Ўзбекистон республикаси мактабгача таълим вазирлиги

6) “Бурун-пол-шифт” ўйини. 
Йўриқнома: Болалар стулчаларига яқин туриб, педагог-психологнинг 
айтган ва кўрсатган вазифаларига бажарадилар. Бурун – деганда, болалар 
қўллари билан бурунларини, пол – деганда, полни кўрсатадилар, шифт – 
деганда, кўлларини тепага кўтариб, кафтларини қимирлатадилар. Педагог-
психолог вазифаларни болалар билан биргаликда бажаради, шунигдек, атайлаб 
хато айтади. Болалар педагог-психолог айтган вазифаларни бажаришлари керак 
бўлади. 
7) “Намунадагидек йиғинг” машқи. 
Йўриқнома: 
Педагог-психолог 
аввалдан 
геометрик 
шаклларни 
тайёрлайди. Машғулотда болалар асосий шаклни йиғадилар. 
Эслатма: Педагог-психолог аввалдан тайёрлайди: 
биринчи: 4-иловадаги бир шаклни ҳар бир бола учун (чоп эттирган ҳолда) 
оддий оқ қоғозга (А5 листга) тайёрлайди; 
иккинчи: 4-иловадаги (иккисидан бирини) шаклни (масалан ўнгдаги 
квадратда 7та геометрик шакл бор) қирқиб тайёрлайди. 
8) Рефлексия. 
Йўриқнома: Болалар доира бўлиб туриб оладилар. Педагог-психолог ҳар 
бир болага тўпни ташлаб, бугунги машғулотдан қай бири уларга кўпроқ 
ёққанини сўрайди. Шунингдек, педагог-психолог: - болалар, бугунги 
машғулотимизда ким кўпроқ фаол бўлди! ...., у ҳолда келинглар уни олқишлаб 
қўяйлик. Кейинги машғулотларимизда ҳаммадан фаол бўлишини сўраб 
қоламан. Барчангиз зўр қатнишдинглар, раҳмат! 
 
 

---

33 
11-МАШҒУЛОТ. 
Машғулот мақсади: ихтиёрий (актив) диққатни, моторикани (йирик ва 
майда) фазовий тасаввурларни ривожлантириш, сўз бойлигини ошириш. 
1) “Гуллар” машқ-ўйини. 
Йўриқнома: болалар айлана бўлиб турадилар. Педагог-психолог тўпни 
биринчи болага ташлайди, у тўпни олиб, бирорта гул номини айтади ва тўпни 
педагог-психологга ташлайди. Кейин педагог-психолог тўпни кейинги болага 
ташлайди. Ўйин болаларга маълум бўлган барча “гуллар” айтилиб бўлгунга 
қадар давом этади.