1. O’quvchilarning darslikdagi o’tilgan paragraf mazmunini gapirib
berishga tayyorlanishlari. Topshiriqning bu turi VI – VII sinflarda asosiy
topshiriq hisoblanadi, chunki bu sinflarda o’quvchilarning tarixiy materialni
tegishli dalil – isbotlar bilan bir boshdan silliq va ravon gapirib berish malakasi
hali birmuncha bo’sh bo’ladi. Darslik mavzusi yuzasidan reja tuzish materialni
bir boshdan silliq va ravon gapirib berishga yordam beradi.
2. Dars yoki butun mavzuning mazmuniga doir savollarga javob
qaytarish. O’quvchilarning uyda tayyorlanishlari uchun darslikdagi savollar
orasidan: sinfda tahlil qilib chiqilgan, uyda yanada chuqurroq o’ylab javob
qaytarish lozim bo’lgan eng murakkab savollarni, shuningdek, darsda o’rtaga
qo’yilmagan bo’lsa ham, lekin o’quvchilar mustaqil ravishda javob qaytara
oladigan savollarni tanlab olish kerak. Bundan tashqari, o’qituvchining o’zi
qo’shimcha savollar tuzadi.
Do'stlaringiz bilan baham: |