Ўзбекистон Республикаси Олий Суди Жиноят ишлари бўйича кассация инстанция Судлов ҳайъатига

Оқланган, фуқаровий давогар: К.А. Нормуминов
Ўзбекистон Республикаси Олий Суди Жиноят ишлари бўйича кассация инстанция Судлов ҳайъатига

Даъвогар: Нормуминов Камол Абдугаппарович 30.12.1980 йилда Сурхондарё вилоятида туғилган.

Манзилим: Жарқўрғон тумани, “Кунчиқиш” маҳалласида яшайман.

Тел:[phone]

Жавобгар: Сурхондарё вилояти Молия бошқармаси

Манзили: Термиз шаҳри Ат-Термизий майдони 2-уй

Тел:[phone]
КАССАЦИЯ ШИКОЯТИ
(Мажбурий прогул даври учун иш хақи (зиён миқдори)ни ундириш ҳақида)


ЖИБ Жарқўрғон туман судининг 07.11.2022 йилдаги ва Сурхондарё вилоят суди Жиноят ишлари буйича Аппелляция инстанцияси Судлов ҳайъатининг 12.12.2022 йилдаги менинг жавобгар Сурхондарё вилояти Молия бошқармасига нисбатан мажбурий прогул даврим учун иш ҳақини ундириш даъво аризамга асосан ажрим чиқарди.
Мен бу инстанция судларининг чиқарган ажримларидан қуйидагиларга асосан норозиман:
Мен 2010 йил 29 ноябрдан “Ўзбекнефтгаз” АЖ (“Жарқўрғоннефт”АЖ)да Ишлаб чиқариш технология бўлими бошлиғи лавозимида 03.09.2015 йилгача ишлаб келиб, МХХ Сурхондарё вилояти бошқармаси Тергов бўлими собиқ бошлиғи Н.Тўрақуловнинғ адолатсизлиги туфайли 14.07.2015 йилда қабул қилинган Жиноят ишлари бўйича Сурхондарё вилоят судининг ҳукмига асосан “Жарқўрғоннефт” АЖнинг 03.09.2015 йилдаги 84-К-сонли буйруғи асосида меҳнат шартномам бекор қилиниб эгаллаб турган лавозимимдан озод қилиб ишдан бўшатилганман.
МХХ Сурхондарё вилояти бошқармаси Тергов бўлими собиқ бошлиғи Н.Тўрақуловнинғ ўтказган тазйиқлари туфайли ЖИБ Сурхондарё вилоят судининг 14.07.2015 йилдаги хукмига кўра Ўз.Р.ЖКнинғ 167-моддаси 2-қисми “а,в,г” бандлари, 212-моддаси 3-қисми “г”-банди, 209-моддаси 1-қисми билан асоссиз равишда айбли деб топилиб, менга нисбатан ЖКнинг 45-моддасини қўллаб 3 йил муддатга мансабдорлик ва моддий жавобгарлик вазифасида ишлаш ҳуқуқидан махрум килиб, жарима жазоси тайинланган.
Қашқадарё вилоят суди ЖИБ Судлов ҳайъати кассация инстанциясининг 12.03.2021 йилдаги ажрими билан менга Ўзбекистон Республикаси ЖПКнинғ 83-моддаси 1-қисми қўлланилиб, оқланганман.
МХХ Сурхондарё вилояти бошкармаси Тергов бўлими собиқ бошлиғи Н.Тўрақуловнинғ ўтказган тазйиқлари туфайли ЖИБ Сурхондарё вилояти Музробод тумани судининг 23.02.2016 йилдаги ҳукмига кўра Ўз.Р.ЖКнинг 167-моддаси 3-қисми “а” банди, 209-моддаси 2-қисми “а” банди билан асоссиз равишда айбли деб топилиб, менга нисбатан ЖКнинг 45-моддасини қўллаб 2 йил 6 ой муддатга мансабдорлик ва моддий жавобгарлик вазифасида ишлаш ҳуқуқидан маҳрум қилиб, 9 йил муддатга озодликдан маҳрум қилиш жазоси тайинланган.
Самарқанд вилоят суди ЖИБ Судлов ҳайъати аппелляция инстанция судининг 25.10.2021 йилдаги ажрими билан менга нисбатан Ўзбекистон Республикаси ЖПКнинг 83-моддаси 1-қисми қўлланилиб, оқлов ҳукми чиқарилди.
Менга нисбатан чиқарилган Оқлов ҳукмларида менга етказилган мулкий, маънавий ва бошқа зиённи қоплаш оқибатлари Ўзбекистон Республикаси ЖПКнинг 304-313-моддаларида назарда тутилган тартибда даъво билан судга мурожаат қилиш ҳуқуқим борлиги тушунтирилган.
