskret davrlar asosida shakllantirishni joriy etish masalalari muhokama qilingan. To‘lov balansidagi eksport-import ko‘rsatkichlari va “safarlar” komponentini yakuniy iste’mol usulidagi YaIM hisob-kitoblarida aks ettirildi. Shuningdek, 2010- yildan boshlab yillik, 2016- yildan boshlab choraklik ko‘rsatkichlarni to‘lov balansi va “safarlar” komponentini hisobga olgan holda qayta hisoblab chiqildi. O‘z uyida yashash bo‘yicha shartli xizmatlar hajmi “Milliy hisoblar tizimi – 2008” xalqaro standarti bo‘yicha hisoblandi. Ushbu hisob-kitoblar YaIMning 2010 yildan boshlab yillik, 2016 yildan boshlab choraklik ma’lumotlari o‘z uyida yashash bo‘yicha shartli xizmatlar hajmini qo‘shgan holda qayta hisoblandi va e’lon qilindi. Kuzatilmaydigan iqtisodiyotni statistik baholash bo‘yicha uslubiy nizom ishlab chiqildi va Davlat statistika qo‘mitasining 2021 yil 30 apreldagi 15-son qarori bilan tasdiqlandi. Axborot iqtisodiyoti va elektron tijorat sohasi bo‘yicha yalpi qo‘shilgan qiymat hajmini hisoblash tartibi ishlab chiqildi va Davlat statistika qo‘mitasining 2021 yil 31 maydagi 16-son qarori bilan tasdiqlandi. Norasmiy va yashirin iqtisodiyotni statistik baholash ishlarini takomillashtirish maqsadida Qo‘mitaning 2021 yil 19 maydagi 43-sonli buyrug‘iga asosan, 2021 yilning 24 may – 23 iyun hamda 26 iyul – 14 avgust kunlari Namangan viloyatining barcha tumanlarida jismoniy va yuridik shaxslarni qamrab olgan holda tanlanma kuzatuvlar o‘tkazildi. O’tkazilgan tanlanma kuzatuvlar natijalarini va ma’muriy ma’lumotlarni umumlashtirish va tahlil qilish asosida kuzatilmaydigan (yashirin va norasmiy) iqtisodiyot hajmi bo‘yicha hisob-kitoblar amalga oshirildi hamda ularning tarmoqlar statistikasi va YaIM ko‘rsatkichlariga ta’siri baholandi. Shuningdek, Namangan viloyatida kuzatilmaydigan (yashirin va norasmiy) iqtisodiyotni statistik baholash natijalari yuzasidan batafsil ma’lumotnoma va tahliliy jadvallar tayyorlanib, Qo‘mitaning 2021 yil 1 dekabrdagi 01/1-03-01-76-sonli xati 4 bilan O’zbekiston Respublikasi Prezidenti Administratsiyasi va Vazirlar Mahkamasiga taqdim etildi. Yalpi ichki mahsulotni ishlab chiqarish usulida hisoblash bo‘yicha uslubiy nizom (yangi tahrirda) ishlab chiqildi va Davlat statistika qo‘mitasining 2021 yil 23 noyabrdagi 45-son qarori bilan tasdiqlandi. Tovarlar va xizmatlar resurslari va ishlatilishi jadvallarini tuzish bo‘yicha uslubiy nizom ishlab chiqildi va Davlat statistika qo‘mitasining 2021 yil 16 dekabrdagi 56-son qarori bilan tasdiqlandi. “2019 yil uchun Tovarlar va xizmatlar resurslari va ishlatilishi jadvallari” statistika byulleteni ishlab chiqildi va Qo‘mitaning 2021 yil 17 dekabrdagi 01/1-03-01-81-sonli xati bilan O’zbekiston Respublikasi Vazirlar Mahkamasiga taqdim etildi. Narxlar statistikasi sohasida iste’mol narxlari indeksi kuzatuvlari uslubiyotini xalqaro tavsiyalar asosida yanada takomillashtirish doirasida, 2021 yil yanvar oyidan boshlab iste’mol