Юридик хизмат ходими кутубхонаси меҳнат муносабатларига оид ҳужжатлардан намуналар

Ходимлар сони ёки штати қисқартирилган тақдирда меҳнат шартномасини бекор қилиш


Б У Й Р У Қ

201__ й. «__» _______

____-сон

_______________ш.

Меҳнат шартномасини бекор қилиш тўғрисида
1. (Ф.И.Ш.) ишлаб чиқариш устаси билан тузилган меҳнат шартномаси штатлар қисқарганлиги ва таклиф этилган вазифада ишлашдан бош тортганлиги сабабли, 201_ йил __ _____дан 2 ойлик ўртача иш ҳақи тўлаш шарти билан бекор қилинсин
2. Бош бухгалтер (Ф.И.Ш.) га: тегишли тўловларни амалга оширсин.


Асос: Штатлар жадвалидаги ўзгаришлар рўйхати, ЎзР МК нинг
100-модда 2-қисмининг 1-банди, касаба уюшмаси қўмитасининг ходим билан тузилган меҳнат шартномасини бекор қилишга розилик бериш ҳақидаги 201_ йил __ _____даги __-сонли баённомаси.

Ташкилот раҳбари	_____________ (имзо)	_______________ (Ф.И.Ш..)
Буйруқ билан танишдим	_____________ (ходим имзоси)	_______________ (Ф.И.Ш..)

---------------------------------------------------------------------------------------------------------------------
*Эслатма: Одатда ходимлар сони ёки штатнинг қисқарганлиги қуйидаги ҳужжатлар асосида тасдиқланади:
А) меҳнат бўйича режалар;
Б) корхона ҳамда юқори идора раҳбарларинингбуйруқлари;
В) янги тузилган шталар жадваллари;
Г) иш ҳақи фондининг ўзгариши(камайтириш) ҳақидаги ҳужжатлар;
Д) муаййян касб ва мутахассисликдаги ходимлар сони ўзгаришига сабаб бўладиган,корхонанинг иш характерини ўзгартириш ҳақидаги ҳужжатлар.
Меҳнат шартномаси ҳақиқатда иш ҳажми қисқартирилган тақдирда, шунингдек турли техникавий ва ташкилий шаклдаги тадбирлар ўтказилганда ҳам, агар бу нарса ходимлар сонининг қисқаришига олиб келса, ушбу асос бўйича бекор қилинади.
Ўрни бўшаган лавозимга бошқа кишининг қабул қилиниши ҳақиқатда штатлар қисқартирилмаганлигини кўрсатиб, ишдан ғайриқонуний бўшатилган ходимни ўз ишига қайта тиклаш учун асос бўлади.
Ходимни ушбу асосга биноан ишдан бўшатишга, агар унинг розилиги билан бошқа ишга ўтказиш имконияти бўлмаса, икки ойлик ўртача иш ҳақи (шу жумладан бир ойлик ишдан бўшаш нафақаси) сақланган ҳолда йўл қўйилади.


Қўшимча маълумот учун қаранг: Ўзбекистон Республикаси Олий суди Пленумининг 1998 йил 17 апрелдаги 12-сонли «Судлар томонидан меҳнат шартномаси (контракти)ни бекор қилишни тартибга солувчи қонунларнинг қўлланилиши ҳақида»ги қарорининг23, 24, 26, 27 ва 42-бандлари.
«Давлат ижтимоий суғуртаси бўйича нафақалар тайинлаш ва тўлаш тартиби тўғрисида»ги низомнинг 107 ва 108-бандлари (рўйхат рақами: 1136, 08.05.2002 й.) ва «Меҳнат органларида фуқароларни рўйхатга олиш, уларни ишга жойлаштириш, ишсизлик нафақасини тайинлаш ва тўлаш тартиби тўғрисида»ги низом (рўйхат № 831, 13.11.1999 й.).