07.11.2022 йилда ЖИБ Жарқўрғон туман суди “Мулкий зиённи қоплаш хақида” ажрим чиқариб, мажбурий прогул учун менинг фойдамга 169 489 620 (бир юз олтмиш тўққиз миллион тўрт юз саксон тўққиз минг олти юз йигирма) сўм ундириш белгилаган бўлса, 12.12.2022 йилда Сурхондарё Вилоят Суди ЖИБ Аппелляция инстанцияси Судлов ҳайъати “Мулкий зиённи қоплаш хақида” ажрим чиқариб, мажбурий прогул учун менинг фойдамга 211 231 675 (икки юз ўн бир миллион икки юз ўн бир минг олти юз етмиш беш) сўм ундиришни белгилаган.
Яъни ЖИБ 1-инстанция Суди ажримида 2015 йил сентябр ойидан 2018 йил январ ойигача жазони ижро этИШ муассасасида жазони ўтаб келган вақтим учун иш ҳақимни ундириш, 2-инстанция Суди ажримида эса ЖИБ Қизириқ туман судининг 28.08.2018 йилдаги ажримига кўра ўталмай қолган жазодан шартли равишда озод қилинган давргача иш ҳақимни ундириш кўрсатилган.
Сурхондарё Вилоят Суди ЖИБ Аппелляция инстанция Судлов ҳайъатига суд жараёнида 1-инстанция судида мен билан судланган ва ҳозирги кунда оқланган, ўша даврда уларга нисбатан озодликдан маҳрум қилиш жазоси эмас, енгилроқ жазо тайинланган шахсларга мажбурий прогул учун Ўз.Р.ЖК нинг 45-моддасини қўллаб тайинланган жазо муддати тугагунча иш хақи тўлашга ажрим чиқариб, менга эса фақат ЖИЭМларда жазо ўтаган вақтим учун ажрим чиқарилганини айтдим.
Қолаверса Ўз.Р.ЖКнинг 45-моддасида муайян ҳуқуқдан маҳрум қилиш жазоси озодликдан маҳрум қилиш, интизомий қисмга жўнатиш жазосига қўшимча жазо тариқасида тайинланган бўлса, асосий жазонинг бутун муддатига, бундан ташқари суд ҳукми билан тайинланган муддатга жорий этилади. Бу жазо бошқа асосий жазоларга қўшимча жазо тариқасида тайинланганда ва маҳкум шартли ҳукм қилинганда унинг муддати ҳукм қонуний кучга кирган вақтдан бошлаб ҳисобланади деб кўрсатилган. Суд ҳукми билан тайинланган жазони фақат Суднинг чиқарган ҳукми ёки ажрими билан бекор қилиниши кераклигини, аммо менга нисбатан ЖИБ Шеробод туман судининг 04.01.2018 йилдаги Ўз.Р.ЖКнинг 74-моддасига асосан ўталмай қолган жазо муддатимни аҳлоқ тузатиш жазосига алмаштириш учун ва ЖИБ Қизириқ туман судининг 28.08.2018 йилдаги Ўз.Р.ЖКнинг 73-моддасига асосан ўталмай қолган жазодан шартли равишда озод қилиш учун чиқарган ажримларида менга Ўз.Р.ЖКнинг 45-моддасига асосан тайинланган жазодан озод этиш кўрсатилмаганлигини айтиб судларнинг ажримлари нусхасини ҳам тақдим қилдим ва адолатли қарор қабул қилишни сўрадим.
Ўзбекистон Республикаси ЖПКнинг 302-моддаси 1-қисмида; - “Реабилитация этилган шахс қонунга хилоф равишда ушлаб турилгани, эҳтиёт чораси сифатида қонунга хилоф равишда қамоқда сақлангани ёки уй қамоғига жойлаштирилгани, паспортининг (ҳаракатланиш ҳужжатининг) амал қилиши қонунга хилоф равишда тўхтатиб турилгани, ишда айбланувчи тариқасида иштирок этишга жалб қилингани туфайли вазифасидан қонунга хилоф равишда четлаштирилгани ёхуд тиббий муассасага қонунга хилоф равишда жойлаштирилгани натижасида унга етказилган мулкий зарарни ундириш ҳамда маънавий зиён оқибатлари бартараф этилишини талаб қилиш ҳуқуқига эга” деб белгиланган.
Ўзбекистон Республикаси ЖПКнинг 304-моддаси 1- ва 2-қисмида:
“Реабилитация этилган шахсга ушбу Кодекснинг 302 ва 303- моддаларида кўрсатилган қонунга хилоф ҳаракатлар билан етказилган мулкий зиён тўла ҳажмда қопланади.
