6. Ba’zi umumiy qoidalar. Rim yuristlari o’z mulohazalarida masalaning amaliy tomoniga e’tiborni kuchaytirib, uning nazariy tomonini ikkinchi darajali deb bilganlar. Ammo shu bilan birga ular sudlar va advokatlar uchun yo’l-yo’riqlar, harakat qoidalarini ishlab chiqishlari lozim bo’lgan. Ular, xususan quyidagilardir: “Sud qarori sudning barcha a’zolari yoki ko’pchiligi tomonidan qabul qilinishi lozim”. “Agar aksi isbotlanmagan bo’lsa, ul kishi insofli, aybsiz hisoblanadi”, “Agar vasiyatnomada biror narsa xato yoki chalkash yozilgan bo’lsa, unda vasiyat qiluvchining umumiy xohishi hisobga olinib, ushbu nuqtai nazardan talqin etilishi kerak”, “Aybsiz kishini jazoga mahkum etgandan ko’ra, aybdorni jazosiz qoldirgan yaxshi”, “qonunni chetlab o’tish va qonun ruhiga qarshi harakat huquqqa xilof harakat hisoblanadi” va h. k.
Do'stlaringiz bilan baham: |
