Њзбекистон республикаси адлия вазирлиги

2-§. Kognatlar va agnatlar

“Familiya” (familia) degan rimcha so’zning birinchi ma’nosi uy xo’jaligini anglatgan. Keyinchalik uy xo’jaligiga ashyolarning, buyumlarning egalari, ya’ni kishilar ham qo’shila boshlagan. Otadan tarqagan qarindoshlar, farzandlar, shuningdek, ular bilan teng huquqli hisoblangan farzandlikka olingan bolalar ham agnatlar deb hisoblangan.

Ona tomondan qarindoshlar “kognat”lar deb atalgan. Bunga, avvalo, turmushga chiqish natijasida boshqa oilaga o’tib ketgan qizlar, akalarning singillari kiritilgan.

Shunday qilib, otadan keyin o’g’il barcha huquqlarni olgan, qiz esa boshqa oilaga o’tib, erining yoki qaynotasining ixtiyoriga (hukmiga) tushib qolgan. Bunda faqat ma’naviy qarindoshlik munosabatlari saqlanib qolgan, xolos. Biroq u hech qanday huquqiy ahamiyatga ega bo’lmagan.