Yurak tomir kasalliklari; Qon bosimi

Muvaffaqiyatsiz qorincha taxikardiyasi
Taxikardiyaning qisqa epizodlari ba'zan shunday bo'ladi o'z-o'zidan tugaydi. Noqulay qorincha taxikardiyasida o'ttiz soniyadan kamroq vaqt ichida pasayib ketadigan ketma-ket impulslar to'plami paydo bo'ladi. Agar yurak kasalligi bo'lsa, u odatda yomon prognoz bilan bog'liq bo'lib, uni nazorat qilish va davolashni oldini olish kerak. To'satdan o'lim ehtimoli bor.
Ventrikulyar fibrilatsiya
Bu hayot uchun xavfli taxikardiya turi, tez-tez bo'lib, uning davomida ong yo'qoladi. Yurak urishi belgilangan chastotani namoyish etishni to'xtatadi, samarali chastotaga ega emas, aksincha, organ tartibsiz tartibda, har xil intensivlikda va zarbalar orasidagi o'zgaruvchan vaqtinchalik ajralib turadi.

Stenokardiya (yun. stenos — tor, qisqa va kardia — yurak), yurak qisish i — yurak ishemik kasalligining keng tarqalgan shakli; koʻkrak sohasida toʻsatdan paydo boʻladigan gʻijimlovchi ogʻriq S.ning asosiy belgisidir. S.da ogʻriq toʻsh orqasida boʻlib, koʻpincha toʻsh suyagidan chaproqda — yurak sohasida ham sezilishi mumkin. Toʻsatdan tutgan ogʻriq bir necha min.dan yarim soatgacha davom etib, chap qoʻlga, kurakka, yelka va boʻyinga, baʼzan esa oʻng tomonga, orqaga, oʻng qoʻlga tarqalishi mumkin. Koʻpincha ogʻriq xuruji oʻlim vahimasi bilan kechadi^[1].
S. xurujiga aterosklerozyaa yurak toj tomirlarining torayishi va qisilishi (spazmi) oqibatida yurak muskullarining qon bilan yetarli taʼminlanmasligi sabab boʻladi. Bu avval nisbiy harakterda boʻlib, faqat jismoniy mashgʻulot paytida (yurak muskullarining oziq moddalar va kislorodga ehtiyoji oshganda) kuzatiladi. Zoʻriqish S. si deb ataladigan bu xolatda ogʻriq xuruji koʻpincha tez yurganda, balandlikka koʻtarilganda yuz beradi va, odatda, bemor harakatdan toʻxtaganda oʻtib ketadi. Harakat davom ettirilsa, ogʻriq qayta paydo boʻlishi mumkin va bemor har 100—200 qadamdan keyin toʻxtashga majbur boʻladi. Ayrim hollarda zoʻriqish S.si hayajonlanganda, shuningdek, chekkanda, spirtli ichimliklar ichganda, toʻyib ovqatlanganda yuz berishi mumkin. Keyinchalik kasallik zoʻrayishi natijasida ogʻriq xurujlari organizmning tinch xolatida (tinch holatdagi S.) ham paydo boʻladi. Tinch holatdagi S koʻpincha kechasi, odam uxlab yotganda roʻy beradi. S. xuruji 1—2 min. davom etib, nitroglitserin shimilganda oʻtib ketadi. Ayrim hollarda S. ning ogʻir xuruji yarim soatdan koʻproq davom etib, nitroglitserin foyda bermasligi va miokard infarqti kuzatilishi mumkin.
Koʻkrak qafasining chap tomonidagi har qanday ogʻriq S.ga xos boʻlavermaydi. Nevroz, yurak poroklari, umurtqa pogʻonasining boʻyinkoʻkrak boʻlimi kasalliklari va h.k. da ham S. dagidek ogʻriq boʻlishi mumkin. Shuning uchun koʻkrak sohasidagi ogʻriq bilan kechadigan kasalliklarga faqat vrach tekshirgandan keyingina diagnoz qoʻyilishi kerak.
S. xurujining oldini olish maqsadida jismoniy harakat qilmaslik (mas, tez yurmaslik, balandlikka koʻtarilmaslik, hayajonlantiruvchi manzaralarga qaramaslik va boshqalar), asablarni toliqtirmaslik lozim, butunlay yotib olmaslik ham kerak; oz-ozdan jismoniy mehnat qilish, ogʻriq boʻlmasa, koʻproq shugʻullanish mumkin. Davo fizkulturasi bemorning umumiy holatini yaxshilaydi. Ovqatni oz miqdorda, lekin dambadam yeb turish kerak (yana qarang Yuraktomir sistemasi).