narxlari indeksini to‘liq BMTning Classification of Individual Consumption According to Purpose (COICOP) 2018 xalqaro standartiga asoslangan, Maqsadlar bo‘yicha individual iste’mol tasniflagichi 2018 (MIIT 2018) asosida shakllantirilgan. Iste’mol narxlari indeksi kuzatuvlari o‘tkaziladigan savdo va xizmat ko‘rsatish ob’ektlarini Korxona va tashkilotlarning yagona davlat registri ma’lumotlari asosida tanlab olish amaliyoti joriy qilingan. O’zbekiston Respublikasining “Xalqaro taqqoslash dasturi - 2021”da ishtiroki ta’minlangan. Mazkur dastur doirasida tasdiqlangan reja-jadvalga asosan 2021 yilning 1 choragi uchun mart oyida kuzatuvlar tashkil etilib, dastur koordinatori tomonidan taqdim etilgan ro‘yxat bo‘yicha mavjud ikki minga yaqin tovarlar va xizmatlarning narxlari ro‘yxatga olingan. To‘plangan ma’lumotlar puxta tahlil qilinib, 2021 yilning iyun oyida dastur koordinatori – Mustaqil davlatlar hamdo‘stligi Statistika qo‘mitasiga taqdim etilgan. Shu bilan birga, 2021 yilning iyun oyida 2 chorak uchun belgilangan tovar va xizmatlarning narxlari kuzatuvi o‘tkazildi hamda dastur koordinatoriga taqdim etildi. “Xalqaro taqqoslash dasturi - 2021” doirasida 2021 yilning avgust-sentabr oylarida 3 chorak uchun narxlar kuzatuvi o‘tkazildi. Kuzatuv ma’lumotlari umumlashtirildi hamda dastur koordinatoriga yil yakunlari yuzasidan ma’lumotlar tayyorlash uchun tahlil amalga oshirildi. “Xalqaro taqqoslash dasturi - 2021” doirasida 2021 yilning noyabr-dekabr oylarida navbatdagi bosqichda narxlar kuzatuvi o‘tkazildi. Shu bilan birga, 2021 yilning noyabr oyida dastur koordinatori tomonidan taqdim etilgan “Investitsion tovarlar” guruhi bo‘yicha ish rejaga muvofiq, narxlar kuzatuvi o‘tkazilib, tahlillar amalga oshirilib, ma’lumotlar umumlashtirildi. Kuzatuvlar va tahlillar natijalari 5 yuzasidan yakuni ma’lumotlar 2021 yilning noyabr oyida dastur koordinatori – Mustaqil davlatlar hamdo‘stligi Statistika qo‘mitasiga taqdim etilgan. Statistika ma’lumotlari sifatini oshirish borasida hisobot topshiruvchi sub’ektlar o‘rtasida profilaktika tadbirlari amalga oshirildi. Jumladan, 2021 yil yanvar-dekabr oylarida respublikaning barcha hududlarida 2904 ta seminarlar, 5272 ta “Ochiq eshiklar kuni” tadbirlari o‘tkazildi, 229,7 mingdan ortiq bukletlar tarqatildi va 6631 marta ommaviy axborot vositalarida chiqishlar tashkil etildi. Ochiq ma’lumotlar portali faoliyatini takomillashtirish, ma’lumotlar sifatini oshirish va ko‘lamini kengaytirish borasida amalga oshirilgan ishlar natijasida, Portalda e’lon qilinayotgan ma’lumotlar to‘plamlari soni 3600 dan oshdi. Jumladan, Davlat statistika qo‘mitasi tomonidan Portalda e’lon qilinayotgan statistika ma’lumotlari to‘plamlari soni 2041 tani tashkil qildi. 