Ўзбекистон республикаси олий ва ўрта махсус таълим вазирлиги с. Адилова Ў з б е к т и л и

7-топшириқ. Қуйидаги бирикмаларни рус тилига таржима қилинг. –ган қўшимчаси 
қандай вазифа бажараётганини тушунтиринг. 
Унвонга сазовор бўлган, хизмат кўрсатган мураббий, аввал ўқилган асар, 
яхши ўқиган, вазифалар бажарилган, бажарилган вазифалар, тузилган режа, 
кеча кўчириб бўлган. 
8-топшириқ. “Касб номлари”нинг икки тилли луғатини ёзинг.
9-топшириқ. Ўзингиз танлаган касб, унинг намояндалари тўғрисида сўзлаб беринг. 
10-топшириқ. Матнни ўқинг.
АКАДЕМИК МАҲМУД САЛОҲИДДИНОВ 
Маҳмуд Салоҳиддинович Салоҳиддинов – атоқли математик олим, физика-
математика фанлари доктори, профессор, академик, Ўзбекистонда хизмат 
кўрсатган фан арбоби, Беруний номидаги Ўзбекистон Давлат мукофоти 
совриндори. У Ўзбекистонда дифференциал тенгламалар соҳасидаги ҳозирги 
замон илмий мактабининг ташкилотчиси ва раҳбари, республикада фан ва 

---

13 
илмий таълимни ташкил этиш ва ривожлантиришга улкан ҳисса қўшган 
жамоат ва давлат арбобидир.
М.С.Салоҳиддинов 1933 йил 23 ноябрда Наманган шаҳрида таваллуд топди. 
1950 йил Ўрта Осиё давлат университетининг физика-математика факультетига 
ўқишга кирди, уни имтиёзли диплом билан тамомлади. У 1958 йилда 
номзодлик диссертациясини муваффақият билан ҳимоя қилди. Шу билан 
бутун умрини Ўзбекистонда математик билимларни ривожлантиришга 
бағишлади. 1967-1985 йилларда ЎзФА вице-президенти, 1988-1994 йилларда 
эса президенти бўлиб ишлади. 
Маҳмуд Салоҳиддинович сермазмун илмий, ижодий фаолиятини доим 
педагогик ва давлат ишлари билан бирга олиб борди. У 1985-1988 йилларда 
Олий ва ўрта махсус таълим вазири вазифасида ишлаб, олий мактабни 
ривожлантириш ва унинг кадрлар салоҳиятини кўтаришга катта ҳисса қўшди. 
Тошкент давлат университетида ўзи асос солган дифференциал тенгламалар 
кафедраси мудири бўлган. Ажойиб педагог, илмга чанқоқ ёшларнинг севимли 
мураббийи, шу билан бирга, жуда талабчан, меҳрибон, хушфеъл, 
адолатпарвар инсон.
Математикани ва олий таълимни ривожлантиришга қўшган ҳиссаси, сермаҳсул 
педагогик фаолияти ва юқори малакали илмий мутахассисларни тайёрлагани 
учун М.С.Салоҳиддинов “Ҳурмат белгиси” ордени ва медаллар билан 
тақдирланган. 
Луғат 
Атоқли – именитый 
Фан арбоби – деятель науки 
Мукофот совриндори – лауреат премии 
Тенглама - уравнение 
Илмий таълим – научное образование 
Ҳисса қўшмоқ – вносить вклад 
Имтиёзли диплом – диплом с отличием 
Номзодлик диссертацияси – кандидатская диссертация 

---

14 
Ҳимоя қилмоқ - защищать 
Бағишламоқ - посвящать 
Сермазмун - содержательный 
Салоҳият - потенциал 
Чанқоқ – жаждущий 
Талабчан - требовательный 
Хушфеъл - добродушный 
Сермаҳсул - плодотворный 
Тақдирланмоқ – быть награжденным