Ўзбекистон республикаси мактабгача таълим вазирлиги

6) “Бойўғли” ўйини. 
Йўриқнома: Болалар орасидан ихтиёрий тартибда “Бойўғли” танланади. 
Бойўғли кечаси ухлаганда ҳамма болалар капалакларга айланиб, учиб 
юрадилар. Педагог-психолог: – “тун” деганда, капалаклар “қимирламаслик” 
керак, бойўғли уясидан учиб чиқади ва ким “қимирласа”, уни уясига олиб 
кетади, –“кун” деганда, – капалаклар яна ҳаракатланиши мумкин. 
7) Рефлексия. 
Йўриқнома: Болалар доира бўлиб туриб оладилар. Педагог-психолог ҳар 
бир болага тўпни ташлаб, бугунги машғулотдан қай бири уларга кўпроқ 
ёққанини сўрайди. Шунингдек, педагог-психолог: - болалар, бугунги 
машғулотимизда ким кўпроқ фаол бўлди! ...., у ҳолда келинглар уни олқишлаб 
қўяйлик. Кейинги машғулотларимизда ҳаммадан фаол бўлишини сўраб 
қоламан. Барчангиз зўр қатнишдинглар, раҳмат! 
 
9-МАШҒУЛОТ. 
Машғулот мақсади: ихтиёрий (актив) диққатни, моторикани (йирик ва 
майда) фазовий тасаввурларни ривожлантириш, сўз бойлигини ошириш. 
1) “Қушлар” машқ-ўйини. 

---

30 
Йўриқнома: болалар айлана бўлиб турадилар. Педагог-психолог тўпни 
биринчи болага ташлайди, у тўпни олиб, бирорта қуш номини айтади ва тўпни 
педагог-психологга ташлайди. Кейин педагог-психолог тўпни кейинги болага 
ташлайди. Ўйин болаларга маълум бўлган барча “қушлар” айтилиб бўлгунга 
қадар давом этади.
 
2) “Учади-учмайди” ўйини 
Йўриқнома: Болалар катталарнинг сўзларига мос равишда жавоб 
беришлари ва ҳаракатларни бажаришлари керак бўлади. 
Педагог-психолог: “Диққат болалар! Энди мен ким (нима) уча олишини 
ёки ким (нима) уча олмаслигини билиб оламиз. Мен сўрайман, сизлар (якка 
тартибда сўраш ҳам мумкин) тез жавоб берасиз. Агар мен бирор нима (ким) 
номини айтсам, масалан “ниначи уча оладими?”, сизлар “ҳа, уча олади” 
дейсизлар ва у қандай учишини кўрсатасизлар. Агар мен сиздан “улоқча 
учадими?” деб сўрасам, жим туринг ва қўлларингизни кўтарманг, келишдикми, 
демак бошладик”.