2021 yilning 20 yanvar kuni Qo‘mita tomonidan, O’zbekiston Hukumatining Xalqaro ochiq ma’lumotlar Xartiyasiga qo‘shilishiga tayyorligi haqida ma’lumot berilib, Xalqaro ochiq ma’lumotlar Xartiyasi rahbariyatiga 01/1-24-14-6-sonli rasmiy murojaatnoma yuborildi. Mazkur murojaat natijasida, 2021 yilning 18 fevral kuni O’zbekiston Respublikasi Xalqaro ochiq ma’lumotlar Xartiyasiga 23-mamlakat bo‘lib qo‘shildi va Janubiy Koreya hamda Filippindan keyin Osiyodagi uchinchi mamlakat hisoblanadi. 2021 yilning 5 mart kuni Davlat statistika qo‘mitasi tomonidan “International Open data day” doirasida vazirlik va idoralar, YeXHTning O’zbekistondagi koordinatori hamda Elektron hukumat loyihalarini boshqarish markazi xodimlari va ekspertlari ishtirokida mamlakatimizda ochiq ma’lumotlarni ommalashtirishga bag‘ishlangan “Open Data Day Tashkent – 2021” mavzusida tadbir tashkil etildi. 2021 yil 2 aprel kuni Hyatt Regency Tashkent mehmonxonasida Davlat statistika qo‘mitasi .Dasturiy mahsulotlar va axborot texnologiyalari texnologik parki (IT Park Uzbekistan) va YeXHTning O’zbekistondagi loyihalari Koordinatori tomonidan tashkil etilgan “O’zbekistonda ochiq ma’lumotlar ekotizimining amaliy ahamiyati va rivojlanish istiqbollari” mavzusida seminar bo‘lib o‘tdi. Mazkur seminarda ochiq ma’lumotlardan amaliy foydalanishni ilgari surish, O’zbekiston Respublikasi Ochiq ma’lumotlar portalining yangi versiyasini ishlab chiqish, ochiq ma’lumotlar bo‘yicha startap-loyihalarni jadallashtirish dasturini ishga tushirish, Xaqaro ochiq ma’lumotlar Xartiyasi tamoyillarini amalda tatbiq etish bo‘yicha kelgusidagi rejalar ko‘rib chiqildi. 2021 yilning 24-28 may kunlari Davlat statistika qo‘mitasi tomonidan YeXHTning O’zbekistondagi loyihalari koordinatori ko‘magida Open Data 6 Inventory (ODIN) xalqaro ochiq ma’lumotlar reytingini olib boruvchi Open Data Watch tashkiloti vakili Jemison Krouell bilan mamlakatimizda ochiq ma’lumotlar sohasini yanada rivojlantirish, ochiq ma’lumotlar sifatini baholovchi ODIN va boshqa reyting va indekslarda O’zbekiston Respublikasining o‘rnini yaxshilashga qaratilgan seminar-treninglar tashkil etildi. O’zbekiston Respublikasi Prezidentining 2021 yil 17 fevraldagi “Sun’iy intellekt texnologiyalarini jadal joriy etish uchun shart-sharoitlar yaratish chora- tadbirlari to‘g‘risida” PQ-4996-son qarori talablaridan kelib chiqib, mahalliy ilmiy tashkilotlar va oliy ta’lim muassasalari hamda axborot texnologiyalari sohasidagi dasturchilar va tashkilotlarga sun’iy intellekt asosidagi dasturiy ta’minotda foydalanish uchun davlat va boshqa ma’lumotlar to‘plamlarini olish imkoniyatini taqdim etuvchi raqamli ma’lumotlar platformasi yaratilib, mazkur platforma orqali veb-servisdan foydalangan holda ma’lumotlarni integratsiyalash imkoniyati yaratildi. 