Ўзбекистон республикаси халқ таълими вазирлиги олий ва ўрта махсус таълими вазирлиги

III. УМУМТАЪЛИМ МАКТАБЛАРИНИНГ 5-9 СИНФ ХОНАЛАРИ
1. 5-9 синф хоналардаги ўқув жиҳозларини жойлашиши тартиби:
1.1. Ўқув хонаси техник хужжатларининг мослик сертификати ва санитария-гигиена сертификати бўлган, Давлат меъёрларига мос махсус мебеллар комплекти билан жиҳозланган бўлиши шарт.
Хонада:

• 
  ўқитувчи иш жойини ташкил этувчи;
  
• 
  ўқувчи иш жойини ташкил этувчи;
  
• 
  ўқув қуроллари ва кўргазмали қуролларни сақлаш имконини берувчи;
  
• 
  техник воситаларини сақловчи мебел ва жиҳозлар бўлиши лозим.
  

1.2. Синф хонасининг ўринлари амалдаги меъёрларга мос бўлиши лозим.
1.3. Фан хонаси учун 1 ёки 3 табақали синф доскаси билан таъминланиши ва у синфнинг олд томонига полдан 80 см баландликда ўрнатилиши лозим.
1.4. Ўқитувчи учун икки тумбали стол ўлчамлари узунлиги камида 1400мм, кенглиги камида 700мм, баландлиги 760мм бўлиши ҳамда стол синф доскасидан 1,2 м узоқликда жойлашган бўлиши лозим.
1.5. 5-9 синф учун 5 ва 6-рақамли ўқувчилари столи (1 та стол, 2 та стул) билан таъминланиши лозим. Мактабнинг фан хоналарида 5 ва 6-рақамли ўқувчи столлари кетма-кетликда 3 қаторда жойлаштирилади. Жумладан, мактабнинг ўқувчи ўрнидан келиб чиққан ҳолда олд қаторларда 5-рақамли, кейинги қаторларда эса 6-рақамли ўқувчи столлари жойлаштирилади.
1.6. Ўқувчилар столининг қатор оралиғи 60 смдан, ўқувчи столининг кетма-кетлик оралиғи эса 70 смдан кам бўлмаслиги лозим. Ўқувчилар столлари девордан эса 60 см узоқликда жойлаштирилади.
1.7. Фан хонасида энг камида 2 та жавонлар бўлиши лозим. Жавонлар синф хонасининг орқа томонига жойлаштирилади ҳамда синфда кийим илиш учун жавонлар ёки махсус мосламалар (вешалка) бўлиши тавсия этилади.
1.8. 5-9 синф учун ажратилган синф хонаси маълум бир предмет йўналишида белгиланган фан хонаси ҳисобланади. Белгиланган предмет йўналиши бўйича синф хонаси ва жавонлар жиҳозланади.
1.9. 5-9 синфга ажратилган фан хонаси олд томони ва дераза ойналарининг қарама-қарши томонида предмет мазмунини очиб берувчи ўқув кўргазмали материаллар билан жиҳозланиши, синф хонасининг орқа девори мазкур фанинг ривожланишига ҳисса қўшган йирик олимлар, файласуфлар, шоирлар, муттафакирлар (3-5 та) портрети ва уларнинг фаолиятига доир қисқача тариф берилган бўлиши тавсия этилади.
1.10. Фан хонасидаги барча жиҳозларнинг ўз белгиланган ўрнига жойлаштирилиши, сақланиши, самарали фойдаланиш учун хизмат қилиш зарур.