Ўзбекистон республикаси олий ва ўрта махсус таълим вазирлиги жиззах политехника институти

2-Расм. Термоэлектрик ўзгарткич схемаси.
4.Термобатарея ва дифференциал термометрлар:
Термоэлектр термометрни ўзгартиш коэффициентини орттириш учун бир неча термопараларни (термобатареяларни) кетма-кет улашдан фойдаланилади (5.4-расм. а). Бунда термопаралар ҳосил қиладиган термо ЭЮК қўшилади, яъни n та термопарадан тузилган термобатареялар термо ЭЮК и алоҳида олинган термо пара термо ЭЮК идан катта. Бундай улашдан кам фарқ қилувчи иш температураси t ни ва эркин учлари t₀ ни ўлчашда фойдаланилади.

5.4-расм. Термоэлектр занжирлар: а-термобатарея; б-дифференциал термометр.


II. Босим ва сийракланишни ўлчаш хақида:
Асосий маълумотлар ва туркумланиши.Босим технологик жараёнларининг асосий параметрларидан бири бўлиб ишлаб чиқариш жараёнларининг тўғри олиб борилиши босим катталигига ҳам боғлиқ бўлади. Текис сиртга нормал таъсир кўрсатувчи равон тақсимланган куч босим деб аталади:

Р=F/S (6)

бунда S-текислик юзи; F-шу текислик юзага бир хил ва тик таъсир қиладиган босим кучи.

Босим халқаро бирликлар системасида паскаль (Па) билан ўлчанади. 1 Па миқдор жиҳатидан—кучга перпендикуляр бўлган 1 м² юзага текис тақсимланган 1 Н куч ҳосил қилган босимга тенг (Н/м²). Каррали кПа ва МПа бирликлар кенг қўлланилади.
Босим ўлчаш асбоблари шкаласи (кг/см²=1атм), мм.сим.уст.,мм.сув.уст, бар, кг/м² билан даражаланган бўлади. Улардан тўғри фойдаланиш учун, ўлчаш бирликлари орасидаги боғликларни ва ўтказиш коэффициентларини билиш зарур. Қуйидаги 1-жадвалда кўп учрайдиган босим бирликларининг нисбати келтирилган.
1-жадвал

Бирликлар	Па	Бар	кгК/см^2	кгк/м^2(мм.сув.уст)	мм.симоб уст
1Па	1	10^-5	1,0197 *10^-5	0,10197	7,6006*10^-3
1Бар	10^5	1	1,0197	1,0197*10^4	750,06
1кгК/см^2	9,8066*10^4	9,8066	1	10^-4	735,56
1кгК/м^2(мм.сим.уст)	9,8066	0,98066*10^-4	10^-4	1	7,3556*10^-2
1мм.сим.уст	133,32	1,3332*10^-3	1,13595*10^-3	13,595	1

Ўлчашда абсолют, ортиқча, атмосфера ва вакуумли босимлар мавжуд. Р_абс-абсолют босим—модда холатининг параметри бўлиб, Р_атм-атмосфера ва Р_орт-ортиқча босимлар йиғиндисидан иборат.

Р_абс=Р_атм+Р_орт (7)
Ортиқча босим абсолют ва атмосфера босимлар орасидаги фарқдан иборат
Р_орт=Р_абс—Р_атм (8)
Атмосфера босими—ер атмосферасидаги ҳаво устунининг босими; уни барометрлар билан ўлчанади.
Агарда Р_абс<Р_атм бўлганда ички босим камайиши вакуум -Р_кам=Р_абс—Р_орт вужудга келади. Бу холда идиш деворлари ичкарига тортилади.
(-Р_кам=Р_В). (9)