2021 yilning avgust oyida ma’lumotlar bilan ishlashda foydalanuvchilarga qulaylik yaratish maqsadida, vazirlik va idoralarning idoraviy axborot resurslarini integratsiya qilish hamda ochiq ma’lumotlar to‘plamiga taqdim etilgan geografik ob’ektlarga geolokatsiya axborotlarini joylashtirish imkoniyatlariga ega bo‘lgan O’zbekiston Respublikasining Ochiq ma’lumotlar portalini takomillishtirilgan, ilg‘or xalqaro amaliyotni hisobga olgan interfeysdagi yangi versiyasi ishga tushirildi va data. egov. uz manziliga joylashtirildi. Open Data Soft tomonidan ishlab chiqilgan 2600 dan ortiq ochiq ma’lumotlar portallarining to‘liq ro‘yxati hisoblangan Open Data Inception ma’lumotlariga ko‘ra jahon mamlakatlari orasida O’zbekiston 99 ta ochiq ma’lumotlar manbalari bilan ochiq ma’lumotlar manbalari soni mavjudligi bo‘yicha jahonda 5-o‘rinni egalladi. 2021-yil 26- noyabrdan 3- dekabrga qadar yurtimizda ochiq ma’lumotlar haftaligi – “Open data week Uzbekistan – 2021” bo‘lib o‘tdi. Davlat statistika qo‘mitasi huzuridagi Kadrlar malakasini oshirish va statistik tadqiqotlar institutida tizim xodimlarini qayta tayyorlash va malakasini oshirish dasturiga asosan 2021 yil yanvar-dekabr oylarida 9 ta o‘quv kurslarida 1199 nafar xodimlarning malakasi oshirildi Institut tomonidan hisobot davrida 10 ta mavzuda: “Kichik korxona va mikrofirmalarda iqtisodiy tarmoqlar kesimida (sanoat, savdo, qurilish, xizmat, transport) tanlanma kuzatuvlarni o‘tkazish tadqiqoti” mavzusida; 7 “Ishchi kuchi tanlanma kuzatuvini o‘tkazish bo‘yicha uslubiy nizom” mavzusida; “Xalqaro tashkilotlar tavsiyalari asosida aholi turmush darajasini ifodalovchi ko‘rsatkichlarni hisoblash hamda uy xo‘jaliklari tanlama kuzatuvini o‘tkazish uslubiyotini takomillashtirish” mavzusida; “Qurilish ishlari hajmini mavsumiy omillarni inobatga olgan holda xisoblash bo‘yicha takliflar ishlab chiqish” mavzusida; “Xizmatlar hajmini yanada to‘liqroq aks ettirish maqsadida xizmatlar sohasidagi yashirin sektor hajmini baholash bo‘yicha amaliy takliflar ishlab chiqish” mavzusida; “Iste’mol savatchasi va tirikchilik uchun eng kam miqdorning aniq qiymati va tarkibi bo‘yicha aholining qashshoqlik darajasi ko‘rsatkichlarini hisoblash metodologiyasini ishlab chiqish” mavzusida; “Fermer xo‘jaliklari faoliyatini tanlanma statistik kuzatuvlar usulida o‘rganish bo‘yicha uslubiy tavsiyalar (xalqaro tashkilotlar va xorijiy davlatlar tajribalarini inobatga olgan xolda)” mavzusida; “Ijtimoiy-iqtisodiy jarayonlarni aks ettirishda matematik, statistika va ekonometrika usullarini keng qo‘llash bo‘yicha uslubiy tavsiyalar” mavzusida; “Xalqaro tashkilotlar tavsiyalari asosida to‘yib ovqatlanmaslik tarqalishi ko‘rsatkichlarini aniqlashga uslubiy yondashuvlar” mavzusida; “Raqamli iqtisodiyotni rivojlantirishning statistik tahlilini takomillashtirishning nazariy-uslubiy jixatlari” mavzusida tadqiqot ishlari bajarildi va amaliyotga joriy etildi. “O’zbekiston statistik axborotnomasi” ilmiy-elektron jurnalining samarali faoliyati yo‘lga qo‘yilgan bo‘lib, mazkur jurnalda mamlakatimiz iqtisodiyoti va statistika sohasidagi dolzarb masalalarga bag‘ishlangan ilmiy maqolalar, tadqiqot va ishlanmalar natijalari e’lon qilib borilmoqda. 2021 yilda jurnalning 3 ta soni nashr etildi. Download 297.72 Kb. Do'stlaringiz bilan baham: 
|