Қуйидагилар қопланиши лозим бўлади:
1) реабилитация этилган шахс ўзига нисбатан содир этилган қонунга хилоф ҳаракатлар натижасида маҳрум бўлган иш ҳақи ва меҳнатдан топиладиган бошқа даромадлар;
2) пенсия ва нафақалар, башарти уларни тўлаш тўхтатиб қўйилган бўлса;
3) пуллар, пул жамғармалари ва уларга тўланадиган фоизлар, давлат заёми облигациялари ва уларга чиққан ютуқлар, акциялар ва бошқа қимматли қоғозлар, шунингдек суднинг ҳукми, ажримига (қарорига) асосан мусодара қилинган ёхуд давлат фойдасига ўтказилган ашёлар ёхуд бошқа мол- мулкнинг қиймати;
4) суриштирув, дастлабки тергов органлари ёки суд томонидан олинган ва йўқотилган мол-мулк қиймати;
5) суд ҳукмини ижро қилиш чоғида ундирилган жарималар ва суд чиқимлари;
6) юридик ёрдам кўрсатилиши учун шахс томонидан адвокатлар бюросига, ҳайъатига ёки фирмасига тўланган пул, шунингдек унга нисбатан содир этилган қонунга хилоф ҳаракатлар натижасида қилинган бошқа харажатлар” деб белгиланган.
Мен жазони ижро этиш муассасасидан келганимдан кейин ўз мутахассислигим бўйича ишга кириш учун ташкилотлар раҳбарларига иш сўраб борганимда ҳозирда бўш иш ўрни йўқлиги, бўлса ҳабар қилишини айтиб ишга қабул қилмади. Бунга асосий сабаб менинг қамалиб келганим эди. (Ёзма мурожаатимга жавоб хати нусхаси илова қилинади. 2 варақ 1 нусхада). 2015 йил 3-сентябр ноҳақ ишдан бўшатилган кундан 2022 йил феврал ойига қадар ишсиз юрганман. 25.10.2021 йил Самарқанд вилоят суди ЖИБ судлов ҳайъти томонидан оқланганимдан сўнг 2022 йил феврал ойидан ишга кирдим. (ЖИБ Жарқўрғон туман судига меҳнат дафтарчам нусҳаси тақдим қилинган).
“Жарқўрғоннефт” АЖнинг 03.09.2015 йилдаги 84-К буйруғи билан мени 11-тоифали Ишлаб чиқариш технология бўлими бошлиғи лавозимидан ишдан бўшатгандан сўнг архив маълумотномасига кўра, шу лавозимда ишлаган Кулманов Эшдавлат 2015 йил сентябр - 2016 йил ойларида ишлаб жами 21 751 518 сўм миқдорида иш ҳақи олган бўлса, 2016 йил феврал - 2020 йил сентябр ойларида Тангирқулов Бахтиёр жами 548 833 684 сўм миқдорида иш ҳақи олган. Яъни йиллар кесимида қуйидагича иш ҳақи олган;
2015 йил сентябр-2016 йил январ ойларида -21 751 518 сўм;
2016 йил феврал-2016 йил декабр ойларида -68 329 394 сўм;
2017 йилда 78 964 456 сўм;
2018 йилда 65 943 489 сўм;
2019 йилда 167 638 754 сўм;
2020 йил январ-сентябр ойларида -167 957 591 сўм/ 9 ой х 12 ой = 223
943 454 сўм;
Жами 2015 йил сентябр ойидан 2020 йил охиригача 626 571 065 сўм;
Бундан ташқари, яъни 2021 йил январ ойидан 2022 йил феврал ойига қадар ишсиз юрган прогул вақтим учун 626 571 065 / 64 ой ≈ ўртача 1 ойлик иш ҳақи 9 790 173 сўм;
9 790 173 х 13 = 127 272 249 сўм;
Жами бўлиб прогул вақтим учун: 626 571 065 сўм + 127 272 249 сўм = 753 843 314 сўм.
Агар ноҳақ ишдан бўшатилмаганимда 753 843 314 сўм миқдорида пулларни мен олган бўлишим керак эди. Аммо Сурхондарё вилоят суди Жиноят ишлари буйича Аппелляция инстанцияси Судлов ҳайъатининг 12.12.2022 йилдаги ажримига асосан менинг фойдамга 211 231 675 (икки юз ўн бир миллион икки юз ўн бир минг олти юз етмиш беш) сўм ундириш белгилади. Яъни 542 611 639 сўм кам ундириш учун ажрим чиқарди.


