Yosh anatomiyasi, fiziologiyasi va gigiyenasi

UNIVERSITY OF SCIENCE AND TECHNOLOGIES
KUNDUZGI BO‘LIM FAKULTETI


Boshlang`ich va maktabgacha ta’lim kafedrasi


YOSH ANATOMIYASI, FIZIOLOGIYASI VA GIGIYENASI
Fanidan
Amaliy mashg`ulotlar
Toshkent – 2022
SO`Z BOSHI

Yosh anatomiyasi, fiziologiyasi va gigiyenasi fani biologiyaning morfologik fanlari jumlasiga kiruvchi fundamental fanlardan biri hisoblanadi, bu fan odam organizmining shakli, tuzilishi va uning rivojlanishi jarayonlarini yoshga hos hususiyatlarini o`rgatadi.
Davlat ta’limi standartida bu fanni barcha pedagogik yo`nalishlar bo`yicha mutaxassis kadrlar-bakalavrlar tayyorlash maqsadida, o`qitilishi ko`zda tutilgan. Shuni hisobga olib, mazkur ma`ruzalar matni ishchi dastur asosida pedagogik yo`nalishlar bakalavr talabalariga mo`ljallab tuzildi.
« Yosh anatomiyasi, fiziologiyasi va gigiyenasi » fanini o`qitishdan asosiy maqsad, pedagogik bakalavr darajasini olayotgan har bir talaba odam organizmini tuzilishi, va uning rivojlanishi jarayonlarini yoshga hos hususiyatlari to`g`risida chuqur bilimga ega bo`lishi shart.
Amaliy mashg`ulotda ishchi dasturga kiritilgan 7 ta mavzularning barchasi rejalar asosida to`liq yoritib berilgan. Bundan tashqari har bir mavzu so`ngida nazorat uchun savollar va tayanch iboralar berilgan.


1- Amaliy mashg`ulot
MAVZU: Bolalarda jismoniy o`sish va rivojlanish ko`rsatkichlarini aniqlash. Tayanch harakat sistemasi. muskullarning tuzilishi va funksiyasi
Reja:


1.Samotoskop ko`rsatkichlar
2.Umurtqaning pog`anasining tuzilishi
3.Qo`l va elka-kamar, oyoq tos kamari suyaklarining tuzilishini o`rganish.
4.Gavda muskullari.
5.Orqa, ko`krak va qorin muskullarini o`rganish
6.qo`l oyoq muskullarining tuzilishi


O’QUVCHILAR JISMONIY RIVOJLANISHINI GIGIYENIK BAHOLASH


Ishdan maqsad: Antropometrik ko’rsatkichlarini tekshirish usullarini o’rganish va olingan natijalar asosida o’quvchilar rivojlanganligini gigienik baholash.