Чегаралари: Давлат чегарасининг умумий узунлиги 6 221 километрни ташкил этади. Жумладан, Афғонистон – 137 км, Қозоғистон – 2 203 км, Қирғизистон – 1 099 км, Тожикистон - 1 161 км ва Туркманистон билан – 1 621 км.
Релефи: Ўзбекистон ҳудудининг катта қисмини пасттекисликлар ташкил этади. Шулардан энг муҳими Турон пасттекислигидир. Мамлакат шарқи ва шимолий шарқида Тян-Шан ва Помир тоғ (мамлакатнинг энг юқори нуқтаси-Ҳазрати Султон чўққиси (4 643 м.) тизмалари жойлашган. Ўзбекистон ҳудуди марказида - Қизилқум чўли ястаниб ётади.
Пойтахти – Тошкент шаҳри
|
Интернет домени – UZ
|
Вақт минтақаси – +5
|
Халқаро телефон коди – + 998
|
Пул бирлиги – сўм (1994 йил 1 июль)
|
|
1 та суверен – Қорақалпоғистон Республикаси, Тошкент шаҳри ва 12 та вилоятдан ташкил топган
|
ЎЗБЕКИСТОН РЕСПУБЛИКАСИ КОНСТИТУЦИЯСИ
|
|
Конституция (лотинча “Constitution” – тузилиш, тузук) – давлатнинг Асосий қонуни. У давлат тузилишини, ҳокимият ва бошқарув органлари тизимини, уларнинг ваколати ҳамда шакллантирилиш тартиби, сайлов тизими, фуқароларнинг ҳуқуқ ва эркинликлари, жамият ва шахснинг ўзаро муносабатлари, шунингдек, суд тизимини ҳамда давлат ва жамиятнинг ўзаро муносабатларини белгилаб беради.
|
Ўзбекистон Республикаси Конституцияси 1992 йил 8 декабрда Ўзбекистон Республикаси Олий Кенгашининг XII чақириқ,XI сессиясида қабул қилинган.Муқаддима, 6 бўлим, 26 боб ҳамда 128 моддадан иборат. Ҳозирга қадар 15 маротаба ўзгартириш ва қўшимчалар киритилган.
|
Do'stlaringiz bilan baham: |
