Ўзбекистон республикаси ички ишлар вазирлиги а к а д е м и я

3.3. 
Ўзбекистон Республикасининг ахборот ресурслари 
2007 йил июл ойига келиб «.uz» доменида 4,5 мингдан ортиқ веб-
сайтлар вужудга келди, яъни республикамизнинг ҳар 100 минг аҳолисига 18 
сайт тўғри келмоқда.
Илмий ва таълим тармоқ бўлган UzSciNet Ўзбекистон 
Республикасидаги илмий, таълим, тиббий муассасалар, нодавлат ва 
нотижорат ташкилотларининг Интернет тармоғига бепул киришларига; 
ахборот технологиялари сохасида мутахассислар тайёрлашга; Ўзбекистон 
Республикасининг илмий ва маданий янгиликлари ҳақидаги ахборотларни 
тарқатишга имкон беради. 
Миллий қидирув тизими WWW.UZ келажакда Интернетнинг барча 
миллий тармоғи сегменти учун ахборотлардан руҳсат этилган 
фойдаланишнинг асосий механизми бўлиши керак. 
«
ZiyoNET» ижтимоий таълим ахборот тармоғи 2005 йили яратилган. 
ZiyoNET («ziyo» ўзбек тилида «маориф» деган сўзни англатади) – бу ягона 
ахборот – ресурс майдонига эга бўлган ижтимоий таълим ахборот 
тармоғидир. У ўзида, ўқув-таълим, илмий, ёшлар ва болалар муассаса ва 
ташкилотлари учун ахборот материаллари ва ресурсларини жамлайди. 

---

73 
«
GOV.UZ» давлат ахборот ресурслари портали Internet глобал 
компьютер тармоғидаги асосий ва расмий давлат ахборот ресурси 
ҳисобланади. Бу ресурс Ўзбекистон Республикаси ҳукумати фаолияти ҳақида 
фуқаролар ва халқаро жамоатчиликка кенг маълумотлар бериш учун ҳамда 
давлат ҳокимияти ташкилоти ва бошқарувини ахборот ҳамкорлигини 
таъминлаш мақсадида яратилган. 
Ўзбекистон Республикаси қонунчилик миллий маълумотлар 
базасининг ахборот-қидирув тизими бўлган «LexUZ» аҳолининг ҳуқуқий 
маданияти даражасини юксалтириш, юридик ва жисмоний шахсларнинг 
ҳуқуқий-меъёрий ҳужжатларига киришни таъминлаш, жамиятни ҳуқуқий 
ахборотлаштириш тизимини такомиллаштириш мақсадида яратилган. 
Internetга жамоа бўлиб кириш пунктлари фаолиятини лицензиялаш 
тартибининг соддалаштирилиши ҳам уларнинг сонини ортишига олиб келди. 
Республикада жамоа бўлиб кириш пунктлариниг умумий сони 680 тани (2002 
йилнинг бошида 26 та) ташкил этади.