753 843 314 сўм - 211 231 675 сўм =542 611 639 сўм.


Ҳурматли судлов ҳайъати, Сизлардан


Юқоридагиларни инобатга олиб 07.11.2022 йилда ЖИБ Жарқўрғон туман суди ва Сурхондарё вилоят суди ЖИБ Аппелляция инстанцияси Судлов ҳайъатининг 12.12.2022 йилдаги Ўзбекистон Республикаси ЖПКнинг 306-307-модда талабларига зид равишда қонун талабини бузиб, менга мажбурий прогул учун зиён микдори (иш хақи)ни кам ҳисоблаб чиқарган “Мулкий зиённи қоплаш хақидаги” ажримларини бекор қилишни;
2. Тақдим қилинган ҳужжатлар асосида 2015 йил сентябрь ойидан 2022 йил феврал ойига қадар мажбурий прогулда юрган вақтимда иш хақи олмаганим сабабли кўрган моддий зарарни ҳисоблаб, мулкий зиённи қоплаш учун қолган пул тўловларини амалга ошириш тўғрисида ажрим чиқаришни сўрайман.
Илова: 1. «Жарқўрғоннефт» АЖнинг 03.09.2015 йилдаги 84-К сонли буйруғи нусхаси.
2. Мен ишлаган лавозимни мажбурий прогул давримда эгаллаб келган шахсларнинг иш хақи тўғрисидаги архив маълумотномалари.
3. Жиноят ишлари бўйича Сурхондарё вилоят судининг 2015 йил 14 июл кунидаги ҳукми нусхаси.
4. Қашқадарё вилоят суди Жиноят ишлар бўйича судлов хайъати кассация инстанциясининг 2021 йил 12 март кунидаги оқлов ажрими нусхаси.
5. Жиноят ишлари буйича Музробод туман судининг 23.02.2016 йилдаги хукми нусхаси.
6. Самарқанд вилоят суди Жиноят ишлари бўйича судлов хайъати Апелляция инстанция судининг 25.10.2021 йилдаги оқлов ажрими нусхаси.
7. 09.09.2020 йилдаги «Жарқўрғоннефт» АЖни «Ўзбекнефтгаз»АЖ таркибига кўшиб юбориш ҳақидаги шартнома нусхаси.
8. ЖИБ Жарқўрғон туман судининг 07.11.2022 йилдаги “Мулкий зиённи қоплаш хақида”ги ажримлари нусхаси.
9. Сурхондарё вилоят суди ЖИБ Аппелляция инстанцияси Судлов ҳайъатининг 12.12.2022 йилдаги “Мулкий зиённи қоплаш хақида”ги ажрими нусхаси.


Оқланган, фуқаровий давогар: К.А. Нормуминов