Ўзбекистон республикаси адлия вазирлиги тошкент давлат юридик институти

ЎЗБЕКИСТОН РЕСПУБЛИКАСИ АДЛИЯ ВАЗИРЛИГИ

ТОШКЕНТ ДАВЛАТ ЮРИДИК ИНСТИТУТИ

ПЕДАГОГИКА. ПСИХОЛОГИЯ
(Маърузалар матни)
Тузувчи: Г.Гулямова, филология
фанлари номзоди, доцент
С.Чиниева, педагогика фанлари номзоди

“Ўзбек тили” кафедрасининг 2010 йил

26 августдаги йиғилишида муҳокама
қилинган ва мажлиснинг 1-баённомаси
билан тасдиқланган

Тошкент - 2010

ПЕДАГОГИКА. ПСИХОЛОГИЯ (2-курс)


1-МАВЗУ: Педагогиканинг предмети, мақсад ва вазифалари


1. Жамият ва олам ривожида педагогиканинг аҳамияти
2. Жамият ва оламнинг гармоник мувозанатида инсон омили.
3. Педагогиканинг объекти ва предметининг такомиллашганлиги.
4.Педагогиканинг мақсад, вазифалари ва асосий тушунчалари (категориялари).
5. Миллий ғоя ва миллий мафкурани шакллантиришда педагогиканинг тутган ўрни.
Ўзбекистон Республикасининг «Таълим тўғрисида»ги қонунида (1997 й.) таълимнинг давлатимиз ижтимоий тараққиёти соҳасида устувор деб эълон қилиниши педагогика фани зиммасига жуда катта масъулиятли улуғвор вазифаларни юклади. Жуда бой илмий, маънавий, маданий, диний меросимизни қайта тикланиб, уларни замон руҳи талаби билан уйғунлашгириб фақат шахсий, миллий манфаат касб этилиб қолмасдан умумжаҳон маънавий, ижтимоий-иқтисодий тараққиётга улкан ҳисса бўлиб қўшилмоқда. Чунки жаҳонда ҳали хорижий давлатчилик бозор иқтисодиётига ўтиш тажрибаларида маънавият ижтимоий-иқтисодий тараққиёт билан уйғун ҳолда ривожлантирилмаяпти. Президентимиз маънавиятни ақл, ахлоқ, онгли амалий фаолиятда шаклланиб ривожланиши ҳақида гапириб,"Маънавият - тақдирнинг эҳсони эмас. Маънавият инсон қалбида камол топиши учун у қалбан ва виждонан ақл ва қўл билан меҳнат қилиши керак", деган эдилар. Маънавият инсонда шаклланиши лозим бўлган ақлий, ахлоқий, интеллектуал, амалий, жисмоний сифатлар мажмуаси бўлиши билан бир қаторда оламнинг руҳий энергетик, ботиний қуввати билан ҳам уйғундир. Буни Президентимиз ўзларининг