Zamonaviy genetika morfologik, fiziologik va biokimyoviy jihatdan zamonaviy tibbiyotning nazariy poydevori hisoblanadi

Shariatda… 

ShAYX  ABDULAZIZ  MANSUR,  O‘zbekiston  musulmonlari  idorasi  raisining 

o‘rinbosari:  —  Qur‘oni  karimda  Alloh  taolo  oila,  nikoh  va  taloq  masalalarini 

bayon  etib,  mahram  va  nomahram  kim  ekanini  birma-bir  zikr  etgan.  Jumladan, 

«Niso»  surasining  22-23-oyatlarida  shunday  deyiladi:  «Otalaringiz  uylangan 

xotinlarni  nikohingizga  olmang.  Magar  ilgari  o‘tgan  bo‘lsa  (ular  kechiriladi). 

Albatta,  bu  qabih,  jirkanch  va  yomon  yo‘ldir.  Sizlarga  (nikohi)  harom  qilingan 

(ayollar) 

bu 

—  onalaringiz,  qizlaringiz,  opa-singillaringiz,  ammalaringiz, 

xolalaringiz,  aka-ukalaringizning  qizlari,  opa-singillaringizning  qizlari,  emizgan 

«ona»  laringiz,  emishgan  «opa-singil»  laringiz,  qaynonalaringiz,  jinsiy  yaqinlikda 

bo‘lgan  xotinlaringizning  qaramog`ida  bo‘lgan  qizlari  —  jinsiy  yaqinlikda 

bo‘lmagan  bo‘lsangiz,  sizlarga  gunoh  bo‘lmas  —  yana,  o‘z  pushti  kamaringizdan 

bo‘lgan  o‘g`illaringizning  xotinlaridir.  Ikki  opa-singilni  qo‘shib  (nikohlab) 

olishingiz    (ham  harom  qilindi).  Magar  ilgari  o‘tgan  bo‘lsa  (Alloh  afv  etar). 

Albatta, Alloh  mag`firatli  va marhamatli  zotdir». 

Payg`ambarimiz  Muhammad  (s.a.v)  ham  o‘z  hadisi  shariflarida  kimlar 

o‘rtasida nikoh joiz  bo‘lmasligini  bayon etganlar. 

 Jumladan: 

1.  «Nasab  jihatidan  kimlar  bir-biriga  nikohlanishi  taqiqlangan  bo‘lsa, 

emikdoshlar  o‘rtasida ham nikoh joiz  emas» (Buxoriy rivoyati). 

2.  «Hech  bir  ayol  o‘z  ammasi  yoki  xolasi  ustiga  nikohlanmaydi».  (Buxoriy 

va Muslim  rivoyati). 

3.  «Hech  bir  ayol  o‘z  ammasi,  xolasi,  aka-ukalarining  qizlari,  opa-

singillarining  qizlari  ustiga  nikohlanmasin.  Agar  nikohlansalar,  qarindoshlar 

o‘rtasidagi  silai  rahmni  (qarindoshlik  rishtasini)  uzgan  bo‘ladilar»  (Buxoriy 

va Muslim  rivoyati). 

---

O‘rtalarida  nikoh  joiz  bo‘lmaydigan  holat  ikki  xil  bo‘ladi:  abadiy  va 

muvaqqat.  Abadiy  nojoiz  hisoblangan  nikoh  bu  —  nasab  tufayli  mahramlar  — 

erkak  kishining  o‘z  qizi,  o‘g`lining  qizi,  qizining  qizi  va  ularning  zurriyodi,  yana 

onasi,  momosi,  onasining  onasi,  otasining  onasi  va  hokazo  —  eng  yuqorigacha. 

Shuningdek,  opa-singillari,  ota  bir  opa-singillari,  ona  bir  opa-singillari,  opa-

singillarining  qizlari,  qiz  nabiralari,  o‘g`illarining  qizlari,  aka-ukalarining  qizlari, 

ularning  zurriyodidan  bo‘lgan  qizlar.  Amma,  xolalar  ham  abadiy  mahram 

hisoblanadi. Bular  abadiy mahramligicha  qoladi. 

Qudachilik  tufayli  mahram  bo‘lib  qolish  ikki  xil  —  abadiy  va  muvaqqat. 

Abadiylari  —  qaynona,  ota  va  bobolarning xotinlari, o‘z pushti kamaridan bo‘lgan 

o‘g`illarining  xotinlari,  xotinining  qizlari  va  nabira  qizlari.  Muvaqqat  nojoiz  nikoh 

bu  —  xotinining  opa-singillari,  uning  amma-xolalari  bilan  bo‘ladigan  nikohdir. 

Bunda  opa-singildan  biri  taloq  qilinsa  yoki  vafot  etsa,  ikkinchisiga  nikohlanish  joiz 

bo‘ladi.  Shuningdek,  xotinidan  ajrashgan  er  uning  ammasi  yoki  xolasiga  uylanishi 

mumkin.  Emizgan  ayol  emgan  bolasiga  nisbatan  tuqqan  onasi  kabi  barcha  uzoq-

yaqin  qarindoshlari  bilan  birga  xesh  bo‘lib  qoladi.  Lekin  emizgan  onaning 

farzandlari  emgan  bolaning  boshqa  tug`ishgan  aka-uka  va  opa-singillariga  begona 

hisoblanadi.  Demak,  islom  dini  ta‘limotiga  ko‘ra,  qarindoshlarning  barchasi  emas, 

balki  oyat va hadislarda  aniq ko‘rsatilganlari  bilan  turmush qurish joiz  emas.