Ўзбекистон республикаси олий ва ўрта махсус таълим вазирлиги ўрта махсус, касб-ҳунар таълим маркази

1.8.3. Бухгалтерия ҳисоби регистрларидаги хато ёзувларни тузатиш тартиби.
Бухгалтерия ҳисоб регистрларига кўрсаткичлар акс эттирилаётганда, эътиборсизлик, маъсулиятсизлик, тажрибасизлик оқибатида хато ёзувлар ёзилиши мумкин.
Хато ёзувлар акс эттирилгани қўйидаги ҳолатларда аниқланиши мумкин:

1. 
   Хато ёзув фақат бир регистрларда акс эттирилган.
   
2. 
   Хато ёзув нотўғри бухгалтерия проводкаси натижасида вужудга келган.
   
3. 
   Бухгалтерия проводкаси тўғри, аммо акс эттирилган сумма кўп ёки кам ёзилган.
   

Хато ёзувни юқорида келтирилган қайси ҳолатлардан бирида аниқланганига кўра тузатиш ёзувлари амалга оширилади.
Хатони тузатишни қуйидаги усуллари мавжуд:
1. «Корректура» усули.
2. «Қизил сторно» усули.
3. «Қўшимча ёзув» усули.
«Корректура» усулидан хато ёзув фақат бир ҳисоб регистрида мавжудлиги аниқланган ҳолатда фойдаланилади.
«Корректура» усулини моҳияти шундаки, хато ёзув устидан ингичка чизиқ тортилиб, уни ёнига тўғри ёзув ёзилади, ҳамда бу хақда хато ёзувни тўғрилаган жавобгар шахс ёки бош бухгалтер муддатни кўрсатиб, имзо қўяди.
Масалан: «Материаллар» ҳисоб счётини дебети билан бухгалтерия ҳисоб реестрига 40050 сўм ўрнига, 40000 сўм ёзилган.
40000 (14.03.05) «тўғриланганлигига ишонилсин» (имзо).
«Қизил сторно» усулидан бухгалтерия проводкаси нотўғри берилганида ёки кўп сумма акс эттирилганида фойдаланилади.
«Қизил сторно» усули ёрдамида хато ёзув қизил рангли сиёҳ орқали тўғриланади. Яъни қизил рангда ёзилган рақам, шу рақам ёзилган оборот жами суммасидан айирилиши керак.
Қизил сиёҳдаги ёзув акс эттириб, хато ёзув тўғриланганидан сўнгра, тўғри бухгалтерия проводкаси ҳисоб регистрларига ёзиб қўйилади.
«Қизил сторно» усулига мисолни келтириш орқали талабаларни, ушбу усул моҳияти билан яқиндан таништирамиз.
Масалан: «Асосий ишлаб чиқариш» учун омбордан материал берилди 60000 сўм. Ушбу жараён учун бухгалтерия проводкаси қўйидагича бўлади:
Дебет «Асосий ишлаб чиқариш» 60 000 сўм.
Кредит «Материаллар» 60 000 сўм.
Бухгалтерия ходими томонидан эса, ҳисоб регистрларига 600 000 сўм акс эттирилгани аниқланди.
Хато ёзувни бир «О» рақамини ўчириш орқали тўғрилаш мумкин эмас. Демак, «қизил сторно» усулидан фойдаланишга тўғри келади.
600 000 –540 000 = 60 000 сўм

Бухгалтерия ҳисоб регистрларига 540 000 сўм ортиқча ёзилганлиги сабабли, 600 000 дан 540 000 айирилиши шарт. Схема кўринишида синтетик счётларга тааллуқли бухгалтерия ҳисоб регистрларидаги ёзувлар қўйидагича акс эттирилади:

Д+ Материаллар К - Д+ Асосий ишлаб чикариш К-
600 000 600 000
540 000 540 000
Аксинча, ёзилиши керак бўлган суммадан кам сумма ёзилгани аниқланса, «қўшимча ёзув» усулидан фойдаланилади.
Масалан, ходимларга ҳисобланган иш ҳақидан даромад солиғи ушлаб қолинди 170 000 сўм.
Хўжалик жараёни бухгалтерия ҳисоби регистрида қўйидаги бухгалтерия проводкаси асосида акс эттирилади:
Дебет «Ходимлар билан меҳнат ҳақи юзасидан ҳисоб-китоб».
Кредит «Бюджет билан ҳисоб-китоб».
Хато ёзув орқали юқоридаги счётлар учун юритиладиган бухгалтерия ҳисоб регистрига 170 000 сони ўрнига 120 000 сони ёзилгани аниқланди.
170 000 – 120 000 = 50 000
Хато ёзув тўғриланиши учун 50 000 қўшимча ёзув акс эттирилиши керак.
Материаллар қийматида фарқлар ижобий ёки салбий бўлишига кўра тегишли счётларга «қўшимча ёзув» ёки «қизил ёзув» усули орқали акс эттирилади.