Yulduzli tunlar: roman / Pirimqul Qodirov

ABDULLA QAHHOR
«Muhabbat»
84x108 1/32, 248 bet, yumshoq muqova
Abdulla Qahhorning ilk hikoyalar to‘plami 1932-yil-
da chop etilgan. Bugungacha bo‘lgan davr mobaynida 
o‘zbek adabiyotida, jumladan, hikoyanavislikda juda 
ko‘p asarlar yaratildi. Sara hikoyalar, deya e’tirof etil-
gan bir qancha ijod namunalari o‘quvchilar hukmiga 
havola etildi. Ammo Abdulla Qahhor hikoya lari yillar 
chig‘irig‘ini pisand etmay, hamon sevib o‘qiladi.
Adib qahramonlari o‘quvchi uchun qadrdon va 
ardoqli. Mutolaadan keyingi tanaffusda Unsin uchun 
qay g‘uramiz, Turobjonning xotiniga anor ilinamiz, Qo-
bil boboga taskin bergimiz keladi, ming bir jonli Mas-
tura va uning vafodor eri Akromjonga havas qilamiz. 
Sodda va kamtar insonlar sizni suhbatga chorlaydi. 
Beixtiyor yana mutolaaga shoshilasiz. Abdulla Qahhor 
hikoyalarida ana shunday ohanrabo bor...
ALBER KAMYU
«Begona»
84x108 1/32 476 bet, qattiq muqova
Alber Kamyu – XX asrning fransuz adabiyotining 
yirik namoyandalaridan biri, adabiyot bo‘yicha Nobel 
mukofotining sohibi, mohir adib, dramaturg, faylasuf, 
«Tubanlashuv», «Vabo», «Sifiz haqida asotir», «Kaligula», 

---

«Asotir va qiyofa», «Isyonkor odam», «Begona» kabi asarlar 
muallifi.
A.Kamyu o‘z asarlarida Ikkinchi jahon urushi 
dahshati oqibatida paydo bo‘lgan insoniy taqdirning 
absurd hissiyotlarini kuylaydi.
Alber Kamyuning «Vabo» va «Begona» asarlari Ah-
mad A’zam tomonidan mohirona tarjima qilingan. 
«Hikmatlar», «Yon daftarchalar» asarlari esa I.Bek 
tomonidan o‘zbek tiliga o‘girilgan.
Asar keng kitobxonlar ommasiga mo‘ljallangan.
FYODOR DOSTOYEVSKIY
«Jinoyat va jazo»
84x108 1/32 876 bet, qattiq muqova
Jahon va o‘zbek adabiyotining durdona asarlaridan 
tarkib topgan «Kamolot kutubxonasi» rukni bu gal 
atoqli rus yozuvchisi Fyodor Dostoevskiyning «Jinoyat 
va jazo» romanini taqdim etadi.
«Kambag‘allik ayb emas, biroq yo‘qchilik – illat. 
Birinchisida inson tug‘ma olijanob fazilatlarni saqlab 
qola oladi, ammo yo‘qchilikda ularni hech qachon va 
hech kim saqlab qola olmaydi», asardagi personajlari-
dan biri bosh qahramonga bu gapni hayotiy misollar 
asosida izohlab beradi. Universitetning sobiq talabasi 
bo‘lgan Raskolnikov esa bu gapdan tegishli xulosa 
chiqara olmaydi. Natijada, yo‘qchilikdan qutulish, 
tezda boyib ketish va yuqori mavqega ega bo‘lish 
maq sadida aql bovar qilmaydigan jinoyat sodir qiladi. 
Fojiali jihati – qahramon o‘z jinoyatini oqlaydi. Ammo 
hayot qonunlari adolatli – jinoyatni jazosiz qolishiga 
imkon bermaydi. Ruhiy jazo jinoyatchini o‘z aybiga 
iqror bo‘lishga majbur etadi. 
Romanda shu mudhish qotillikning uzluksiz 
uqubatlari bilan birga go‘zal muhabbat tasviri ham 
borki, u kitobxon qalbini beixtiyor junbishga keltiradi.

---