Ўзбекистон Республикаси Олий ва ўрта махсус таълим вазирлиги Андижон давлат университети

DS МадКарим2

Ўзбекистон Республикаси Олий ва ўрта махсус таълим вазирлиги

Андижон давлат университети

Хорижий тиллар факультети

Қўлёзма ҳуқуқида

Каримова Мадина


Инглиз ва ўзбек тиларидаги фразеологик бирикмаларнинг
контекстуал маъно хусусиятлари ва таржима масалалари

Maгистратура мутахассислиги: 5A111401 Xoрижий тиллар (инглиз тили)

Филология магистри академик даражасини олиш учун тайёрланган диссертация

Илмий раҳбар –

филология фанлари номзоди,
доцент С. А. Солижонов
Иш кўриб чиқилди
ва ҳимояга қўйилди.
Кафедра мудири –
“____” ____________ 2015 й.


Андижон - 2015

ДИССЕРТАЦИЯ АННОТАЦИЯСИ

Мазкур магистрлик диссертацияси инглиз ва ўзбек тилларидаги фразеологик бирикмаларнинг контекстуал маъно хусусиятларини киёсий кесимда тадқиқ килиш ва уларни таржима қилиш масаласини таҳлил қилишга бағишланган. Маълумки, ушбу мавзу бўйича анчагина илмий изланишлар олиб борилган, аммо фразеологик бирикмаларнинг контекстуал маъно хусусиятлари, уларнинг структурасидаги элементларнинг ўзаро муносабатлари ва таржима масалалари ўз ечимини кутаётган мавзуларданн эканлиги уни янада чуқурроқ кўриб чиқишни тақозо этади.
Изланишнинг мақсадиги эришиш учун қуйидаги вазифаларни бажариш назарда тутилади:
- фразеологик бирикмаларнинг туб мохиятини очиб бериш;
- фразеологик бирикмаларнинг контекстуал маъноларини эътиборга олган холда уларнинг турларини таҳлил қилиш;
- Инглиз ва ўзбек тилларидаги фразеологик бирикмаларнинг структурал-семантик турларини таҳлил қилиш;
- Ҳар икки тилдаги таржима қилинган вариантларни ўзаро қиёслаш ва таржима учун мақбул усуллари борасидаги назарий, амалий билим ва таржибаларни умумлаштириш, қиёсий тадқиқ этиш орқали янги илмий хулосалар чиқариш таржимонлик маҳоратини ривожлантиришдир.
Тадқиқот объекти инглиз ва ўзбек тилларида учрайдиган фразеологик бирикмалар бўлиб, уларнинг контекстуал маьно хусусиятлари тахлили ва тилга ўгириш муаммоларидир хамда тадқиқотлар мобайнида чоғиштирма ва статистик таҳлил усулларидан фойдаланилади.
Тадқиқотнинг назарий ва амалий аҳамияти шундан иборатки, инглиз ва ўзбек тилларидаги асарларда фразеологик бирикмаларни аниқлаш ва мукаммал таржимаси борасида қатор тавсиялар ишлаб чиқишдир
Тадқиқот ишнинг тузилиши: диссертация кириш ва 3 бобдан иборат бўлиб, уларнинг ҳар бири бир неча фаслларга бўлинади. Иш якунида хулоса, фойдаланилган адабиётлар рўйхати берилади.