Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис институти

11.2. Ўзбекистонда халқаро туризмнинг ривожланиш динамикаси 
 
Бозор иқтисодиёти шароитида Ўзбекистонда ҳалқаро туризм соҳасини 
ривожлантириш учун қўлай имкониятлар ва шарт-шароитлар юзага 
келаётганлиги, туризмнинг республика иқтисодиётига янада интеграция-
лашуви, мамлакат иқтисодиётида муҳим аҳамият касб этади. Жаҳон 
иқтисодиёти тажрибаларидан маълумки, туризм соҳаси мамлакат бюджети 
учун зарур бўлган валюта тушумини таъминлаш, янги иш жойларини вужудга 
келтириш ва шу билан биргаликда аҳолининг турмуш даражасини кўтариш 
учун 
хизмат 
қилади. 
Республикамиз 
халқаро 
туризм 
соҳасидаги 
имкониятларининг катталиги билан қўшни мамлакатлардан тубдан фарқ 
қилади. Ўзбекистоннинг географик ўрни, ниҳоятда қўлай, табиий иқлим 
шароитига эга эканлиги, инсоният маданий тараққиётида ҳам катта ўрин 
тутади. Ўзбекистон бетакрор, ажойиб тарихий архитектура ёдгорликлари, 
ширин-шакар мевалари, хилма-хил миллий таомлари, ажойиб миллий 
анъаналари, урф-одатларига эга бўлган меҳмондўст халқига эга. Буларнинг 
барчаси чет эллик туристлар эътиборини ўзига тортади ва уларни 
хайратлантиради. Халқаро туризмни ривожлантиришда Ўзбекистондаги
сиёсий барқарорлик, тинчлик- тотувлик муҳим аҳамиятга эга. 
Ўзбекистонга келувчи хорижий фуқароларнинг 85% ини МДҲ, 
мамлакатлари ташкил қилса, қолганини Германия, АҚШ, Жанубий Корея, 
Франция, Япония, Туркия, Буюк Британия каби мамлакатлар таъминлайди. 
«Ўзбектуризм» Миллий Компаниясининг статистик маълумотларига кўра, 
Ўзбекистонга жами ташриф буюрган хорижий туристларга хизмат кўрсатиш
динамикаси қуйидаги 11.1. жадвалда кўрсатилган: 
Жадвал 11.1. 
«Ўзбекистон Республикасига ташриф буюрган хорижий туристларга
хизмат кўрсатиш динамикаси
 
Кўрсаткичлар 1995 1996 1997 1998 1999 2000 2001 2002 2003 2004 2005 2006 2007 2008